,

Breaking News :

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

အင်းတော် Silent Strike နေ့ ဖမ်းဆီးခံရသည့် အမျိုးသားလွတ်မြောက်လာခြင်းမရှိသေး

နာဂတောင်တန်း ကျေးရွာတစ်ခု ရွာလုံးကျွတ်နီးပါး မီးလောင်မှုဖြစ်ပွား

ရွှေဘိုတိုက်ပွဲတွင် ကာကွယ်ရေးတပ်ဖွဲ့ဝင် ၃ ဦးကျဆုံး

ဒီပဲယင်းတွင် တစ်ပတ်အတွင်းကျေးရွာ ၁၀ ရွာမှ နေအိမ်တစ်ထောင်ကျော် မီးရှို့ခံရ

ရွှေကူ ဆင်တပ်ရွာတွင် ဖမ်းဆီးထားသည့် ပြည်သူ ၁၄ ဦးအနက် ဆယ်ကျော်သက်လူငယ်တစ်ဦးကို ကလေးအကျဥ်ထောင်ပို့ရန် စီစဥ်နေ

မိုးညှင်း Silent strike နေ့တွင် အလယ်တန်းကျောင်းအတွင်း ဗုံးပေါက်ကွဲမှုဖြစ်ပွား

စစ်ဘေးရှောင်ကျေးရွာ ၁၂ ရွာမှ ဒေသခံတစ်သောင်းကျော်အတွက် ဆေးဝါးနှင့် စားနပ်ရိက္ခာအရေးပေါ်အကူညီများ လိုအပ်နေ

စစ်တပ်က ရိုက်နှက်ဖမ်းဆီးသွားသည့် ကားသမားတစ်ဦး နှင့် ဆယ်ကျော်သက် လူငယ်တစ်ဦးတို့ဖြင့် အဆက်အသွယ် မရသေး

အာဏာသိမ်းမှု ၂ နှစ်ပြည့် အသံတိတ်သပိတ် ပါဝင်ပေးကြဖို့ ကချင်ပြည်နယ်မှ တော်လှန်ရေးအင်အားစုများ တိုက်တွန်း

ဖားကန့်သပိတ်စစ်ကြောင်း ပထမဆုံးအကြိမ် ဖြိုခွင်းခံရ

ဖားကန့် လူထုဆန္ဒဖော်ထုတ်မှု (ဓါတ်ပုံ – ကိုတာ)

ကချင်ပြည်နယ်၊ ဖားကန့်မြို့ စစ်အာဏာဆန့်ကျင်သည့်သပိတ်တွင် ရဲတပ်ကြပ်တစ်ဦး ပါဝင်လာသည့်အတွက် ပထမဆုံးအကြိမ်အဖြစ် မတ်လ ၂ ရက်နေ့တွင် ပစ်ခတ်ဖြိုခွင်းခံခဲ့ရကြောင်း ဒေသခံများထံမှ သိရသည်။

ဖားကန့်မြို့တွင် ဖေဖော်ဝါရီလ ၈ ရက်နေ့မှစကာ စစ်အာဏာဆန့်ကျင်သည့် ဆန္ဒထုတ်ဖော်ပွဲများတွင် လူစုခွဲဖြိုခွင်းခံရခြင်း မရှိခဲ့သော်လည်း ယနေ့သပိတ်စစ်ကြောင်းတွင် ရဲတပ်ကြပ်တစ်ဦးပါဝင်လာသည့်အတွက် ၎င်းအား လာရောက်ရှာဖွေရင်း လူစုခွဲဖြိုခွင်းခဲ့ခြင်းများရှိခဲ့ကြောင်း အမည်မဖော်လိုသူ ဒေသခံတစ်ဦးကပြောသည်။

“ကျနော်တို့ဖားကန့်မှာ ဒီနေ့ပထမဆုံး ရဲတပ်ကြပ်တစ်ဦးက CDM လုပ်တဲ့ထဲပါဝင်လာတယ်။ လုံးခင်းဘက်သပိတ်စစ်ကြောင်းက ပါဝင်လာတာလို့ဘဲသိရတယ်။ အဲသပိတ်စစ်ကြောင်းက ဖားကန့် စီးပွားရေးဘဏ်နားမှာ ရောက်လာတဲ့အချိန်တစ်ခြားရဲတပ်ဖွဲ့ဝင်တွေက အဲရဲတပ်သားပါလာလို့ရောက်ချလာတာပြီးတော့ အဲရဲကိုလာရှာတယ်။ မတွေ့တဲ့ချိန်ကျတော့ ဒီရဲကဆန္ဒပြတဲ့ထဲပါတယ်ထင်ပြီးတော့ လူစုခွဲတာတွေလုပ်သွားတယ်။” ဟု အမည်မဖော်လိုသူ ဒေသခံများက ပြောသည်။

ယနေ့ပါဝင်လာသည့် ရဲတပ်ကြပ်ဆန်းလွင်သည် ဖားကန့်မြို့နယ်၊ ကထန်မှော်၊ လုံးခင်းကျေးရွာအုပ်စုရှိ မြစ်ဆုံဧရာကျောက်မျက်ကုမ္မဏီတွင် လုံခြုံရေးတာဝန်ယူနေသူတစ်ဦးဖြစ်ကြောင်းလည်း သိရသည်။

CDM ပါဝင်လာသည့် ရဲတပ်ကြပ်ဆန်းလွင်သည် “မြန်မာနိုင်ငံရဲတပ်ဖွဲ့ဆိုတာ ပြည်သူလူထုကို ဘယ်တော့မှမနှိပ်စက်ပါဘူး ခုဟာကသူတို့က ရဲဝတ်စုံဝတ်ပြီးနှိပ်စက်နေကြတဲ့အတွက် ကျနော်လမ်းပေါ်ထွက်ရခြင်းဖြစ်တယ်။ ကျနော့်မှာအသက်တစ်ချောင်းဘဲပါတယ် သေသွားရင်လည်းဘာမှမဖြစ်ဘူး ကျနော်သေရဲပါတယ်။” ဟု သပိတ်စစ်ကြောင်းတွင် ပြောဆိုခဲ့သည်။

ယနေ့ ဖားကန့်သပိတ်စစ်ကြောင်းအား ပစ်ခတ်ဖြိုခွင်းခဲ့သည့်အတွက် ထိခိုက်ဒဏ်ရာရသူ အနည်းငယ်ရှိခဲ့ကြောင်း သိရသည်။

ဖေဖော်ဝါရီလ ၁ ရက်နေ့တွင် စစ်တပ်မှအာဏာသိမ်းပြီးနောက် ဖေဖော်ဝါရီလ ၈ ရက်နေ့မှစကာ ကချင်ပြည်နယ် မြို့နယ်အသီးသီးတွင် စစ်အာဏာဆန့်ကျင်သည့် ဆန္ဒထုတ်ဖော်ပွဲများ ယနေ့ထက် ဆက်တိုက်ပြုလုပ်နေသည်ကို တွေ့ရသည်။

Read Previous

ဗန်းမော်ရှိ ဌာနဆိုင်ရာဝန်ထမ်းအများစု CDM တွင်ပါဝင်လာ

Read Next

ဖားကန့် သပိတ်စစ်ကြောင်း ပစ်ခတ်ဖြိုခွင်းခံရ