,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

မုံးကိုး နမ့်ဟာ ကျေးရွာမှာ လက်နက်ကြီး ကျည်ကျမှန်ပြီး မိသားစုဝင် ၄ ဦး‌ သေဆုံး

နမ့်ဟာကျေးရွာ လက်နက်ကြီး ကျမှန်သော နေအိမ်

ရှမ်းပြည်နယ်မြောက်ပိုင်း မူဆယ်ခရိုင် မုံးကိုးမြို့နယ် နမ့်ဟာကျေးရွာတွင် ယနေ့ နံနက်ပိုင်းက နေအိမ် တစ်အိမ်အပေါ် လက်နက်ကြီးကျည်ကျမှန်သဖြင့်  မိသားစုဝင် ၄ ဦးသေဆုံးခဲ့ကြောင်း သိရသည်။

“ဒီမနက် စစ်ကောင်စီက ပစ်ထည့်လိုက်တဲ့ လက်နက်ကြီး ဒီ နမ့်ဟာရွာက အိမ်တစ်အိမ်မှာ တစ်အိမ်လုံး ထိသွားလို့ မိသားစု အားလုံး သေဆုံးသွားပြီ။ ပလောင် လူမျိုးပါ။ နမ်ဟာရွာက ပလောင်ရွာလေ။ အိမ်ထောင်စု ၂၀၀ နီးပါး ရှိတယ်။ အတိအကျ မမှတ်မိတော့ဘူး မန်ဂျပ်တောင်ကုန်း ကနေလည်း ပစ်၊ ဖောင်းဆိုင်ကနေလည်း ပစ်၊ ကိုးကန့် ဘက်ကနေလည်း ပစ်” လို့ မျက်မြင် မုံးကိုးမြို့ခံ တစ်ဦးကပြောသည်။

ယနေ့ နံနက်အစောပိုင်းက နာရီဝန်း မန်ဂျပ် နှင့် ဖောင်းဆိုင် ကြားရှိ နမ်ဟာကျေးရွာတွင် တိုက်ပွဲဖြစ်ပွားခဲ့ချိန် ဒေသခံအများအပြား ထွက်ပြေးခဲ့သော်လည်း မိသားစုဝင် ၄ ဦးကို လက်နက်ကြီးထိမှန်ကာ သေဆုံးခဲ့ခြင်းဖြစ်ကြောင်း သိရသည်။

သေဆုံးသူမိသားစုဝင် ၄ ဦး၏ အသေးစိတ်အချက်အလက်များကို မသိရသေးပါ။

ယမန်နေ့ ဩဂုတ်လ ၂၈ ရက် နေ့ မနက်ပိုင်းကလည်း စစ်ကောင်စီနဲ့ KIA တိုက်ပွဲ ဖြစ်ပွားခဲ့ပြီး၊ ညနေပိုင်းတွင် KIA ၊ MNDAA ပူးပေါင်းတပ်တို့ကြား မုံးကိုးမှ ၅ မိုင်ခန့်ဝေးသော ကောင်းလုံနဲ့ မန်ဆာကြား မန်ခွမ်ရွာတွင် တိုက်ပွဲ ပြင်းထန်ခဲ့ပြီး စစ်ကောင်စီဘက်က တပ်ရင်းမှူးအပါအဝင် သေဆုံးသူအများအပြား ရှိခဲ့ကြောင်း KIA နှင့် နီးစပ်သူများက ပြောသည်။

ထို့အပြင် ယနေ့ နံနက်ပိုင်းကလည်း စစ်ကောင်စီနဲ့ ကိုးကန့် MNDAA တို့ကြား မုံးကိုး ဖောင်းဆိုင်ဘက် ‌လက်နက်ကြီးများဖြင့် အဆက်မပြတ် ပစ်ခတ်နေဆဲလို့ ‌ဖြစ်တယ်လို့ မုံးကိုး ဒေသခံတွေကပြောသည်။

လက်ရှိမှာတော့ နမ်ဟာဒေသခံ အိမ်ခြေ ၂၀၀ နီးပါးဟာ ဘေးလွတ်ရာ တိမ်းရှောင်‌နေရဆဲဖြစ်သည်။

ဇူလိုင်လဆန်းကတည်းက စစ်ကောင်စီနဲ့ MNDAA တို့အကြား တိုက်ပွဲ ပြင်းထန်ခဲ့သောကြောင့် ဖောင်းဆိုင်၊ မန့်ယန်၊ ဘန်မွေ ဘက်က ဒေသခံ ၁၉၀ ကျော်သည် လက်ရှိချိန်ထိ တရုတ်-မြန်မာနယ်စပ်ဘက်တွင် ထွက်ပြေးနေရပြီး စစ်ကောင်စီက ၎င်းတို့ကို ရိက္ခာ ပို့ဆောင်ရေး လမ်းကြောင်းများ ဖြတ်တောက်ထားသည်။

Bum Shep

Read Previous

မုံးကိုးဘက်မှာ စစ်ကောင်စီနဲ့ KIA ၊ MNDAA ပူးပေါင်းတပ်ဖွဲ့တို့ တိုက်ပွဲ ပြင်းထန်ခဲ့ပြီး စကစ တပ်ရင်းမှူး ၂ ဦးကျ

Read Next

စစ်ပွဲကြောင့် ကောင်းလုံနဲ့ နမ်ဟာ ​ဒေသခံ ၆၀၀ ​ကျော် မုံးကိုးမြို့သို့ ထွက်ပြေးလာ