,

Breaking News :

ပင်လည်ဘူးမြို့နယ် ကျေးရွာပေါင်း ၁၀ ရွာခန့် ထွက်ပြေးတိမ်းရှောင်နေရ

စစ်ကောင်စီ လက်နက်ကြီးကြောင့် အသက် ၉ နှစ်အရွယ်ကလေးနှင့် မိခင် ထိခိုက်ဒဏ်ရာ ပြင်းထန်

လားရှိုး သိန္နီ လမ်းမပေါ်တိုက်ပွဲမှာ စစ်ကောင်စီဘက် ၃ ဦးသေဆုံး

စစ်ကောင်စီ ရိက္ခာသယ်ကား အစီ ၄၀ ကျော် မိုးကောင်းမှ တနိုင်းသို့ တက်သွား

မိုးမောက်မြို့  မိုင်းပေါက်ကွဲမူတွင် စစ်ကောင်စီမှ ၃ ဦး ဒဏ်ရာပြင်းထန်စွာရရှိ

အာဏာသိမ်း စစ်ခေါင်းဆောင် ပူတာအို ပြန်လာမည်ဟု သတင်းထွက်ပေါ်နေ

ကျေးရွာနဲ့ ဘုရားကျောင်းမကျန် စစ်ကောင်စီတပ် နေရာယူ

ပင်လည်ဘူးမြို့၊ ကောလင်းမြို့၊ ဝန်းသို မြို့နယ် (၃) ‌ခု အင်တာနက်လိုင်းများနှင့် ဖုန်းလိုင်းများ ထပ်မံဖြတ်တောက်ခံရ

စစ်ကောင်စီ မိုင်းကြောင့် မုံးကိုး ဖောင်းဆိုင်ဒေသခံတစ်ဦး နင်းမိ သေဆုံး

တနိုင်းသွားလမ်း လီဒိုလမ်းမပေါ် တွင် အာဏာသိမ်းနှင့် KIA တိုက်ပွဲ ပြင်းထန်နေ

ဖုန်အိန်ယန်ကျေးရွာတွင် ဥပဒေမဲ့ ရွှေတူးဖော်နေကြောင်း ဒေသခံများပြော

ကချင်ပြည်နယ် ဆွမ်ပရာဘွမ်မြို့နယ် ဖုန်အိန်ယာန် (Hpung Ing Yang) ကျေးရွာတွင် စစ်တပ်က အာဏာ သိမ်းပြီးနောက် ရွှေတူးဖော်သူများက ကျေးရွာနယ်နမိတ်အတွင်းထိ ဥပဒေမဲ့ တူးဖော်လာကြသည်ဟု ဒေသခံများပြောသည်။

ဖုန်အိန်ယာန်ကျေးရွာသည် ဖုန်အိန်ချောင်းနှင့် ဖုန်ကျန်းခ ချောင်း ၂ခုဆုံသည့် ကုန်းကမ်းပါအလယ်တွင် တည်ရှိခြင်းဖြစ်ပြီး NLD အစိုးရ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီး ဦးဒရှီလဆိုင်းက ခွင့်ပြုထားသော စီမံကိန်းများဖြစ်သည်။

“ရွှေတူးဖော်တာက အရင်အစိုးရလက်ထက်ကတည်းက ခွင့်ပြုထားတဲ့နေရာတွေပဲ။ ဒါပေမယ့် အခု နောက်ပိုင်း ဖြစ်ပျက်လာတာက အရင်းက ချောင်းရဲ့ ပေ ၃၀၀ အကွာ တူးဖော်ခွင့်မပေးဘူး။ အခုကအဲ့လိုမဟုတ်တော့ဘူး။ ပေ ၃၀၀ အကွာထားတာလည်းမရှိတော့ဘူး။ အကုန်လုံးမြေလှန်တူးနေတော့တာဘဲ။” ဟု အမည်မဖော်လိုသူ ဒေသခံတစ်ဦးက ပြောဆိုသည်။

ထိုသို့ ချောင်း ၂ခု၏ အထက်ပိုင်းချောင်ကမ်းပါးများ သတ်မှတ်ထားခြင်းမရှိဘဲ မြေလှန်တူးဖော်နေသည့်အတွက် ကျေးရွာအတွင်းရေကြီးရေလျှံဖြစ်ကို စိုးရိမ်နေပြီး ရေညစ်ညမ်းမှုများလည်း ရှိလာသည်ဟု သူကဆက်လက်ပြောဆိုခဲ့သည်။

စစ်တပ်က အာဏာသိမ်းပြီး ၁ လအကြာထိ ဖုန်အိန်ယန်ကျေးရွာက ရွှေတူးဖော်ရေးလုပ်ငန်းများရပ်နားခဲ့သော်လည်း ဧပြီလမှစတင်ပြီး လုပ်ငန်း ပုံမှန်ပြန်လည်လုပ်ကိုင်လာကြောင်း ဒေသခံများပြောဆိုချက်မှ သိရသည်။

လက်ရှိ ဖုန်ကျန်းခတွင် လုပ်ငန်းရှင် ၆ဦးခန့်နှင့် ဖုန်အိန်ချောင်းတွင် လုပ်ငန်းရှင် ၁၀ဦကျော်ခန့် စုစုပေါင်း လုပ်ငန်းရှင် ၂၀နီးပါခန့် ရွှေတူးဖော်နေကြသည်။

ရွေးကောက်ခံအစိုးရလက်ထက်တွင် ဆွမ်ပရာဘွမ်မြို့နယ်အတွင်း တရားဝင် ခွင့်ပြုထားသည့် ရွှေလုပ်ကွက် ၁၃ ခုရှိခဲ့ပြီး ၎င်းတို့မှာ အင်ဇာဇွပ်အထက်ဖက်ရှိ ဂဖရန့်ခူး(ဒေသခေါ်) အနီးတဝိုက်၊ အင်ဘန်ခအနီးရှိ အင်လီဇွပ်ခူး၊ ဖုန်အိန်ခအနီးတဝိုက်၊ လက်ချောင်းဆုံ(ဖုန်ငိုင်ခ)နှင့် ဖုန်းကျန်းခ အထက်ဘက်တွင်ရှိသော ရှင်ဒန့်ခူးတွင် ၂နေရာ၊ အင်ဘန်ဇွပ်ဘက်ရှိ ဝါးတောမှော် စသောနေရာတွင်ဖြစ်ကြောင်း သိရသည်။

Read Previous

ခရီးမှပြန်လာသော မချမ်းဘော့ လူငယ် ၂ ဦး မသင်္ကာမှုဖြင့် ဖမ်းဆီးခံရ

Read Next

ရွှေကူ မြို့တွင်းဖြတ်လာသည့် စစ်ယာဉ်တန်းကို ဓါတ်ပုံရိုက်သော ပြည်သူ ၂ ဦး ဖမ်းဆီးခံရ

Leave a Reply

Your email address will not be published. Required fields are marked *