,

Breaking News :

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ရွှေဘိုတွင် တစ်ရက်အတွင်း ကျေးရွာ ၃ ရွာမှ လူနေအိမ် ၁၇၀ ခန့် မီးရှို့ခံရ

ကန့်ဘလူမြို့နယ်တွင် စစ်ဘေးရှောင်ရင်း မြွေကိုက်ခံရသူ ၃၉ ဦးရှိလာ

စစ်အင်အား သယ်ဆောင်လာသော သင်္ဘော ၂ စီးကို KIA ကြားဖြတ်တိုက်ခိုက်

ပုံဟောင်းအသုံးပြုထားသည်

စစ်အင်အားအပြည့်ဖြင့်ရောက်လာသော သင်္ဘော ၂ စီးကို ကချင်လွတ်လပ်ရေးတပ်မတော် KIA က ရွှေကူမြို့ ကျောက်ကြီးကျေးရွာအကျော်တွင် ကြားဖြတ်တိုက်ခိုက်ရာ အာဏာသိမ်းစစ်တပ်ဘက်က ထိခိုက်သေဆုံမှု များပြားခဲ့ကြောင်း သိရသည်။

မေလ ၆ ရက်ည ၉ နာရီခန့် အဆိုပါ သင်္ဘော ၂ စီးကို KIA တပ်မဟာ ၈ လက်အောက်ခံ တပ်ရင်း ၅ တပ်ဖွဲ့က ပစ်ခတ်ခဲ့ခြင်းဖြစ်ကြောင်း KIO ဗဟိုဌာနချုပ်ပြန်ကြားရေးတာဝန်ခံ ဗိုလ်မှူးကြီးနော်ဘူက ကချင်သတင်းဌာန KNG ကို ပြောသည်။

‘သင်္ဘာ ၂ စီး ကိုပစ်တယ်။ ၁စီးက ပြန်လှည့်သွားတယ်။ ၁ စီးက အဲမှာပဲ ရပ်သွားတယ်။ ထိခိုက်ဒဏ်ရာ ရရှိသူများတဲ့အတွက် လှေအသေးနဲ့ သယ်နေကြတယ်လို့ ပြောတယ်။ ပြည်သူတွေသွားလာတဲ့ စက်လှေတွေတောင် အားလုံး ရပ်လိုက်တယ်လို့ ပြောနေကြတယ်။”

ပစ်ခတ်မှုနှင့် ပတ်သက်ပြီး အဆိုပါသင်္ဘောပေါ်တွင်တွင် လိုက်ပါလာသော ပြည်သူတစ်ဦး၏ ပြောဆိုချက်ကို ရွှေကူဒေသခံတစ်ဦးက KNG သတင်းဌာနကို ယခုလို ပြန်လည်ပြောပြသည်။

“သင်္ဘောမှာ စစ်သားတွေကော၊ လက်နက်ရိက္ခာတွေလည်းပါလာတယ်။ အဲ့ဒါကို KIA က သတင်းကြားလို့ထင်တယ်။ ကျောက်ကြီးကျေးရွာ အကျော်နားမှာ လာစောင့်ပစ်တယ်။ ခရီးသည်သင်္ဘောဖြစ်တဲ့အတွက် ခရီးသည်တွေလည်း အများကြီးပါလာတယ်။ ခရီးသည်တွေက ပစ်ခံရမှာစိုးလို့ ခရီးသည်တွေပါလို့အော်ကြတယ်။ အဲ့ချိန်မှာ စစ်သားတွေလည်း ခရီးသည်တွေပါလို့ပြန်အော်တယ်။ အဲတော့ KIA က ဆက်မပစ်ဘဲနောက်ဆုတ်သွားတယ်။ အဲ့ကြောင့် ထိခိုက်ဒဏ်ရာရှိတဲ့ သူတော့ မရှိဘူ” ဟု ဆိုသည်။

အဆိုပါသင်္ဘောသည် ရွှေကူမြို့သို့ ရောက်ရှိချိန် စစ်ကား ၄ စီးဖြင့် စစ်သားများကို လာရောက် သယ်ယူသွားကြောင်း သိရသည်။

အာဏာသိမ်းစစ်တပ်သည် အရပ်သားများကို အကာကွယ်ပြုကာ စစ်အင်အားတိုးချဲ့မှုများ၊ လှုပ်ရှားသွားလာမှုများကို ကချင်ပြည်နယ်တွင် ပြုလုပ်လေ့ရှိကြောင်း မှတ်တမ်းများအရ သိရသည်။

ကချင်လွတ်လပ်ရေးတပ်မတော် KIA ၏ အလော့ဘွမ်စခန်းကို ပြန်လည်သိမ်းယူရန် အာဏာသိမ်းစစ်တပ်သည် လေယာဉ်၊ တင့်ကား နှင့်အမြောက်တပ်အပါအဝင် နေ့စဉ် တိုက်ခိုက်နေပြီး မြေပြင်စစ်အင်အားလည်း တိုးချဲ့နေသည်ဟု ဒေသခံများ ထံမှ သိရသည်။

Read Previous

နောင်မွန်တွင် KIA ကိုပြန်လည်တိုက်ခိုက်ရန် ပြည်သူ့စစ်နှင့် ရိုးရာယဉ်ကျေးမှုအဖွဲ့ လိုက်လံစည်းရုံးနေ

Read Next

မေလ ၆ ရက် တစ်ရက်တည်း အာဏာသိမ်းစစ်တပ်အင်အား ရာဂဏန်း ထိခိုက်သေဆုံးမှုရှိခဲ့