,

Breaking News :

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ရွှေဘိုတွင် တစ်ရက်အတွင်း ကျေးရွာ ၃ ရွာမှ လူနေအိမ် ၁၇၀ ခန့် မီးရှို့ခံရ

ကန့်ဘလူမြို့နယ်တွင် စစ်ဘေးရှောင်ရင်း မြွေကိုက်ခံရသူ ၃၉ ဦးရှိလာ

ဖားကန့်တွင် စစ်ဆေးရေးတင်းကြပ်နေသည့် စစ်ကေင်စီအဖွဲ့ ဒရုန်းဖြင့် ဗုံးကျဲတိုက်ခိုက်ခံရ

အာဏာသိမ်းစစ်တပ်၏ လက်နက်ကြီးပစ်ခတ်မှုကြောင့် လူနေအိမ် ၅ လုံး မီးလောင်

မြို့သစ်ကျေးရွာတွင် မေလ ၂၁ ရက်ည မီးလောင်ပျက်စီးသွားသော လူနေအိမ်များ

ဗန်းမော်ခရိုင် မိုးမောက်မြို့နယ် မြို့သစ် ကုန်းလော ကျေးရွာကို အာဏာသိမ်းစစ်တပ်က လက်နက်ကြီးများဖြင့် ပစ်ခတ်ခဲ့သောကြောင့် လူနေအိမ် ၅ လုံး မီးလောင်ပျက်စီးသွားပြီး ဒေသခံ ၂ဦး ထိခိုက်ဒဏ်ရာရရှိထားကြောင်း သိရသည်။

မေလ ၂၁ ရက်နေ့ ည ၇နာရီဝန်းကျင်အချိန်တွင် အာဏာသိမ်းစစ်တပ်က ရည်ရွယ်ချက်ရှိရှိ လူနေအိမ်များရှိရာသို့ လက်နက်ကြီးပစ်ခတ်သောကြောင့် မြို့သစ်ကျေးရွာမှ လူနေအိမ်များမီးလောင်ပျက်စီးသွားပြီး ဒေါ်ခင်ဝင်းခေါ် အမျိုးသမီးတစ်ဦးနှင့် အခြားအမည်မသိသူတစ်ဦး စုစုပေါင်း ၂ဦး လက်နက်ကြီးကျည်စထိမှန်ကာ ဒဏ်ရာရရှိထားသည်ဟု ဒေသခံတစ်ဦးက ယခုလို ပြောဆိုသည်။

“မနေ့ည ၈နာရီလောက်ကနေ လက်နက်ကြီးတွေနဲ့စပစ်တော့တာဘဲ။ လူနေအိမ်က ၅ခုလောက်ပျက်စီးသွားတယ်။ စပါးကျီတစ်ခုနဲ့ဆို ၆ခုပေါ့။ လက်နက်ကြီးက လောင်တဲ့ အိမ်မှာတင် ၃လုံးလောက်ကျတယ်။ အဲ့မှာစလောင်ပြီးမှ တဆင့်တဆင့် ကူးလောင်သွားတာဟုတ်တယ်” ဟု ပြောဆိုသည်။

အကြမ်းဖက်စစ်တပ်၏ လက်နက်ကြီးကျည်ထိမှန်ခဲ့သော ဒေသခံ ၂ဦးမှာ ဒဏ်ရာပြင်းထန်သည့်အတွက် ဗန်မော် စစ်ဆေးရုံသို့ ပို့ဆောင်ထားကြောင်း သူက ဆက်ဆိုသည်။

မြို့သစ် ကုန်းလောကျေးရွာတွင် ကချင်လွတ်လပ်ရေးတပ်မတော် KIA နှင့် အာဏာသိမ်းစစ်ကောင်စီတို့ တိုက်ပွဲဖြစ်ပွားခဲ့ခြင်းဖြစ်ပြီး စစ်တပ်က KIA တို့ရှိရာဘက်တို့ ပြန်လည် တိုက်ခိုက်ခြင်းမရှိဘဲ ကျေးရွာအတွင်းသို့ ပစ်ခတ်ခဲ့သည်ဟု ဒေသခံများက ပြောဆိုနေကြသည်။

အဆိုပါကျေးရွာများတွင် အာဏာသိမ်းစစ်တပ်က အင်အားထောင်ချီ ပို့ဆောင်ထားသည်ဟုလည်း သိရသည်။

Read Previous

ကချင်လူငယ်တက်ကြွလှုပ်ရှားသူ ၂ ဦး အကြမ်းဖက် ဖမ်းဆီးခံရ

Read Next

ခန္တီးမြို့နယ် အာဏာသိမ်းစစ်ကောင်စီအောက် ရဲစခန်းနှင့် တပ်စခန်း ၄ ခုကို KIA က တိုက်ခိုက်ဖျက်ဆီး