,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

ရှမ်းမြောက် တိုက်ပွဲတွင် ဒေသခံ ၄ ဦးကို မြန်မာစစ်တပ်က ဖမ်းဆီးခေါ်ဆောင်သွား

Photo – Halen Mai

ရှမ်းပြည်နယ်မြောက်ပိုင်း မူဆယ်ခရိုင်အတွင်း နမ့်ခေါင်ကျေးရွာအုပ်စု မန်ဒေါင်ကျေးရွာတွင် ကချင်လွတ်လပ်ရေးတပ်မတော် KIA နှင့် မြန်မာစစ်တပ်တို့ တိုက်ပွဲဖြစ်ပွားရာ ဒေသခံ ၄ ဦးကို တပ်မတော်ဘက်က ဖမ်းဆီးခေါ်ဆောင်သွားကြောင်း သိရသည်။

ယနေ့ မတ်လ ၄ ရက် နံနက် ၇ နာရီခန့်မှစတင်ပြီး နမ့်ခေါင်ကျေးရွာ ဆုတောင်းတောင် အနီးတွင် စတင်တိုက်ပွဲ ဖြစ်ပွားခဲ့ရာ ဒေသခံများမှာ နီးစပ်ရာ ကျေးရွာသို့ ထွက်ပြေးခဲ့ရသည်။

“ခုမန်ဒေါင်ကရွာသားတွေ အားလုံးက ကျနော်တို့ နမ့်ခေါင်အသင်ေးတာ်ဘုရားကျောင်းဝင်းထဲမှာ လာရောက်ခိုလှုံနေကြပြီ။ ရွာမှာက မျက်စိမမြင်တဲ့အဖိုးအိုတစ်ယောက်ကျန်ခဲ့တယ်။ တိုက်ပွဲဖြစ်နေတာဆိုတော့ သူ့ကိုလည်း ဘယ်သူမှ တွဲမခေါ်နိုင်ခဲ့ကြဘူး။” ဟု နမ့်ခေါင်ကျေးရွာက ထွက်ပြေးလာသူတစ်ဦးက ပြောသည်။

ဖမ်းဆီးခေါင်ဆောင်သွားခံရသည့် ကချင်ဒေသခံ ၄ ဦးမှာ မန်ဒေါင်ကျေးရွာဘုရားကျောင်းဆောက်လုပ်နေသော ဦးကမ်ဖန်းအောင်လ (အသက် ၆၀)၊ သင်းထောက် ဦးလမိုင်တူးဂျိုင် (အသက် ၄၀)၊ ဦးလမိုင်ဇော်တူးအောင် (အသက် ၃၅) နှင့် မောင်ကမ်ဖန်းခါ (အသက် ၂၀) တို့ဖြစ်သည်ဟု ဆိုသည်။

ယနေ့ နံနက် တိုက်ပွဲဖြစ်ပွားခဲ့သော မန်ဒေါင်ကျေးရွာသည် အိမ်ခြေ ၁၆ ခု၊ လူဦးရေ ၅၈ ဦးသာရှိပြီး နမ့်ခေါင်ကျေးရွာဖြင့် ၃ မိုင်ခန့်သာ ကွာဝေးသည်။

စစ်ပွဲကြောင့် နီးစပ်ရာ နမ်ခေါင်ကျေးရွာသို့ လက်ဗလာဖြင့် ထွက်ပြေးတိမ်းရှောင်လာကြသူများဖြစ်သဖြင့် အဝတ်အစား နှင့် အစားအသောက်များ လိုအပ်နေသည်ဟု သိရသည်။

“တိုက်ပွဲအခြေအနေက ဘယ်လိုဆက်ဖြစ်လာမလဲ၊ တိုက်ပွဲဆိုတာမျိုးက ခန့်မှန်းလို့မရတဲ့အတွက် သူတို့အတွက် အစားအသောက်တွေ၊ အဝတ်အစားတွေတော့ လိုအပ်တယ်။” ဟု ထွက်ပြေးလာသူတစ်ဦးက ပြောသည်။

ယခုဖြစ်ပွားသော တိုက်ပွဲနေရာသည် ကချင်လွတ်လပ်ရေးတပ်မတော် KIA တပ်မဟာ ၆ အောက်တပ်ရင်း ၃၆ တည်နေရာဖြစ်ပြီး၊ မြန်မာစစ်တပ်ဘက် ခလရ ၂၈၇ တပ်ရင်းက စစ်ရေးအရ ဝင်ရောက်လာသည့်အတွက် တိုက်ပွဲဖြစ်ပွားခဲ့ခြင်းဖြစ်သည်ဟု သိရသည်။

ရှမ်းပြည်နယ်မြောက်ပိုင်းတွင် မြန်မာစစ်တပ် တပ်မ ၉၉ အောက်စစ်ကြောင်းများနှင့် ကချင်လွတ်လပ်ရေးတပ်မတော် KIA တို့ကြား ပြီးခဲ့သည့် ဖေဖော်ဝါရီလ လယ်ခန့်ကစတင်ပြီး တိုက်ပွဲ ပုံမှန်ဖြစ်ပွားနေသည်။

Read Previous

ဖမ်းဆီးခံ ကချင်ဝန်ကြီးများကို မြစ်ကြီးနားအကျဉ်းထောင်ပို့

Read Next

စစ်အာဏာရှင်ဆန့်ကျင်မှုကြောင့် ဖမ်းဆီးခံရသော ပူတာအိုလူငယ် ၅ ဦးပြန်လည်လွတ်မြောက်