,

Breaking News :

ကသာနယ်အထက်ပိုင်းတွင် စစ်ကောင်စီတပ် ဂျက်လေယာဉ် ၂စီးဖြင့် ဗုံးကျဲတိုက်ခိုက်

ပေကုန်း ဇရပ်တွင်တပ်စွဲထားသော စစ်ကောင်စီတပ်ကို KIA နှင့် PDF ပူးပေါင်းတပ် သွားရောက်တိုက်ခိုက်

ပူတာအိုတွင် ကုန်စိမ်းနှင့် အသားစျေးနှုန်းများ အဆမတန် မြင့်တက်

ဆယ်ဇင်း KIA တပ်ကိုထပ်မံ တိုက်ခိုက်ရန် စစ်ကောင်စီ ရဟတ်ယာဉ်ဖြင့် အင်အား ပို့ဆောင်၊ ဒေသခံတစ်ချို့ ပိတ်ဆို့ခံထားရဆဲ

ဆယ်ဇင်းတွင် ပိတ်မိနေသည့် စစ်ရှောင် ပြည်သူအချို့ ပြန်လည်လွှတ်မြောက်လာ၊ အရေးပေါ် ကူညီမှုလိုအပ်နေ

စံပြ ပြည်သူ့စစ်တပ်စခန်း ဝင်ရောက်တိုက်ခိုက်မှုတွင် KIA ဘက် ၁ ဦးကျဆုံး၊ ၁ ဦးထိခိုက်ဟု ဆို

စံပြ ပြည်သူ့စစ် စခန်းကို KIA သွားရောက်တိုက်ခိုက် ဖျက်ဆီး

ရွှေကူတွင် စစ်ကောင်စီတပ်ကို KIA မိုင်းဆွဲတိုက်ခိုက်ခဲ့ရာ အရာရှိ ၁ ဦးအပါအဝင် ၅ ဦးထက်မနည်း သေဆုံး

ဗန်းမော် ၃မိုင်တွင် အမျိုးသား ၁ ဦးပစ်သတ်ခံရ

ဗန်းမော်စုပေါင်းရုံးမိုင်းးခွဲခံရမူ မြေစာရင်းဌာနမှ ဝန်ထမ်း ၁ ဦးထိခိုက်ဒဏ်ရာရ

ဖမ်းဆီးခံ ကချင်ဝန်ကြီးများကို မြစ်ကြီးနားအကျဉ်းထောင်ပို့

မြစ်ကြီးနား အကျဉ်းထောင်

ဖေဖော်ဝါရီလ ၁ ရက်နေ့ စစ်အာဏာသိမ်းချိန် ဖမ်းဆီးခံထားရသည့် ကချင်ပြည်နယ်မှ ဝန်ကြီး ၄ပါးနှင့် လွှတ်တော်ကိုယ်စားလှယ်တစ်ဦးအား မတ်လ ၃ ရက်နေ့ မြစ်ကြီးနားအကျဉ်းထောင်သို့ ပို့ဆောင်ထားကြောင်းသိရသည်။

“ထောင်ထဲမှာရှိတယ် ရောက်နေပြီဆိုတဲ့သတင်းကခိုင်မာတယ် လုံးဝသေချာတယ်။ ၁၀၀ ရာခိုင်နူန်းသေချာတယ်။ ဒါပေမယ့်ကျနော်တို့သွားမေးရင်တော့ မရှိဘူးဘဲပြောနေတာ မိသားစုဆီကိုလည်း အကြောင်းကြားတာမရှိဘူး။ ကျနော်တို့ကိုလည်း ယနေ့ထိအကြောင်းကြားတာတော့ မရှိဘူး။” ဟု NLD ပါတီမှ တာဝန်ရှိသူတစ်ဦး က ပြောသည်။

မတ်လ ၃ ရက်နေ မြစ်ကြီးနား အကျဉ်ထောင်သို့ ပို့ဆောင်ထားပြီဟု သတင်းကြားရသည့် ဝန်ကြီးများမှာ ဝန်ကြီးချုပ်ဒေါက်တာခက်အောင်၊ စည်ပင်သာယာရေးဝန်ကြီး ဦးနော်လီ၊ လူဝင်မူကြီးကြပ်ရေးဝန်ကြီး ဦးဇော်ဝင်း၊ လူမူရေးဝန်ကြီး ဦးနေဝင်း တို့ (၄)ဦးဖြစ်ပြီး ရွှေကူမြို့နယ်မှ ပြည်သူ့လွှတ်တော်ကိုယ်စားလှယ် ဦးဇာနည်မင်းလည်းပါဝင်သည်ဟု သိရသည်။

လက်ရှိအချိန်ထိ ကချင်ပြည်နယ်အမျိုးသားဒီမိုကရေစီအဖွဲ့ချုပ်ပါတီမှ ဝန်ကြီးများအပါအဝင် ဖမ်းဆီးထိန်းသိမ်းခံထားရသူ ၉ ဦး ထက်မနည်း ရှိနေသေးကြောင်းလည်း သိရသည်။

သို့သော် မြစ်ကြီးနားအကျဉ်းထောင်သို့ ရောက်ရှိနေသူများသည် ဝန်ကြီး(၄)ပါးနှင့် လွှတ်တော်ကိုယ်စားလှယ်တစ်ဦးသာ ရောက်ရှိနေသည်ဟု သတင်းရရှိထားပြီး ကျန်သည့်သူများအားမည်သည့်နေရာတွင် ထိန်းသိမ်းထားကြောင်း မသိရသေးကြောင်း ကချင်ပြည်နယ် NLDပါတီမှ တာဝန်ရှိသူများကပြောသည်။

“ဖမ်းတယ်ဆိုရင်လည်း လူ့အခွင့်ရေးနဲ့အညီဖမ်းစေချင်တယ်။ ဖမ်းထားပြီဆိုလည်း သက်ဆိုင်တဲ့မိသားစုတွေဆီကိုတော့ အကြောင်းကြားစေချင်တယ်။ ပြီးတော့ ဘယ်အမူနဲ့ဖမ်းတယ်ဆိုတာ လူတစ်ယောက်ရဲ့ရပိုင်ခွင့်ရစေချင်ပါတယ်။ ခုကမိသားစုဝင်တွေကို အကြောင်းကြားတာလည်း မရှိဘူး။ ဘာပုဒ်မတွေနဲ့ဖမ်းလဲ တရားရုံးမရောက်သေးတဲ့ချိန်တော့ တိတိကျကျပြောလို့မရသေးပါဘူး။” ဟု ပါတီမှတာဝန်ရှိသူတစ်ဦး ကပြောသည်။

စစ်အာဏာသိမ်းသည့် ဖေဖော်ဝါရီလ ၁ ရက်နေ့မှစတင်ပြီး ကချင်ပြည်နယ်မှ ဝန်ကြီးများကို စစ်တပ်က ဖမ်းဆီးခဲ့ပြီးနောက် ၁လကြာမှ အကျဉ်းထောင်သို့ ပို့ဆောင်ထားသည်ဖြစ်ကြောင်း သိရခြင်းဖြစ်သည်။

Read Previous

ဝိုင်းမော် သပိတ်တွင် ဖမ်းဆီးခံရသော ဆရာမ အပါ ၂ ဦးကို တွေ့ခွင့်မပြု

Read Next

ရှမ်းမြောက် တိုက်ပွဲတွင် ဒေသခံ ၄ ဦးကို မြန်မာစစ်တပ်က ဖမ်းဆီးခေါ်ဆောင်သွား

Leave a Reply

Your email address will not be published.