,

Breaking News :

ဖားကန့်တွင် ဆယ်နှစ်အောက် ကလေး ၄ဦးအပါ ပြည်သူ ၂၀ ကျော်ဖမ်းဆီးခံထားရဆဲ

စစ်အာအားအပြည့်တင်ဆောင်လာသည့် ၁၂ ဘီးကားတစ်စီး မိုင်းဆွဲတိုက်ခိုက်ခံရ

မန်ခိန် အ.ထ.က ကျောင်းတွင် ဆိုင်ကယ်ခိုးမှု မကြာခဏကြုံတွေ့နေရ

မြောင်တွင် စစ်ကောင်စီ နှင့် ပျူစောထီးအဖွဲ့များတိုက်ခိုက်ခံရပြီး ၂ဦး သေဆုံး

အင်းတော်တွင် ကလေးအပါအဝင် အရပ်သား ၁၀ ဦး စစ်ကောင်စီ က လူသားဒိုင်းအဖြစ် ဖမ်းဆီးခေါ်ဆောင်

KIO စစ်ရှောင်စခန်းတချို့တွင် ဝမ်းပျက်ရောဂါ ခံစားနေရ

ဗန်းမောက်နယ် ၄ ရက်ကြာတိုက်ပွဲ စစ်ကောင်စီဘက် မှ အကျအဆုံးများပြီး ၆ ဦး ကို အရှင်ဖမ်းမိ

ဗန်းမော်တွင် ဖမ်းဆီးခံရသည့် ပြည်သူ ၉ ဦးအနက် ၄ ဦးတရားစွဲဆိုခံရ

ကျဆုံး ဒဏ်ရာရသော PDF များကို NUG အစိုးရမှ ကျပ် သုံးသောင်း ထောက်ပံ့ရန် ညွန်ကြားသည့် ထုတ်ပြန်ချက်အတု ပြန့်နှံနေ

မိုးတား‌လေးအနီး စစ်သင်္ဘောတိုက်ခိုက်ခံရမှုတွင် စစ်ကောင်စီတပ် မှ ဒေသခံများကို ဖမ်းဆီးစစ်ဆေးနေ

ဒေါ့ဖုန်းယန်တွင် စစ်ကောင်စီ လက်နက်ကြီးကြောင့် ပြည်သူ ၁ ဦး ထိခိုက်၊ နွား ၄ ကောင် သေဆုံး

ဒေါ့ဖုန်းယန်မြို့

မိုးမောက်မြို့နယ် ဒေါ့ဖုန်းယန်မြို့ လူနေထူထပ်သော ရပ်ကွက်အတွင်းသို့ အာဏာသိမ်းစစ်တပ်က လက်နက်ကြီး ပစ်ခတ်မှုကြောင့် ပြည်သူတစ်ဦးကျည်ထိမှန်ဒဏ်ရာရှိပြီး နွား ၄ ကောင်ခန့် သေဆုံးသွားကြောင်းသိရသည်။

ဇူလိုင် ၁၁ရက် ည ၉နာရီအချိန်တွင် ဒေါ့ဖုန်းယန်အခြေစိုက် ခလရ ၁၄၂ စစ်တပ်ကုန်းမှ လက်နက်ကြီးများ ၁၀ ကြိမ်ထက်မနည်း ရမ်းသမ်းပစ်ခတ်ခဲ့ရာတွင်  အမှတ် ၃ လူနေရပ်ကွက်တွင် လက်နက်ကြီး တစ်လုံးကျရောက်ခဲ့သည့် ဖြစ်စဉ်နှင့် ပတ်သက်ပြီး ဒေသခံတစ်ဦးက ယခုလို ပြောပြသည်။

“စစ်တပ်က လက်နက်ကြီးတွေနဲ့ ရမ်းသမ်းပစ်ခဲ့တယ်။ ဘာကြောင့်ပစ်မှန်းကို မသိဘူး။ ၁၀ ကြိမ်ထက်မကဘူး။ သူတို့က တစ်ဖက်တည်း ပစ်တာလည်းမဟုတ်ဘူး။ လူနေတဲ့ ရပ်ကွက်ဘက်ကို ထောင်ပြီးပစ်တယ်။ အဲ့ကြောင့် ရပ်ကွက် ၃ က ဦးလေးတစ်ယောက်မှာ ကျည်ထိမှန်ထားတယ်။ ပြီးရင် သူရဲ့ နွားတင်းကုတ်မှာလည်း ကျတယ်” ဟု ပြောဆိုသည်။

နွားတင်းကုပ်ရှိ နွား ၄ ကောင် လက်နက်ကြီး ထိမှန်ပြီး သေဆုံးသွားသည်ဟုလည်း သိရသည်။

အဆိုပါ ပစ်ခတ်ခံရသည့် ညတွင် ဝိုင်းမော်မြို့နယ် အောင်မြေ (၁) ကျေးရွာရှိ စစ်ကောင်စီအောက် ပြည်သူ့စစ်တပ်စခန်းကို ကချင်လွတ်လပ်ရေးတပ်မတော် KIA က သွားရောက်တိုက်ခိုက်ခဲ့သည်။ ထို ဖြစ်စဉ်အပြီး ဆက်တိုက် မိုးမောက် ဒေါ့ဖုန်းယန်မြို့တွင်လည်း စစ်တပ်က လူထုရှိရာ ရပ်ကွက်သို့ လက်နက်ကြီးဖြင့် ပြန်လည်ပစ်ခတ်ခဲ့ခြင်းဖြစ်သည်ဟု သူက သုံးသပ်ပြောဆိုထားသည်။

“အောင်မြေ (၁) မှာ KIA က သွားတိုက်ခိုက်နေတဲ့ အချိန်မှာဘဲ ကျနော်တို့မှာ စစ်တပ်က လက်နက်ကြီးတွေနဲ့ ပြန်ပစ်တယ်။ KIA က ဝင်တိုက်ခိုက်တာကို မကျေနပ်လို့ ပြန်တုန့်ပြန်တဲ့အနေနဲ့ ပြန်တိုက်ခိုက်တယ်လို့ဘဲမြင်တယ်” ဟု ဆိုသည်။

ကျည်ထိမှန်ထားသည့် အမျိုးသားမှာ အသက် ၅၀ ဝန်းကျင် ဦးခင်မောင်ညွန့် ဆိုသူဖြစ်ပြီး လက်မောင်းတစ်ဖက်တွင် ထိခိုက်ဒဏ်ရာ ရရှိထားသည်။

မိုးမောက်မြို့နယ် အလော့ဘွမ်တောင်ခြေဖြစ်သော မြို့သစ်၊ ကုန်းလော၊ နွမ်းလန့် ဒေါ့ဖုန်းယန်မြို့များတွင် လက်ရှိ အာဏာသိမ်းစစ်တပ််နှင့်ကချင်လွတ်လပ်ရေးတပ်မတော် KIA တို့ကြား ပြင်းထန်သော တိုက်ပွဲ မဖြစ်ပွားဘဲ လက်နက်ကြီးများဖြင့်သာ ပစ်ခတ်နေကြကြောင်း သိရသည်။

Read Previous

လိုင်ဇာနှင့် မိုင်ဂျာယန်မြို့တွင် တပတ်အတွင်း Covid-19 အတည်ပြုလူနာ ၂၂၇ ဦး တွေ့

Read Next

မိုးညှင်းမြို့နယ်ရဲမှူးဇနီး ကိုဗစ်‌ကူးစက်ခံရပြီး သေဆုံး

Leave a Reply

Your email address will not be published.