,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

မိုးကောင်း နာရေးအိမ်တစ်ခုပစ်ခတ်ခံရပြီး ပြည်သူ ၁ ဦးထပ်မံ သေဆုံး

မိုးကောင်းမြို့နယ် လွယ်လီယန်ကျေးရွာ အသုဘနာရေးအိမ်တစ်ခုတွင်ရှိနေသော လူစုထဲသို့ သေနတ်ပစ်ခတ်မှုကြောင့် ပြည်သူတစ်ဦး သေဆုံးခဲ့ရကြောင်း သိရသည်။

ဧပြီလ ၆ရက်နေ့ ည ၁၂နာရီအချိန်တွင် အဆိုပါ နာရေးအိမ်တွင် ရပ်ကွက်သားများကစုပြီး ဖဲဝိုင်းကစားနေစဉ် အိမ်အပြင်ဘက်မှ တူမီးသေနတ်ဟုယူဆရသည်ဖြင့်ပစ်ခတ်မှုကြောင့် ဦးပေါ်ကောက် ဆိုသူ၏ ဦးခေါင်းတွင် ကျည်ထိမှန်ကာ ထိုနေရာတွင် သေဆုံးသွားကြောင်း သိရသည်။

တစ်ချိန်တည်းတွင် နာရေးအိမ်နှင့် မလှမ်းမကမ်းတွင်ရှိနေသော ဦးမင်းသူကလည်း အိမ်အပြင်ဘက် ခွေးဟောင်သဖြင့် ထွက်ကြည့်ရာ စစ်သားများက ကျည်အစစ်ဖြင့်ပစ်ခတ်လိုက်သောကြောင့် သူ၏ တင်ပါးတစ်ဖက် ကျည်ဝင်ကာ ဒဏ်ရာ ပြင်းထန်ခဲ့ကြောင်း သိရသည်။

“ကျနော်တို့ရွာမှာက အောင်မြင့်ရွှေ ဆိုတဲ့ အသုဘနာရေးအိမ်တစ်ခုရှိတယ်။ အဲ့ဒီအိမ်မှာ အားလုံးက သွားပြီးစုနေကြတာပေါ့။ ပြီရင်နာရေးအိမ်ဆိုတော့ ဖဲဝိုင်းဆော့ကြတာပေါ့။ ၁၂နာရီလောက် မှာတော့ သေနတ်သံကြားတာနဲ့ အထဲမှာဝိုင်းနေတဲ့အဖွဲ့ထဲက ဦးပေါ်ကောက် ခေါင်းတည့်တည် သေနတ်ပစ်ခံရတယ်။ နောက်ပြီး ၁၅ မိနစ်လောက်အကြာလောက်မှာ နာရေးအိမ်နဲ့ ၁၀ အိမ်လောက်ခြားမှာရှိတဲ့ ဦးမင်းသူက ခွေးအရမ်းဟောင်လို့ အပြင်ထွက်ကြည့်ရင်းသေနတ်ပစ်ခံလိုက်ရတယ်”ဟု လွယ်လီယန် ဒေသခံ တစ်ဦးက ပြောဆိုသည်။

အသက် ၄၀ ကျော်အရွယ် ဦးပေါ်ကောက်ကို တူမီးသေနတ်ဖြင့် ပစ်ခတ်သောသူကို မသိရသော်လည်း၊ အသက် ၃၀ ကျော်အရွယ် ဦးမင်းသူပစ်ခတ်ခံရမှုမှာ စစ်တပ်သုံးကျည်ဆံဖြစ်သည်ဟု သိရသည်။

ဒဏ်ရာပြင်းထန်စွာရရှိခဲ့သည့် ကိုမင်းသူ ကို မိုးကောင်းပြည်သူ့ဆေးရုံကြီးတွင် လက်မခံသည့်အတွက် မြစ်ကြီးနားမြို့ စစ်တပ်ဆေးရုံသို့ ပို့ဆောင်လိုက်ပြီဖြစ်ကြောင်း သိရသည်။

ထိုဒေသတွင် အာဏာသိမ်းစစ်တပ် ခမရ ၃၈၁ တပ်ဖွဲ့ က လှုပ်ရှားနေကြောင်း သိရသည်။

Read Previous

ဆိုင်ကယ်နှင့် ဖုန်း ဓါးပြတိုက်သွားသူများကို ကားဖြင့် လိုက်တိုက်ကာ ပစ္စည်းအချို့ ပြန်လည်ရရှိ

Read Next

‘ယုဇန ကုမ္ပဏီ အလိုမရှိ’ ဆန္ဒဖော်ထုတ်သော ရွာသားတချို့ကို အာဏာသိမ်းစစ်တပ်က ရှာဖွေနေ