,

Breaking News :

ဒေါ့ဖုန်းယန်မြို့နယ်ခွဲတွင် ဖြတ်သန်းသွားလာသူများကို အာဏာသိမ်းစစ်တပ်မှ စစ်ဆေးနေ

စစ်တပ်က ၎င်း၏ ဆုံးရှုံးမှုကို လက်တုန့်ပြန်သောအနေဖြင့် အရပ်သားများကို ပစ်ခတ်သတ်ဖြတ်နေကြောင်း KWAT ထောက်ပြ

ဒေါ့ဖုန်းယန်မြို့ပြင်  ၂ မိုင်ပတ်လည်တွင် အာဏာသိမ်းစစ်တပ်က မြေမြုပ်မိုင်း အများအပြားထောင်ထား

Covid-19 ကာကွယ်တားဆီးရေး စည်းကမ်းချက် KIO ပြန်လည်တင်းကြပ်

ဖားကန့်တွင် အာဏာသိမ်းစစ်တပ်ကို KIA မိုင်းဆွဲ တိုက်ခိုက်

ဘွမ်ရာယန်စစ်ရှောင်စခန်းတွင် ကလေးများစာသင်ကြားနိုင်ရန် အကူညီအများအပြားလိုအပ်နေ

ရွှေကူတွင် PDF မသင်္ကာသူများကို အိမ်ထောင်စုစာရင်းနှင့်တကွ လိုက်လံဖမ်းဆီးနေ

တနိုင်းတွင် ဖမ်းဆီးခံရသော လူငယ် ၂၉ ဦးကို မတရားအသင်းဆက်သွယ်မှု ဥပဒေဖြင့် အရေးယူရန် ရဲစခန်းသို့ အပ်

ယုဇန ကုမ္ပဏီထံမှ သိမ်းယူထားသောမြေယာနှင့်ပစ္စည်းများကို ရယူခြင်းမပြုရန် KIO သတိပေး

ကချင်တွင် လပိုင်းအတွင်း စစ်ရှောင်အသစ်ထပ်တိုးလာကြောင်းနှင့် ကူညီထောက်ပံ့မှုလိုအပ်နေကြောင်း အရပ်ဘက်အဖွဲ့အစည်းများထုတ်ပြန်

ခန္တီးမြို့နယ် အာဏာသိမ်းစစ်ကောင်စီအောက် ရဲစခန်းနှင့် တပ်စခန်း ၄ ခုကို KIA က တိုက်ခိုက်ဖျက်ဆီး

နမ့်စီဘွမ်တပ်စခန်း မီးလောင်နေသော ပုံ

စစ်ကိုင်းတိုင်း ခန္တီး နမ့်စီဘွမ့် (Nam tsit Bum) ကျောက်စိမ်းမှော်ရှိ အာဏာသိမ်းစစ်ကောင်စီ၏ စစ်တပ်နှင့် ရဲကင်း တပ်စခန်း စုစုပေါင်း ၄ နေရာကို ကချင်လွတ်လပ်ရေးတပ်မတော် KIA က ယနေ့ နံနက်ပိုင်းက သွားရောက်တိုက်ခိုက် ဖျက်ဆီးခဲ့ကြောင်း သိရသည်။

မေလ ၂၂ ရက် ယနေ့ နံနက် ၄နာရီတွင် မကျန်ခ ကျေးရွာ ရဲကင်းတပ်စခန်းတစ်ခု၊ နမ့်စီဘွမ်ကျေးရွာ ကျောက်စိမ်းမှော်ရှိ ရဲကင်းတပ်စခန်း ၂ခုနှင့် စစ်တပ်ရင်းတစ်ခု စုစုပေါင်း ၄ နေရာခန့်ကို သိမ်းပိုက်နိုင်ခဲ့ကြောင်း နမ်စီဘွမ့် ဒေသခံတစ်ဦးကို KNG က ဆက်သွယ်မေးမြန်းခဲ့ သည်။

“မကျန်းခ ရဲကင်းတပ်စခန်းကိုတော့ မနက်ပိုင်း အစောကတည်းက မီးရှို့ဖျက်စီးပြီး သိမ်းလိုက်တယ်တဲ့။ နောက်ပြီးတော့ အခု နမ့်စီဘွမ့်မှော်ကြီးမှာရှိတဲ့ တပ်ရင်းနဲ့ ရဲကင်းစခန်းကို ပြန်ပြီး မီးရှို့ဖျက်စီးလိုက်တယ်။ အားလုံးဝင်သိမ်းလိုက်တယ်လို့ တော့ ကြားနေရပြီ”ဟု ပြောဆိုသည်။

ကချင်လွတ်လပ်ရေးတပ်မတော် KIA တပ်မဟာ ၉ အောက် တပ်ရင်း ၃၁ အဖွဲ့က အဆိုပါတပ်စခန်းများကို တိုက်ခိုက်ဖျက်ဆီးခဲ့ပြီးနောက် နံနက် ၆ နာရီ ဝန်းကျင်တွင် အာဏာသိမ်း စစ်တပ်က လေယာဉ် ၃ စီးဖြင့်လာရောက်တိုက်ခိုက်ခဲ့သည်ဟု သူက ဆက်ဆိုသည်။

မကျန်ခကျေးရွာ ရဲကင်းစခန်းအပြန်အလှန်တိုက်ပွဲဖြစ်ပွားရာတွင် ပြည်သူ ၁ ဦး ထိခိုက်ဒဏ်ရာ ရရှိခဲ့သည်။

ပစ်ခတ်မှုတွင် ရဲတပ်ဖွဲ့ဘက်မှ ၃ဦး ထက်မနည်း ထိခိုက်ဒဏ်ရာရရှိခဲ့ပြီး ၂ဦးက ပွဲချင်းပြီး သေဆုံးသွားကြောင်း ဒေခံများပြောဆိုချက်မှ သိရသည်။

နမ့်စီဘွမ်မှော်တွင် ထပ်မံဝင်ရောက်တိုက်ခိုက်ချိန်တွင်လည်း အကြမ်းဖက်စစ်တပ်ဘက်မှ ထိခိုက်မှုများပြားနိုင်ကြောင်း ဒေသခံများက ပြောဆိုနေကြသည်။

မကျန်ခ (Machyang Hka) ကျေးရွာနှင့် နမ့်စီဘွမ့်ကျောက်စိမ်းမှော်မှာ အကွာအဝေး ၁မိုင်ခန့်သာရှိပြီး မကျန်ခကျေးရွာသည် နမ့်စီးဘွမ့်မှော်၏ အောက်ဘက်တွင်ရှိနေကြောင်း သိရသည်။

Read Previous

အာဏာသိမ်းစစ်တပ်၏ လက်နက်ကြီးပစ်ခတ်မှုကြောင့် လူနေအိမ် ၅ လုံး မီးလောင်

Read Next

KIA ဖျက်ဆီးခဲ့သည့် ယုဇနကုမ္ပဏီဝင်းတွင် သံတိုသံစ သွားကောက်သည့် ဒေသခံ ၆၀ ဦး ဖမ်းဆီးခံရ

Leave a Reply

Your email address will not be published. Required fields are marked *