ရှမ်းပြည်နယ်မြောက်ပိုင်း မူဆယ်ခရိုင် မုံးကိုးမြို့နယ်ခွဲ ဖောင်းဆိုင်အနီး စက်တင်ဘာလ ၅ ရက်နေ့ စစ်ကောင်စီနဲ့ ကိုးကန့် MNDAA တို့ တိုက်ပွဲပြင်းထန်စွာဖြစ်ပွားခဲ့ပြီးနောက် MNDAA ဘက်က တစ်ဦးကျ၊ ၁ ဦး ပြင်းထန်ဒဏ်ရာရကြောင်း သိရသည်။

စစ်ကောင်စီဘက်က အင်အား ၂၀၀ ခန့်အသုံးပြုကာစစ်ကြောင်းသုံးကြောင်းခွဲပြီး ရှိကျိကြတောင်တန်းရှိ MNDAA တပ်ကို ထိုးစစ်ဆင်တိုက်ခိုက်စဉ် MNDAA ဘက်က တစ်ဦးကျဆုံးခဲ့ပြီး တစ်ဦးပြင်း ဒဏ်ရာရရှိခဲ့ကာ စစ် ကောင်စီဘက်က အကျအဆုံးမသိရသေးကြောင်း ကိုးကန့်သတင်းတွင် ဖော်ပြထားသည်။

ဒေသခံတစ်ဦးကတော့ “မနေ့က ဖောင်းဆိုင်ရွာမှာကို တိုက်ပွဲ ဖြစ်တာ။ ဒီနေ့တော့ ခုထိ ငြိမ်နေတယ်။ မနေ့ကတော့ မနက် ၅ နာရီကနေ ညနေ ၄ နာရီလောက်အထိ လက်နက်ကြီး ပစ်တယ်။ ရွာမှာ လက်နက်တော့ကျတယ်။ လူတွေ၊ အိမ်တွေ ထိတာတော့ မရှိဘူး။” ဟု ဒေသခံ တစ်ဦးက ပြောသည်။

ထိုတိုက်ပွဲအပြီး စစ်ကောင်စီမှ ပြန်လည်ဆုတ်ခွာသွားသော်လည်း နှစ်ဦးနှစ်ဘက် ကြိုးကြား ကြိုးကြား ပစ်ခတ်တိုက်ခိုက်မှုများ ဆက်လက်ဖြစ်ပွားနေကြောင်း သိရသည်။

Bum Shep