,

Breaking News :

မူဆယ်မြို့တွင် ၁ ရက်အတွင်း ပိုင်ရှင်မဲ့အလောင်း ၂ လောင်းတွေ့ရှိ

စစ်ကောင်စီ ဖမ်းဆီးသွားသည့် ဆားလင်းကြီး PDF ရဲဘော် ၂ဦး သတ်ဖြတ်ခံရ

ဖားကန့် ပြည်သူ့လွှတ်တော်ကိုယ်စားလှယ် ဦးအောင်ဟိန်းမင်း၏ နေအိမ် ချိတ်ပိတ်ခံရ

ကသာမြို့နယ် တွင် PDF ပူးပေါင်းတပ်ဖွဲ့များ ကျပ်သိန်း ၃၀၀၀ ကျော်တန်ဖိုးရှိ မူးယစ်ဆေးဝါးများကို မီးရှို့ဖျက်ဆီး

ရဝမ် လူငယ်အသင်း ဥက္ကဋ္ဌ ဦးဖုန်ရော့ဖီနန်ကို စစ်ကောင်စီ မှ ထောင်ဒဏ် ၁၀ နှစ် ချမှတ်

ပူတာအိုတွင် အရေပြားရောဂါတစ်မျိုးကြောင့် နွား ကူးစက်သေဆုံးမှု များလာ

အဝေးပြေး ယာဥ်စီးခနှုန်းထား ကျပ် ၇၀၀၀ ထပ်မံ တိုးမြင့်ကောက်ခံမည်

ရှမ်းမြောက်တွင် ကြက်သွန်ဖြူကုန်တင်ကား တိမ်းမှောက်ပြီး ၁ ဦးသေဆုံး၊ ၁ ဦး ဒဏ်ရာရ

ဗန်းမောက်နယ် ကျောက်အိုင်ကျေးရွာမှ ဒေသခံ ပြည်သူ ၃၀ ကျော် ဖမ်းဆီးခံထားရ

အင်းတော် လူနေအိမ်အလုံး ၁၀၀ ကျော်ကို စစ်ကောင်စီတပ် မွှေနှောက်ဖျက်ဆီးခဲ့

စစ်တပ်ကားဝင်တိုက်မှုကြောင့် ပူတာအို လူငယ်တစ်ဦးသေဆုံး

ပူတာအိုမြို့တွင် အာဏာသိမ်းစစ်တပ်က ကားဖြင့်တိုက်လိုက်သော လူငယ်တစ်ဦး သေဆုံးသွားကြောင်း သိရသည်။

မေလ ၂၂ ရက်နေ့ ပူတာအို မူလာရှီးဒီး ကြိုးတံတားဘက်မှ စစ်တပ်အရာရှိစစ်ဗိုလ် ၃ဦး စီးလာသည့်ကားသည် လမ်းမကြီးပေါ်တွင် မောင်းနင်နေသော ဆိုင်ကယ်တစ်စီးကို ဝင်တိုက်လိုက်သဖြင့် လူငယ်တစ်ဦး သေဆုံးသွားခြင်းဖြစ်သည်ဟု ပူတာအိုဒေသခံတစ်ဦးက ပြောသည်။

“စစ်သား ၃ယောက်က မူလာရှီးဒီးကြိုး တံတားဘက်ကနေပြန်လာတာတဲ့။ လူငယ်ကို ကားနဲ့ဝင်တိုက်လိုက်တယ်။ စစ်ကားတော့မဟုတ်ဘူး။ သူတို့စီးတဲ့ကားက ဘရိတ်မကောင်းဘူးလို့ ပြောတာဘဲ။ ဖြစ်ဖြစ်ချင်းဘဲ စစ်သားတွေက သူတို့ရဲ့စစ်ဆေးရုံးခေါ်သွားပေးတယ်။ စစ်ဆေးရုံမှာကုလို့မရတော့ မြစ်ကြီးနားကို ပို့ဖို့ သွားလိုက်တယ်။ ဆွမ်ပရာဘွမ့်လမ်းမကြီးမှာဘဲ ဆုံးသွားတယ်တဲ့” ဟု ပြောဆိုသည်။

သေဆုံးသွားသည့် လူငယ်မှာ အသက် ၃၀အရွယ် လဝက ဝန်ထမ်းတစ်ဦးဖြစ်ကြောင်းနှင့် ပူတာအို လေယာဉ်ကွင်း ရပ်ကွက်တွင် နေထိုင်သူတစ်ဦးဖြစ်ကြောင်းသိရသည်။

ပူတာအိုမြို့ စစ်တပ်က ဒေသခံပြည်သူများကို ကားနှင့်ဝင်တိုက်သောကြောင့် နှစ်စဉ်နှစ်တိုင်း လူသေဆုံးမှုများ ကြုံနေရသည်ဟု သူဆက်ဆိုသည်။

စစ်တပ်၏ ကားတိုက်ခံရပြီး သေဆုံးသွားသော လူငယ်၏ရုပ်အလောင်း သဂြိုလ်သည့် ဆုတောင်းပွဲ အခမ်းအနားကို မေလ ၂၄ရက်နေ့ ယနေ့ ပြုလုပ်ခဲ့သည်။

Read Previous

KIA ဖျက်ဆီးခဲ့သည့် ယုဇနကုမ္ပဏီဝင်းတွင် သံတိုသံစ သွားကောက်သည့် ဒေသခံ ၆၀ ဦး ဖမ်းဆီးခံရ

Read Next

ဖားကန့်တွင် ကျေးရွာလုံခြုံရေးအတွက် ကင်းစောင့် လူငယ် ၇ ဦး အာဏာသိမ်းစစ်တပ် ဖမ်းဆီး

Leave a Reply

Your email address will not be published.