,

Breaking News :

ဒေါ့ဖုန်းယန်မြို့နယ်ခွဲတွင် ဖြတ်သန်းသွားလာသူများကို အာဏာသိမ်းစစ်တပ်မှ စစ်ဆေးနေ

စစ်တပ်က ၎င်း၏ ဆုံးရှုံးမှုကို လက်တုန့်ပြန်သောအနေဖြင့် အရပ်သားများကို ပစ်ခတ်သတ်ဖြတ်နေကြောင်း KWAT ထောက်ပြ

ဒေါ့ဖုန်းယန်မြို့ပြင်  ၂ မိုင်ပတ်လည်တွင် အာဏာသိမ်းစစ်တပ်က မြေမြုပ်မိုင်း အများအပြားထောင်ထား

Covid-19 ကာကွယ်တားဆီးရေး စည်းကမ်းချက် KIO ပြန်လည်တင်းကြပ်

ဖားကန့်တွင် အာဏာသိမ်းစစ်တပ်ကို KIA မိုင်းဆွဲ တိုက်ခိုက်

ဘွမ်ရာယန်စစ်ရှောင်စခန်းတွင် ကလေးများစာသင်ကြားနိုင်ရန် အကူညီအများအပြားလိုအပ်နေ

ရွှေကူတွင် PDF မသင်္ကာသူများကို အိမ်ထောင်စုစာရင်းနှင့်တကွ လိုက်လံဖမ်းဆီးနေ

တနိုင်းတွင် ဖမ်းဆီးခံရသော လူငယ် ၂၉ ဦးကို မတရားအသင်းဆက်သွယ်မှု ဥပဒေဖြင့် အရေးယူရန် ရဲစခန်းသို့ အပ်

ယုဇန ကုမ္ပဏီထံမှ သိမ်းယူထားသောမြေယာနှင့်ပစ္စည်းများကို ရယူခြင်းမပြုရန် KIO သတိပေး

ကချင်တွင် လပိုင်းအတွင်း စစ်ရှောင်အသစ်ထပ်တိုးလာကြောင်းနှင့် ကူညီထောက်ပံ့မှုလိုအပ်နေကြောင်း အရပ်ဘက်အဖွဲ့အစည်းများထုတ်ပြန်

KIA ဖျက်ဆီးခဲ့သည့် ယုဇနကုမ္ပဏီဝင်းတွင် သံတိုသံစ သွားကောက်သည့် ဒေသခံ ၆၀ ဦး ဖမ်းဆီးခံရ

လီဒိုလမ်းမပေါ် ဘန်ကောက်ကျေးရွာရှိ စစ်တပ်ကျောထောက်နောက်ခံ ယုဇနကုမ္ပဏီဝင်းကို ကချင်လွတ်လပ်ရေးတပ်မတော် KIA က ဒုတိယအကြိမ် မီးရှို့ဖျက်စီးခဲ့ပြီးနောက် ထိုနေရာတွင် သံတိုသံစ သွားကောက်သည့် ဒေသခံ ၆၀ ကျော်ကို အာဏာသိမ်းစစ်တပ်က ဖမ်းဆီးထားကြောင်း သိရသည်။

မေလ ၁၉ရက်ည ယုဇနကုမ္ပဏီဝင်းရှိ ဝန်ထမ်းအိမ်များ၊ ဂိုဒေါင်များနှင့် အုပ်တံတိုင်းများကို KIA က ဘက်ဟိုးဖြင့် တစ်စစီ သွားရောက်ဖျက်စီးခဲ့ပြီးနောက် ထိုခြံဝန်းရှိ သံတိုသံစများကို အနီးတဝိုက်ရှိဒေသခံများက ကား ၊ ဆိုင်ကယ် ၊ သုံးဘီးများဖြင့် တစ်ရက်လျှင် လူဦးရေ ၅၀ ခန့် သွားကောက်ခဲ့ကြသည်။

ဒေသခံများ သံတိုသံစ သွားကောက်သည့်အကြောင်းကို ရှဒူဇွပ်အခြေစိုက် ခလရ ၂၉၇ တပ်ရင်း ကြားသိပြီးနောက် မေလ ၂၁ရက်နေ့ မွန်းလွဲပိုင်းတွင် လိုက်လံဖမ်းဆီးမှုများ ပြုလုပ်ခဲ့သည်ဟု ဘန်ကောက်ကျေးရွာ ဒေသခံတစ်ဦးထံမှ သိရသည်။

“ကုမ္ပဏီဝင်းအတွင်းက ပျက်စီးသွားတဲ့ သံတိုသံစ ပစ္စည်းတွေကို ဒီမှာရှိကြတဲ့ ဒေသခံတွေအများကြီးက သွားကောက်ကြတာ အများကြီးဘဲ။ စဖြစ်တဲ့နေ့ကဘဲ။ ဒေသခံတွေက ပြန်ရောင်းစားဖို့ထင်တယ်။ အဲ့ဒါကို စစ်တပ်ကသိသွားတယ်ထင်တယ်။ မနေ့ညနေက လိုက်ဖမ်းတယ်။ အဲ့မှာ ၆၀ယောက်လောက်ပါသွားတယ်။ အခုထိပြန်မလွတ်ကြသေးဘူး။ ၂၉၇ တပ်ရင်းမှာဘဲရှိနေသေးတယ်တဲ့” ဟု ပြောဆိုသည်။

အချို့ကို ယုဇနကုမ္ပဏီဝင်းတွင် ဖမ်းမိသလို၊ အချို့ကို လမ်းတွင် စစ်ဆေးကာ ဖမ်းဆီးသွားခြင်းဖြစ်သည်ဟု စံပြဒေသခံတစ်ဦးထံမှ သိရသည်။

ယုဇန ကုမ္ပဏီသည် ဘန်ကောက်ကျေးရွာတွင်တည်ရှိသော်လည်း သံတိုသံစ သွားကောက်ခဲ့သည့်ကျေးရွာများတွင် ရှဒူးဇွပ်၊ အောင်ရာ ၊ စံပြ၊ ဝါရာဇွပ် စသည့်ကျေးရွာတို့ ပါဝင်ကြောင်း သိရသည်။

Read Previous

ခန္တီးမြို့နယ် အာဏာသိမ်းစစ်ကောင်စီအောက် ရဲစခန်းနှင့် တပ်စခန်း ၄ ခုကို KIA က တိုက်ခိုက်ဖျက်ဆီး

Read Next

စစ်တပ်ကားဝင်တိုက်မှုကြောင့် ပူတာအို လူငယ်တစ်ဦးသေဆုံး

Leave a Reply

Your email address will not be published. Required fields are marked *