,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ဝိုင်းမော်ဒေသခံတစ်ဦး ခလရ ၅၈ တပ်ရင်းအနီး ပစ်သတ်ခံထားရ

ဝိုင်းမော် ခလရ ၅၈ တပ်ရင်းအနီးတွင် ယနေ့ နံနက်ပိုင်းက မဒိန့်ဒေသခံတစ်ဦး ပစ်သတ်ခံထားရကြောင်း ဒေသခံများထံမှ သိရသည်။

” မဒိန့်၊ ခကွမ် ဒီအနားတစ်ဝိုက်ကပြည်သူတွေ နောင်းချူးဘက်ကို လယ်လုပ်ကြတာဟုတ်တယ်။ အဲလယ်ဘက်ကိုသွားဖို့ဆိုရင် (၅၈) တပ်ကို ဖြတ်ပြီး သွားရတယ်။ အဲဒါဒီမနက်တော့ (၅၈) နောက်ဘက်နားမှာ သေနတ်ထိမှန်ပြီး သေဆုံးနေတာတွေ့ရတယ်တဲ့” ဟု ဒေသခံတစ်ဦးက ပြောသည်။

မဒိန့်‌ရွာမှ ဦးလုံဘန်ခေါဇုံး ဆိုသူသေနတ်ဒဏ်ရာဖြင့် သေဆုံးနေသည်ကို  စစ်ကောင်စီ ခလရ (၅၈) တပ်ရင်းနား ယနေ့ နံနက်ပိုင်းက တွေ့ရှိခဲ့ခြင်းဖြစ်ကာ ယမန်နေ့ညက ပစ်သတ်ခံရခြင်း ဖြစ်နိုင်ကြောင်း ဒေသခံများက သုံးသပ်ပြောဆိုနေကြသည်။

လက်ရှိ အဆိုပါရုပ်အလောင်းအား ဆေးရုံသို့ပို့ဆောင်ထားကာ ဩဂုတ်လ ၂၉ရက်နေ့ သဂြိုလ်မည်ဖြစ်ကြောင်း သိရသည်။

ယနေ့ မွန်းလွဲ ၁ နာရီဝန်းကျင်ခန့်ကလည်း ခလရ ၅၈ တပ်ရင်းမှ လက်နက်ကြီး လက်နက်ငယ်များ ပစ်ခတ်ခဲ့သောကြောင့် ဝိုင်းမော်​မြို့နယ်အတွင်းရှိ တန်ဘောင်၊ မဒိန်နှင့် ခကွန်စသော ကျေးရွာများတွင် လက်နက်ကြီးကျမှန်ခဲ့ကာ နေအိမ်အချို့ ပျက်စီးခဲ့သည်။

အလားတူ ယနေ့ နေ့လည်ပစ်ခတ်မှု ဖြစ်ပွားခဲ့ပြီးနောက် အသက် (၂၀) အရွယ်ခန့်ရှိသည့် လူငယ်တစ်ဦးကို စစ်ကောင်စီက ဖမ်းဆီးသွားကြောင်း သိရသည်။

ခလရ (၅၈) တပ်ရင်းတွင် ဇူလိုင်လ ၂၉ ရက်ည ကချင်လွတ်လပ်ရေးတပ်မတော် KIA က ဝင်ရောက်စီးနင်းခဲ့ပြီးနောက် အဆိုပါစစ်တပ်သည် တိုက်ပွဲမဖြစ်သော်လည်း ပုံမှန် လက်နက်ကြီး၊ လက်နက်ငယ်များဖြင့် ပစ်ခတ်မူများ ပြုလုပ်လျှက်ရှိသည်။

ထို့သို့ ကျေးရွာအတွင်း လက်နက်ကြီးများကျမှန်ခဲ့သောကြောင့် ဒေသခံတစ်ချို့မှာ ဝိုင်းမော်ဘက်သို့ ထွက်ပြေးတိမ်းရှောင်နေရဆဲဖြစ်သည်။

ထို့ပြင် ဩဂုတ်လ ၇ရက်ညကလည်း ခလရ (၅၈)တပ်၏ ပစ်ခတ်မူကြောင့် ဝူယန်ကျေးရွာမှ အမျိုးသမီးသေဆုံးခဲ့ကာ ပြည်သူများ၏ နေအိမ်များလည်း ပျက်စီးဆုံးရှုံးမူများရှိခဲ့သည်။

Read Previous

ပူတာအိုမြောက်ဘက်ကျေးရွာချင်းဆက် တံတားများကို ဒေသခံများ ကိုယ်ထူကိုယ်ထ ပြုလုပ်

Read Next

မုံးကိုးဒေသ ရိက္ခာလမ်းကြောင်း ပိတ်ဆို့ခံရတဲ့ ပြဿနာကို MNDAA ဖြေရှင်းပေး