,

Breaking News :

ဒီပဲယင်းတွင် လေကြောင်းလိုင်းဖြင့် တိုက်ခိုက်ခံရမှုကြောင့် ကျေးရွာ ၂ခုထွက်ပြေးတိမ်းရှောင်နေရ

ဆားလင်းကြီးနယ်တွင် စစ်ကောင်စီတပ် သေနတ်လိုက်လံပစ်ခတ်မှုကြောင့် ပြည်သူ ၂ဦးထိမှန်

ဖမ်းဆီးခံထားရသည့် PDF တပ်သား ၄ ဦးအနက် ၂ ဦးကို ထောင်တွင်းသတ်ဖြတ်ခံရဟုဆို

ကသာတွင် ကျောင်းသားတစ်ဦးထံမှ ဆေးခြောက်တွေ့ရှိသဖြင့် ပြည်သူ ၁၃ဦးကို စစ်ကောင်စီဖမ်းဆီး

အင်းတော်နယ်တွင် ထောင်ထားသည့် မိုင်းကြိုးစဆွဲမိသဖြင့် အမျိုးသား၂ဦးသေဆုံး

ကသာတွင် စစ်ကောင်စီ သတင်းပေးသူဟု ဆိုရသော ရာအိမ်မှူးတစ်ဦးဖမ်းဆီးခံရ

ပရိသတ်စိတ်ဝင်စားမည့် သတင်းအမှား ခေါင်းစဉ်ဖြင့် ဝင်ငွေရှာနေသော YouTube ချန်နယ်များကို သတိပြုရန်

ကင်းပုန်းဝပ်ပြီးပြန်လာသည့် စစ်ကောင်စီတပ် မိုင်းဆွဲတိုက်ခိုက်ခံရပြီး ၅ဦးသေဆုံး

ဖားကန့်တွင် ဆယ်နှစ်အောက် ကလေး ၄ဦးအပါ ပြည်သူ ၂၀ ကျော်ဖမ်းဆီးခံထားရဆဲ

စစ်အာအားအပြည့်တင်ဆောင်လာသည့် ၁၂ ဘီးကားတစ်စီး မိုင်းဆွဲတိုက်ခိုက်ခံရ

ပူတာအိုတွင် နာရေးကူညီမှု ကားတစ်စီး လိုအပ်ကြောင်း မေတ္တာ နာရေးကူညီမှုအသင်းပြော

ပူတာအိုမြို့တွင် ကိုဗစ်-၁၉ ရောဂါကူးစက်ပျံ့နှံ့မှု များပြားသည့်အတွက် ကြိုတင်ပြင်ဆင်သည့်အနေဖြင့် လူနာတင် နာရေးကားတစ်စီး အမြန်လိုအပ်နေကြောင်း ပူတာအို မေတ္တာ နာရေးကူညီမှုအသင်း ထံမှသိရသည်။

ပူတာအိုတွင် နာရေးကူညီမှုအသင်းအဖွဲ့စည်းထားသော်လည်း အရေးကြီးပစ္စည်းများမရရှိသေးသည့်အတွက် နာရေးလုပ်ငန်းစဉ်များဆောင်ရွက်ပေးရန် အခက်အခဲရှိနေကြောင်း မေတ္တာနာရေးကူညီမှုအသင်းမှ တာဝန်ရှိသူတစ်ဦးက KNG သတင်းဌာနကိုပြောဆိုခဲ့သည်။

“ကျနော်တို့မှာ နာရေးလုပ်ငန်းတွေဆောင်ရွက်ကူညီပေးဖို့ အသင်းတော့ဖွဲ့စည်းထားတယ်။ ဒါပေမယ့် အများကြီးလိုအပ်နေသေးတော့ လက်တွေ့မှာ ဆောင်ရွက်ပေးလို့မရသေးဘူး။ အခုဆိုရင် နာရေးကားတစ်စီးက အရေးတကြီး လိုအပ်နေတာပေါ့။ ကိုဗစ်ရောဂါနဲ့ဘဲဖြစ်ဖြစ် တစ်ခြားရောဂါနဲ့ဖြစ်ဖြစ် သေဆုံးသွားဖို့ အချိန်မရွေး ရှိနိုင်ပါတယ်။ ဒါကြောင့် နာရေးကားတစ်စီးရနိုင်ဖို့အတွက် ရံပုံငွေလိုအပ်တယ်” ဟု ပြောဆိုသည်။

ပူတာအိုမြို့တွင် ကျန်းမာရေးဝန်ထမ်းများအလွန်နည်းပါနေပြီး ကူညီထောက်ပံ့ပေးသည့်အဖွဲ့အစည်းမရှိသည့်အတွက် ကိုဗစ်ကာကွယ်ရေးပစ္စည်းတွေလည်း အများအပြားလိုအပ်နေကြောင်း သူကဆက်ဆိုသည်။

“အခက်အခဲတော့ အများကြီးရှိတယ်။ လုပ်ငန်းစလာပြီဆိုရင် PPE ဝတ်စုံ၊ လက်အိတ်နဲ့ နှာခေါင်းစည်းတွေလည်း လိုအပ်လာမယ်။ အောက်စီဂျင်ဆို ပိုဆိုး လုပ်တဲ့သူတွေလည်းမရှိဘူး။ ရလည်းမရနိုင်ဘူး။ ကျနော်တို့ဘက်မှာ အခုဆိုရင် တစ်ချို့ကားဂိတ်တွေဆို မထွက်ကြတော့ဘူး။ ကိုဗစ်ကြောက်လို့။ ဘာဖြစ်လာလဲဆိုတော့ ကုန်စျေးနှုန်းတွေအရမ်းတက်လာတယ်” ဟု မေတ္တာနာရေးကူညီမှုအသင်းမှ တာဝန်ရှိသူတစ်ဦးကပြောဆိုသည်။

ပူတာအိုမြို့တွင် ၂ ပတ်အတွင်းမှာ ကိုဗစ်-၁၉ ကူးစက်ခံထားရသူ ၃၀ ကျော်အထိ ရှိလာကြောင်း ဒေသခံများပြောဆိုချက်မှ သိရသည်။

Read Previous

မြစ်ကြီးနားတွင် တပတ်အတွင်း ကိုဗစ်-၁၉ ကူးစက်မှုကြောင့် သေဆုံးသူ ပိုများလာ

Read Next

ရှဒူးဇွပ်ကျေးရွာတွင် ၂ရက်အတွင်း Covid-19 အတည်ပြု လူနာ ၄၇ ဦးရှိ

Leave a Reply

Your email address will not be published.