,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

မုံးကိုးဒေသ ရိက္ခာလမ်းကြောင်း ပိတ်ဆို့ခံရတဲ့ ပြဿနာကို MNDAA ဖြေရှင်းပေး

မရှမ်းပြည်နယ်မြောက်ပိုင်း ကိုးကန့်ကိုယ်ပိုင်အုပ်ချုပ်ခွင့်ရ အထူးဒေသ ၁၊ မုံးကိုးခရိုင် အုပ်ချုပ်ရေးအဖွဲ့မှ ဒေသခံလူထုရဲ့ စားနပ်ရိက္ခာပို့ ဆောင်ရေးပြဿနာများကို ဩဂုတ် ၂၇ ရက်နေ့က ဖြေရှင်းပေးနေပြီလို့ ကိုးကန့် MNDAA အဖွဲ့က ပြောပါတယ်။

စစ်ကောင်စီက ရိက္ခာပို့လမ်းကြောင်းတွေကို ပိတ်ဆို့ထားတာကြောင့် ဒေသခံပြည်သူတွေရဲ့ သောင်တင်နေတဲ့ ဆန်တွေကို ဩဂုတ်လ ၂၇ ရက်နေ့ကစပြီး ဒေသခံ အုပ်ချုပ်ရေးအဖွဲ့ အကူအညီနဲ့ ကျေးရွာအလိုက် အရောက်ပို့ဆောင်ပေးခဲ့တယ်လို့ ပြောပါတယ်။

“မုံးကိုးခရိုင်အုပ်ချုပ်ရေးရုံး၏ အချက်အလက်အရ ဒေသခံပြည်သူလူထုတို့ ဝယ်ယူသောဆန်များသည် စစ်​ကောင်စီ၏ လမ်းပိတ်ဆို့မှုကြောင့် မိမိတို့လက်ထဲသို့ မရောက်ရှိနိုင်ပါ။ သို့သော် ဒီကနေ့ နံနက်တွင် ဒေသခံအုပ်ချုပ်ရေးအဖွဲ့၏ ကူညီထောက်ပံ့မှုဖြင့် ဒေသခံများဝယ်ယူသောဆန်များမှာ ကျေးရွာအလိုက် ပြည်သူလူထုများထံသို့ အပ်နှင်းနိုင်ခဲ့ပြီဖြစ်သည်” ဟု ​ကိုးကန့်တပ်ဖွဲ့ဘက်က ထုတ်ပြန်ထားသည်။

တရုတ်နယ်စပ်အနီး ဇူလိုင်လ အစောပိုင်းတိုက်ပွဲများ စတင်ဖြစ်ပွားချိန်မှာ စစ်ကောင်စီက မုံးကိုးခရိုင် လူရင်းထန် ကျေးရွာအနီးရှိ ရွာသားတွေကို ဖောင်းဆိုင်ဒေသသို့ အတင်းအဓမ္မရွှေ့ပြောင်းစေပြီး သယ်ယူပို့ဆောင်ရေး လမ်းကြောင်းတွေကို ပိတ်ဆို့ခဲ့တာကြောင့် ဒေသခံပြည်သူများ စားနပ်ရိက္ခာပြတ်တောက်မှု အခြေအနေနဲ့ ရင်ဆိုင်နေရတာလို့ ပြောပါတယ်။

ဆက်လက်ပြီး ဒေသခံပြည်သူများနဲ့ စစ်ဘေးဒုက္ခသည်များအတွက် စားနပ်ရိက္ခာ သယ်ယူပို့ဆောင်မှုအတွက် ဆက်လက်ကူညီ ထောက်ပံ့ပေးသွားမယ်လို့ ကိုးကန့်အဖွဲ့က ဆိုပါတယ်။

လက်ရှိတွင် စစ်ကောင်စီရဲ့ ထိုးစစ်ဆင်မှုတွေကြောင့် စစ်ကောင်စီနဲ့ ကိုးကန့်တပ်ဖွဲ့ကြား နှစ်ဖက် စစ်ရေး တင်းမာနေဆဲဖြစ်ပါတယ်။

ဩဂုတ်လ ၂၂ ရက်နေ့က ကိုးကန့် မုံးကိုးခရိုင်ကာကွယ်ရေးတပ်ဖွဲ့မှ ဦးဆောင်ကျင်းပတဲ့ COVID-19 ကာကွယ်ထိန်းချုပ်ရေးနဲ့ မူးယစ်ဆေးဝါး တိုက်ဖျက်ရေးအစည်းအဝေးမှာ ဒေသခံပြည်သူလူထုက စားနပ်ရိက္ခာပြဿနာ ဖြေရှင်းပေးရန် တောင်းဆိုတင်ပြလာတာကြောင့် ဩဂုတ်လ ၂၇ ရက်နေ့က ဖြေရှင်းပေးနိုင်ခဲ့တာဖြစ်တယ်လို့ ဆိုပါတယ်။

Bum Shep

Photo ကိုးကန့်သတင်း

 

Read Previous

ဝိုင်းမော်ဒေသခံတစ်ဦး ခလရ ၅၈ တပ်ရင်းအနီး ပစ်သတ်ခံထားရ

Read Next

မုံးကိုးဘက်မှာ စစ်ကောင်စီနဲ့ KIA ၊ MNDAA ပူးပေါင်းတပ်ဖွဲ့တို့ တိုက်ပွဲ ပြင်းထန်ခဲ့ပြီး စကစ တပ်ရင်းမှူး ၂ ဦးကျ