,

Breaking News :

ပင်လည်ဘူးမြို့နယ် ကျေးရွာပေါင်း ၁၀ ရွာခန့် ထွက်ပြေးတိမ်းရှောင်နေရ

စစ်ကောင်စီ လက်နက်ကြီးကြောင့် အသက် ၉ နှစ်အရွယ်ကလေးနှင့် မိခင် ထိခိုက်ဒဏ်ရာ ပြင်းထန်

လားရှိုး သိန္နီ လမ်းမပေါ်တိုက်ပွဲမှာ စစ်ကောင်စီဘက် ၃ ဦးသေဆုံး

စစ်ကောင်စီ ရိက္ခာသယ်ကား အစီ ၄၀ ကျော် မိုးကောင်းမှ တနိုင်းသို့ တက်သွား

မိုးမောက်မြို့  မိုင်းပေါက်ကွဲမူတွင် စစ်ကောင်စီမှ ၃ ဦး ဒဏ်ရာပြင်းထန်စွာရရှိ

အာဏာသိမ်း စစ်ခေါင်းဆောင် ပူတာအို ပြန်လာမည်ဟု သတင်းထွက်ပေါ်နေ

ကျေးရွာနဲ့ ဘုရားကျောင်းမကျန် စစ်ကောင်စီတပ် နေရာယူ

ပင်လည်ဘူးမြို့၊ ကောလင်းမြို့၊ ဝန်းသို မြို့နယ် (၃) ‌ခု အင်တာနက်လိုင်းများနှင့် ဖုန်းလိုင်းများ ထပ်မံဖြတ်တောက်ခံရ

စစ်ကောင်စီ မိုင်းကြောင့် မုံးကိုး ဖောင်းဆိုင်ဒေသခံတစ်ဦး နင်းမိ သေဆုံး

တနိုင်းသွားလမ်း လီဒိုလမ်းမပေါ် တွင် အာဏာသိမ်းနှင့် KIA တိုက်ပွဲ ပြင်းထန်နေ

ဆွမ်ပီယန်ကျေးရွာတွင် တရားမဝင် ရွှေတူးဖော်နေသည့်ကုမ္ပဏီကို ဒေသခံများ သွားရောက်ကန့်ကွက်

ပူတာအိုမြို့နယ် ဆွမ်ပီယာန်ကျေးရွာတွင် ဒေသခံများ၏ စိုက်ပျိုးမြေအဖြစ်သတ်မှတ်ထားသည့် နေရာတွင် လုပ်ငန်းရှင်တချို့က စက်ယန္တရားကြီးများဖြင့် တူးဖော်လုပ်ကိုင်နေသဖြင့် မေလ ၁၇ ရက်နေ့တွင် ဒေသခံများက သွားရောက်ကန့်ကွက်ခဲ့ကြကြောင်း သိရသည်။

ဒေသခံ အယောက် ၁၀၀ ခန့်က သွားရောက် ဆန့်ကျင်ခဲ့ကြောင်း အမည်မဖော်လိုသူ ဒေသခံ တစ်ဦးက ယခုလိုပြောသည်။

“ကျနော်တို့ကိုယ်တိုင် လက်ရှိ တောင်ယာအခင်းလုပ်ကိုင်စားသောက်နေတဲ့ မြေနေရာတွေဖြစ်တယ်။ ဒီနေရာမှာ ဒေသခံ ပြည်သူတွေနဲ့ ညိနှိုင်းတိုင်ပင်ပြီး ခွင့်ပြုချက်တစ်စုံတစ်ရာမှမတောင်းဘူး။ စက်ယန္တရားကြီးတွေနဲ့ တူးဖော်နေတယ်။ ဒေသခံတွေမသိတဲ့ ဘယ်ကိစ္စမဆို တရားမဝင်ဘဲ။ ဒါကြောင့် ဒါကိုရအောင်တားမြစ်ဖို့ သွားရောက်ကန့်ကွက်ခဲ့ကြတယ်” ဟု ပြောဆိုသည်။

ပြီးခဲ့သော ဇန်နဝါရီလတွင်လည်း တရားမဝင်ရွှေတူးဖော်နေသည့် သခင်စစ်ကုမ္ပဏီကို သွားရောက်ဆန့်ကျင်ခဲ့ဖူးကြောင်း ဒေသခံတစ်ဦးထံမှ သိရသည်။

သို့သော် သခင်စစ်ကုမ္ပဏီက လိုက်နာမှုမရှိဘဲ ရွှေဆက်လက်တူးဖော်မှုများပြုလုပ်နေသောကြောင့် ယခုထပ်မံ လူအင်အားအများအပြားဖြင့် သွားရောက်ကန့်ကွက်ရခြင်းဖြစ်သည်ဟု ဆိုသည်။

လက်ရှိ စက်ယန္တရားကြီးများဖြင့် ရွှေတူးဖော်နေသည့်နေရာမှာ ဆွမ်ပီယာန်ကျေးရွာမှ ၅မိုင်ခန့်သွားရသော လုန်ဂါဘော် (Lung Ga Baw) တွင်ဖြစ်ပြီး ထိုနေရာတွင် ဒေသခံပြည်သူများ လုပ်ကိုင်စားသောက်နေသည့် တောင်ယာအခင်းများနှင့် ဘိုးဘွားပိုင်အမွေအနှစ် များလည်းရှိကြောင်း သိရသည်။

Read Previous

ဗန်းမော်တွင် စစ်တပ် အင်အားအများအပြားပို့ဆောင်နေသဖြင့် တိုက်ပွဲတဖန်ပြင်းထန်လာနိုင်ဟု KIO သုံးသပ်

Read Next

နောင်မွန်မြို့နယ်တွင် PSI စလောင်းအသုံးပြုပါက အရေးယူခံရမည်ဟု ပြည်သူ့စစ်နှင့် အုပ်ချုပ်ရေးအဖွဲ့များ ခြိမ်းခြောက်

Leave a Reply

Your email address will not be published. Required fields are marked *