,

Breaking News :

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ရွှေဘိုတွင် တစ်ရက်အတွင်း ကျေးရွာ ၃ ရွာမှ လူနေအိမ် ၁၇၀ ခန့် မီးရှို့ခံရ

ကန့်ဘလူမြို့နယ်တွင် စစ်ဘေးရှောင်ရင်း မြွေကိုက်ခံရသူ ၃၉ ဦးရှိလာ

ဖားကန့်တွင် စစ်ဆေးရေးတင်းကြပ်နေသည့် စစ်ကေင်စီအဖွဲ့ ဒရုန်းဖြင့် ဗုံးကျဲတိုက်ခိုက်ခံရ

မံစီမြို့နယ် မဒန်ယန်ကျေးရွာအနီး တိုက်ပွဲပြင်းထန်၊ စစ်တပ်ဘက်က လေယာဉ် ၅ စီးဖြင့် သွားရောက်ပစ်ခတ်

ဗန်းမော်ခရိုင် မံစီမြို့နယ် မဒန်ယန်ကျေးရွာအနီး ကချင်လွတ်လပ်ရေးတပ်မတော် KIA တပ်မဟာ ၃ တပ်ရင်း ၂၇ နယ်မြေတပ်စခန်းတစ်ခုကို အာဏာသိမ်းစစ်တပ်က ယမန်နေ့ညက လေယာဉ် ၅စီးဖြင့် လာရောက်ပစ်ခတ်သွားသည်ဟု မံစီဒေသခံများ ပြောဆိုချက်မှ သိရသည်။

မေလ ၁၅ ရက် ညသန်ခေါင် ၁၂ နာရီခန့် KIA တပ်ရင်း ၂၇ မဒန်ယန်ကျေးရွာတပ်စခန်းကို အာဏာသိမ်းစစ်တပ်က လေယာဉ်ဖြင့် ဗုံးကြဲတိုက်ခိုက်ခဲ့သဖြင့်  ၂ ဖက်စလုံးနာရီဝက်ခန့်အကြာ တိုက်ပွဲဖြစ်ပွားခဲ့သည်ဟု အမည်မဖော်လိုသူ မံစီဒေသခံတစ်ဦးက ယခုလို ပြောဆိုသည်။

“ည ၁၂ နာရီ လောက်မှာ ဟုတ်တယ်။ စစ်တပ်ဘက်က လေယာဉ် ၅နဲ့ လာပစ်သွားတယ်။ လေယာဉ်က ဗုံးကြဲတာလည်း မျက်စိနဲ့တမ်းမြင်ခဲ့ရတယ်။ အဲ့မှာ KIA ဘက်ကလည်း လက်နက်ကြီးတွေနဲ့ပြန်ပစ်တယ်ထင်တယ်။ နာရီဝက်လောက်တိုက်ပွဲပြန်ဖြစ်ကြတယ်။” ဟု ပြောဆိုသည်။

မဒန်ယန်ကျေးရွာအနီး အာဏာသိမ်းစစ်တပ်စခန်းကို ကချင်လွတ်လပ်ရေးတပ်မတော် KIA က မေလ ၁၁ ရက်ခန့်က စတင်ပြီး ထိုးစစ်ဆင်တိုက်ခိုက်ခဲ့ပြီးနောက် စစ်တပ်ဘက်ကလည်း စစ်အင်အား ၂၀၀ ခန့် ပြန်လည်အားဖြင့်လာသောကြောင့် ယနေ့ထိ တိုက်ပွဲပြင်းထန်နေဆဲဖြစ်သည်။

ယမန်နေ့ည ဂျက်လေယာဉ် ၅ စီးဖြင့် သွားရောက်ပစ်ခတ်ခဲ့ပြီးနောက် ယနေ့ နံနက် ၈ နာရီခန့်မှစတင်ပြီး လက်နက်ကြီးများဖြင့်လည်း ပြန်လည်ပစ်ခတ်နေကြောင်း ဒေသခံများ၏ သတင်းပေးပို့ချက်မှ သိရသည်။

အာဏာသိမ်းစစ်တပ်သည် မိုးမောက်မြို့နယ် KIA တပ်မဟာ ၅ အလော့ဘွမ်ကို ပြန်လည်တိုက်ခိုက်ရန် စစ်အင်အားအလုံးအရင်း သွားရောက်ပို့ဆောင်ထားပြီးနောက် မေလ ၁၁ ရက်နေ့တွင် KIA က မံစီမြို့နယ်က အာဏာသိမ်းစစ်တပ်၏ စခန်းများကို သွားရောက်တိုက်ခိုက်ခဲ့ခြင်းဖြစ်သည်။

Read Previous

မြစ်ကြီးနား KBZ ဘဏ် (၁)ရှေ့ပေါက်ကွဲမှုကို ဗီဒီယိုရိုက်ကူးသူ ဖမ်းဆီးခံရ

Read Next

လီဒိုလမ်းပေါ်က လူငယ် ၂၉ ဦး တနိုင်း ဒကစ တွင် ဖမ်းဆီးခံရ