,

Breaking News :

ဝက်လက်နယ် တိုက်ပွဲတွင် ၂ဖက်တပ် အကျအဆုံးများဟုဆို

ဒီပဲယင်းတွင် လေကြောင်းလိုင်းဖြင့် တိုက်ခိုက်ခံရမှုကြောင့် ကျေးရွာ ၂ခုထွက်ပြေးတိမ်းရှောင်နေရ

ဆားလင်းကြီးနယ်တွင် စစ်ကောင်စီတပ် သေနတ်လိုက်လံပစ်ခတ်မှုကြောင့် ပြည်သူ ၂ဦးထိမှန်

ဖမ်းဆီးခံထားရသည့် PDF တပ်သား ၄ ဦးအနက် ၂ ဦးကို ထောင်တွင်းသတ်ဖြတ်ခံရဟုဆို

ကသာတွင် ကျောင်းသားတစ်ဦးထံမှ ဆေးခြောက်တွေ့ရှိသဖြင့် ပြည်သူ ၁၃ဦးကို စစ်ကောင်စီဖမ်းဆီး

အင်းတော်နယ်တွင် ထောင်ထားသည့် မိုင်းကြိုးစဆွဲမိသဖြင့် အမျိုးသား၂ဦးသေဆုံး

ကသာတွင် စစ်ကောင်စီ သတင်းပေးသူဟု ဆိုရသော ရာအိမ်မှူးတစ်ဦးဖမ်းဆီးခံရ

ပရိသတ်စိတ်ဝင်စားမည့် သတင်းအမှား ခေါင်းစဉ်ဖြင့် ဝင်ငွေရှာနေသော YouTube ချန်နယ်များကို သတိပြုရန်

ကင်းပုန်းဝပ်ပြီးပြန်လာသည့် စစ်ကောင်စီတပ် မိုင်းဆွဲတိုက်ခိုက်ခံရပြီး ၅ဦးသေဆုံး

ဖားကန့်တွင် ဆယ်နှစ်အောက် ကလေး ၄ဦးအပါ ပြည်သူ ၂၀ ကျော်ဖမ်းဆီးခံထားရဆဲ

ကချင်ပြည်သူများ စစ်ပွဲအတွက် မြေကတုတ်ကျင်းများတူးကာ ပြင်ဆင်

လိုင်ဇာမြို့အနီး ကတုတ်ကျင်းတူးနေသော စစ်ပြေးဒုက္ခသည်များ (Photo – Simsa Kasa Multimedia)

အာဏာသိမ်းစစ်တပ်နှင့် ကချင်လွတ်လပ်ရေးတပ်မတော် KIA တို့၏ တိုက်ပွဲ ကချင်ပြည်နယ်တွင် ပြန်လည်ပြင်းထန်လာသည်နှင့်အတူ KIO ဌာနချုပ်ရှိ ပြည်သူများကလည်း မြေကတုတ်ကျင်းတူးကာ တိုက်ပွဲအတွက် ပြင်ဆင်နေကြောင်း သိရသည်။

ဝေကြိုင် စစ်ပြေးဒုက္ခသည်များ၏ မြေကတုတ်ကျင်းတူးသည့် ဓါတ်ပုံသည် Simsa Kasa Multimedia စာမျှက်နှာတွင် တက်လာပြီးနောက် လိုင်ဇာဒေသခံ တစ်ဦးကလည်း ယခုလိုပြောသည်။

“စစ်ရှောင်စခန်းမှာတော့ ညလည်း စောစောအိပ်၊ မနက်လည်းစောစော ချက်စားဖို့ ညွန်ကြားထားတယ်တဲ့။ မြို့ပေါ်က လူထုကိုတော့ ကတုတ်ကျင်းတူးပြီး သတိအနေထားရှိနေဖို့ပဲ ပြောထားသေးတယ်။ ကတုတ်ကျင်းတူးရမယ်၊ ရိက္ခာခြောက်ပြင်ဆင်ရမယ်” စသဖြင့် ညွန်ကြားခံထားရကြောင်း သိရသည်။

လိုင်ဇာဗဟိုဌာနချုပ်သည် တရုတ်နယ်စပ်နှင့် ကပ်လျှက်ရှိသော်လည်း ၎င်းဌာနချုပ်အနီးတစ်ဝိုက်တွင် တပ်စွဲထားသော အာဏာသိမ်းစစ်တပ်က ယခင်ကတည်းက လက်နက်ကြီး နှင့် တိုက်လေယာဉ်များဖြင့် ပစ်ခတ်ခဲ့သည့် အဖြစ်အပျက်ရှိခဲ့သည်။

လက်ရှိအခြေအနေတွင် အာဏာသိမ်းစစ်တပ်၏ မြို့ပေါ်ဖမ်းဆီးနှိပ်စက်မှုများကြောင့် KIO ဌာနချုပ်သို့ နိုင်ငံရေးခိုလှုံလာသူအများအပြားလည်းရှိနေသည်ဟု သိရသည်။

KIO ဌာနချုပ်တွင်သာမက မြို့တော် မြစ်ကြီးနားမြို့ကဲသို့ပင် တိုက်ပွဲကြီးအတွက် ပြင်ဆင်ထားရန်ဆိုပြီး သတိပေးသည့်ရေးသားမှုများကို လူမှုစာမျှက်နှာပေါ်တွင် ယခုလဆန်းပိုင်းကစပြီး တွေ့မြင်ခဲ့ရသည်။

မတ်လ ၁၁ ရက်နေ့ကစတင်ပြီး ကချင်ပြည်နယ်ရှိ အာဏာသိမ်းစစ်တပ် နှင့် ၎င်း၏ လက်အောက်ခံ ပြည်သူ့စစ်စခန်း၊ ရဲစခန်းတို့ကို ကချင်လွတ်လပ်ရေးတပ်မတော် KIA တပ်မဟာ ၉ က တိုက်ခိုက်မှုများ စတင်ခဲ့ပြီး၊ တပ်မဟာ ၁ နှင့် တပ်မဟာ ၅ စသည့်နေရာများတွင် တိုက်ပွဲများ ဆက်တိုက်ဖြစ်ပွားလာနေသည်။

ယခုလို တိုက်ပွဲ စတင်လာသည်နှင့်အတူ ကချင်လွတ်လပ်ရေးတပ်မတော် KIA ကို ထောက်ခံကြောင်း လူထုဆန္ဒဖော်ထုတ်မှုများကိုလည်း မြို့ပေါ်တွင် ပုံမှန် မြင်တွေ့နေရပါသည်။

တစ်ဖက်တွင်လည်း ဆန္ဒဖော်ထုတ်သည့်လူအုပ်တွင် KIA က အကြမ်းဖက်မှုများ ပြုလုပ်လာနိုင်သဖြင့် အဆိုပါလှုပ်ရှားမှုများတွင် ပါဝင်ခြင်းမပြုရန် အာဏာသိမ်းစစ်တပ်က လမ်းဘေးနေရာများတွင် စာရွက်လိုက်ကပ်ထားကို တွေ့ရသည်။

 

Read Previous

ဗန်းမော်တွင် အလွတ်တန်းသတင်းထောက်တစ်ဦး ဖမ်းဆီးခံရ

Read Next

အာဏာသိမ်းပြီးနောက်ပိုင်း မိုးကောင်းတွင် သစ်ခိုးထုတ်မှုများရှိလာ

Leave a Reply

Your email address will not be published.