,

Breaking News :

မုံးကိုး နဲ့ တီးမ ကျေးရွာဘက် စစ်ကောင်စီ နဲ့ MNDAA ၊ KIA တို့ တိုက်ပွဲဖြစ်

အုပ်ချုပ်ရေးဒိုင်း ဘောလုံးပွဲကြောင့် နောင်မွန်တွင် Covid-19 ပိုးတွေ့ လူနာပိုများလာ

ဘွမ်ရာယန်စစ်ရှောင်စခန်းတွင် ကျန်းမာရေးနှင့် အစားအသောက်အကူညီများ ပြန်လည်လိုအပ်လာ

မြန်မာ-တရုတ် နယ်စပ်မှာ ပိတ်ထားတဲ့ ဂိတ်တွေကို ပြန်လည် ဖွင့်ဖို့ ဆိုင်းငံ့ထား

မြစ်ဆုံဒေသ စက်ယန္တရားကြီးများဖြင့် ရွှေတူးဖော်မှုကို ဒေသခံများ ကန့်ကွက်

ကသာမြို့နယ် ရပ်ကျေး အုပ်ချုပ်ရေးမှူး အများစု တာဝန်မှ နှုတ်ထွက်

ကချင်စစ်ရှောင်စခန်းများတွင် Covid-19 အတည်ပြုလူနာ ပိုးတိုးလာသဖြင့် စားဝတ်နေရေးအလွန်ခက်ခဲလာ

တရုတ်-မြန်မာ နှစ်နိုင်ငံ ကုန်သွယ်မှု မျှတမှု မရှိလို့ မြန်မာ လုပ်ငန်းရှင်များ ဆုံးရှုံးမှုများနေ

မုံးကိုးတိုက်ပွဲမှာ အရပ်သားပြည်သူ ၆ ဦး လက်နက်ကြီးကျည်စ ထိမှန်ဒဏ်ရ

ပြည်သူ့စစ်အဖွဲ့ အကျိုးအမြတ်ရနေသော ရွှေမှော်များကို KIA ပိတ်သိမ်းခိုင်း

‘ယုဇန ကုမ္ပဏီ အလိုမရှိ’ ဆန္ဒဖော်ထုတ်သော ရွာသားတချို့ကို အာဏာသိမ်းစစ်တပ်က ရှာဖွေနေ

ဆန္ဒဖော်ထုတ်နေသော ဒေသခံများ

ဟူးကောင်းချိုင့်ဝှမ်းဒေသ အာဏာသိမ်းစစ်တပ်အောက် ယုဇနကုမ္ပဏီကို အလိုမရှိကြောင်း ဧပြီလ ၇ ရက်နေ့ ဆန္ဒဖော်ထုတ်ခဲ့သော ဒေသခံခေါင်းဆောင်များကို ရှဒူးဇွပ်ကျေးရွာအခြေစိုက် စစ်တပ်က ရှာဖွေနေကြောင်း သိရသည်။

လီဒိုလမ်းမပေါ်ရှိ တိန်းကောက်၊ အောင်ရာ၊ စံပြ၊ ရှဒူးဇွပ်၊ ဝါရာဇွပ်၊ နှောင်းမီ နှင့် တနိုင်း စသောကျေးရွာများတွင် ယုဇနကုမ္ပဏီကို ထွက်ခွာသွားရန် ကျေးရွာအလိုက် နံနက် ၇ နာရီတွင် ဆန္ဒဖော်ထုတ်ခဲ့ကြသည်။

ဆန္ဒပြပွဲပြီးနောက် မွန်းလွဲ ၁နာရီခန့်တွင် ဆန္ဒပြပွဲကို ဦးဆောင်သူဟု ယူဆရသောသူ၏ နေအိမ်သို့ စစ်သားများက လာရောက်ရှာဖွေခဲ့ကြောင်း မိသားစုဝင်တစ်ဦးထံမှ သိရသည်။

“စစ်သား အယောက် ၁ဝ ကျော်က လယ်တောထဲရောက်လာပြီး လာရှာတယ်။ သူ မရှိတော့ ဖုန်းပြန်ဆက်ခိုင်းတယ်။ ပြီးရင်ပတ်ပတ်လည် ရှာကြတယ်။ မတွေ့တော့ သူပြန်လာရင် ရှဒူးဇွပ်ကျေးရွာက ခလရ (၂၉၇) စစ်သားတွေလာရှာတယ်လို့ပြောပေး။ ပြီးတော့ အုပ်ချုပ်ရေးမှူးကို အကြောင်းကြားပြီး တပ်ရင်းကိုလာခိုင်းလိုက်” ဟု ပြောဆိုခဲ့ကြောင်း ရှာဖွေခံရသူ၏ မိသားစုဝင်တစ်ဦးက ပြောသည်။

ဒေသခံတောင်သူများက ‘ယုဇနကုမ္မဏီအလိုမရှိ၊ မြေယာသည် တောင်သူများအတွက်ဖြစ်သည်၊ မြေယာပိုင်ရှင်သည် ဒေသခံတောင်သူများသာဖြစ်သည်၊ ဒေသခံပြည်သူများသည် CDM ကိုထောက်ခံသည်၊ ယုဇနကုမ္မဏီ ချက်ချင်းထွက်” စသော ကြွေးကြော်သံများနှင့်အတူ မိမိကျေးရွာတွင် မိမိအစီစဉ်ဖြင့် ဆန္ဒပြထုတ်ဖော်ခဲ့ကြောင်း သိရသည်။

စစ်တပ်လက်အောက်ခံ ဦးဌေးမြင့် ဦးဆောင်သော ယုဇနကုမ္ပဏီကို ယခင် ဦးသန်းရွှေ စစ်အစိုးရလက်ထက် ၂၀၀၆ ခုနှစ်ခန့်က ဟူးကောင်းဒေသ မြေဧက ၄ သိန်းကျော်ကို ပီလောပီနံ စိုက်ပျိုးရန် ခွင့်ပြုပေးခဲ့သည်။

ဒေသခံများ၏ မြေယာ မတရားသိမ်းယူထားမှုကို အမြန်စွန့်လွတ်ပေးရန် ဒေသခံများက NLD အပါအဝင် အစိုးရအဆက်ဆက်ကို တောင်းဆိုခဲ့သော်လည်း ၁၄ နှစ်ကြာအထိ နှစ်နာနေရဆဲဖြစ်သည်။

အာဏာသိမ်းပြီးနောက် ပြီးခဲ့သည့် ဧပြီလ ၁ ရက်နေ့ နံနက် ၁ နာရီခန့်တွင် ယုဇန ကုမ္ပဏီဝင်းအတွင်း ဂိုဒေါင်နှင့် စက်ယန္တရားများကို ကချင်လွတ်လပ်ရေးတပ်မတော် KIA က ဝင်ရောက်ဖျက်ဆီးပေးခဲ့ပြီး ဧပြီလ ၇ရက်နေ့ နောက်ဆုံထားပြီး ဟူးကောင်းဒေသမှ ထွက်ခွာသွားရန် ပြောဆိုထားကြောင်း ဒေသခံများမှ သိရသည်။

ဟူးကောင်းချိုင့်ဝှမ်းဒေသ ကချင်လွတ်လပ်ရေးတပ်မတော် KIA တပ်မဟာ ၂ အောက် တပ်ရင်းများနှင့် အာဏာသိမ်းစစ်တပ်တို့ကြား တိုက်ပွဲပုံမှန်ဖြစ်ပွားနေသောကာလတွင် ဒေသခံများက ယုဇနကုမ္ပဏီအလိုမရှိကြောင်း အရဲစွန့် ဆန္ဒဖော်ထုတ်ခဲ့ကြခြင်း ဖြစ်ကြောင်း သိရသည်။

Read Previous

မိုးကောင်း နာရေးအိမ်တစ်ခုပစ်ခတ်ခံရပြီး ပြည်သူ ၁ ဦးထပ်မံ သေဆုံး

Read Next

“ပြည်သူက KIO ကို ပစ်ပယ် လိုက်လို့မရသလို၊ KIO ကလည်း ပြည်သူကို ပစ်ပယ်လို့ မရဘူး။” KIO ပြောရေးဆိုခွင့်ရှိသူဖြင့် မေးမြန်းခြင်း။

Leave a Reply

Your email address will not be published. Required fields are marked *