,

Breaking News :

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

အင်းတော် Silent Strike နေ့ ဖမ်းဆီးခံရသည့် အမျိုးသားလွတ်မြောက်လာခြင်းမရှိသေး

နာဂတောင်တန်း ကျေးရွာတစ်ခု ရွာလုံးကျွတ်နီးပါး မီးလောင်မှုဖြစ်ပွား

ရွှေဘိုတိုက်ပွဲတွင် ကာကွယ်ရေးတပ်ဖွဲ့ဝင် ၃ ဦးကျဆုံး

ဒီပဲယင်းတွင် တစ်ပတ်အတွင်းကျေးရွာ ၁၀ ရွာမှ နေအိမ်တစ်ထောင်ကျော် မီးရှို့ခံရ

ရွှေကူ ဆင်တပ်ရွာတွင် ဖမ်းဆီးထားသည့် ပြည်သူ ၁၄ ဦးအနက် ဆယ်ကျော်သက်လူငယ်တစ်ဦးကို ကလေးအကျဥ်ထောင်ပို့ရန် စီစဥ်နေ

မိုးညှင်း Silent strike နေ့တွင် အလယ်တန်းကျောင်းအတွင်း ဗုံးပေါက်ကွဲမှုဖြစ်ပွား

စစ်ဘေးရှောင်ကျေးရွာ ၁၂ ရွာမှ ဒေသခံတစ်သောင်းကျော်အတွက် ဆေးဝါးနှင့် စားနပ်ရိက္ခာအရေးပေါ်အကူညီများ လိုအပ်နေ

စစ်တပ်က ရိုက်နှက်ဖမ်းဆီးသွားသည့် ကားသမားတစ်ဦး နှင့် ဆယ်ကျော်သက် လူငယ်တစ်ဦးတို့ဖြင့် အဆက်အသွယ် မရသေး

အာဏာသိမ်းမှု ၂ နှစ်ပြည့် အသံတိတ်သပိတ် ပါဝင်ပေးကြဖို့ ကချင်ပြည်နယ်မှ တော်လှန်ရေးအင်အားစုများ တိုက်တွန်း

ဖားကန့် သပိတ်စစ်ကြောင်း ပစ်ခတ်ဖြိုခွင်းခံရ

ဖားကန့်မြို့ ဆန္ဒဖော်ထုတ်ပွဲတစ်ခု

ယနေ့ ဖားကန့်သပိတ်စစ်ကြောင်းကို ကျည်အစစ်ဖြင့်ပစ်ခတ်ဖြိုခွင်းလိုက်ပြီးနောက် ဒဏ်ရာပြင်းထန်သူများရှိနေပြီး၊ အဖမ်းခံရသူများလည်း ရှိနေကြောင်း သိရသည်။

မတ်လ ၃ ရက်နေ့ ဖားကန့်မြို့တွင် အေးမြသာယာသပိတ်စစ်ကြောင်းနှင့် ဆိပ်မူအုပ်စု သပိတ်စစ်ကြောင်းအား ရဲတပ်ဖွဲ့နဲ့စစ်သားများမှ အကြမ်းဖက်ဖြိုခွဲမူ ၂ ကြိမ်တိုင်ပြုလုပ်ခဲ့ပြီးနောက် လုံးခင်းဘက်မှသပိတ်စစ်ကြောင်းအား ထပ်မံဖြိုခွင်းခဲ့ရာ ဒဏ်ရာရသူ ၅ဦးထက်မနည်းရှိခဲ့ပြီး အသေးစိတ်မသိရသေးကြောင်း ဒေသခံများထံမှသိရသည်။

ကျည်အစစ်ထိမှန်ထားသောကြောင့် ဒဏ်ရာပြင်းထန်သူ ၂ ဦး စိုးရိမ်ရသည့်အခြေနေတွင်ရှိသောကြောင့် မြစ်ကြီးနားပြည်သူ့ဆေးရုံသို့ ပို့ဆောင်ထားကြောင်း သိရသည်။

ဖားကန့်မြို့တွင် ယနေ့ စစ်အာဏာဆန့်ကျင်သည့် သပိတ်စစ်ကြောင်းများချီတက်လာစဉ် ရဲများနှင့် စစ်သားများမှ ရာဘာကျည်၊ သေနတ်ကျည်အစစ်နဲ့ ပစ်ခတ်ဖြိုခွင်းခဲ့သည်။

ယနေ့ ဖားကန့်မြို့တွင်း စစ်အာဏာရှင်ဆန့်ကျင်သည့် သပိတ်စစ်ကြောင်းတွင် ပြည်သူ သုံးထောင်ဝန်းကျင်ခန့်ပါဝင်ခဲ့ကြောင်းလည်း သိရသည်။

ဖားကန့်မြို့တွင် မတ်လ ၃ရက်နေ့တွင် ရဲတပ်ကြပ်တစ်ဦးပါဝင်လာပြီးနောက် ပထမဆုံးအကြိမ် ပစ်ခတ်ဖြိုခွင်းမူများ ရင်ဆိုင်ခဲ့ကြရသည်။

ပထမနေ့ သပိတ်စစ်ကြောင်းအား ပစ်ခတ်ဖြိုခွင်းမူတွင် ဒဏ်ရာရရှိသူ အနည်းအကျဉ်းသာရှိခဲ့သော်လည်း ယနေ့ ဒုတိယအကြိမ် ပစ်ခတ်ဖြိုခွင်းခံရမူတွင် လက်ရှိချိန်ထိ ဖမ်းဆီးခံ ၅ဦး၊ ဒဏ်ရာရရှိသူ ၁၁ ဦးရှိပြီဖြစ်ကြောင်း သိရသည်။

ဖမ်းဆီးခံရသူများစာရင်း ထိခိုက်ဒဏ်ရာရသူများစာရင်း အတိအကျ မဟုတ်သေးဘဲ ထပ်တိုးရှိနိုင်သေးကြောင်းလည်း ဒေသခံများကဆိုသည်။

Read Previous

ဖားကန့်သပိတ်စစ်ကြောင်း ပထမဆုံးအကြိမ် ဖြိုခွင်းခံရ

Read Next

ဝိုင်းမော် သပိတ်တွင် ဖမ်းဆီးခံရသော ဆရာမ အပါ ၂ ဦးကို တွေ့ခွင့်မပြု