မိုးကောင်းမြို့ အမျိုးသားဒီမိုကရေစီအဖွဲ့ချုပ် NLD ပါတီဝင် ၃ ဦးကို ယနေ့ ဧပြီလ ၆ရက်နေ့တွင် အာဏာသိမ်းစစ်တပ်က ဖမ်းဆီးခေါ်ဆောင်သွားကြောင်း သိရသည်။
မိုးကောင်းမြို့ အိုးတန်းရပ်ကွက်တွင်နေသူ အသက် ၅၀ ဝန်းကျင် ဦးကျော်ထက်ဝင်း(ခ)ကိုထွေး၊ နတ်ကြီးကုန်းရပ်ကွက်တွင် နေထိုင်သည့် ဒေါ်သန္ဒာဝင်းနှင့်သူ၏အမျိုးသားစသည်တို့ကို ဖမ်းဆီးခေါ်ဆောင်သွားသည်ဟု မျက်မြင်သက်သေ တစ်ဦးထံမှ သိရသည်။
ဦးကျော်ဝင်းထက်(ခ)ကိုထွေး သည် မိုးကောင်းမြို့အတွင်း စစ်အာဏာသိမ်းမှုကြောင့် စားဝတ်နေရေး ခက်ခဲနေသူများကို ‘ပိုရင်လှူ၊ လိုရင်ယူ’ အစီအစဥ်တွင် ပါဝင်နေသူဖြစ်ပြီး ၎င်းအစီအစဥ်အတွက် စားသောက်ကုန်များသွားယူသည့် လမ်းခရီးတွင် ဖမ်းဆီးခံရခြင်း ဖြစ်သည်ဟု သိရသည်။
