,

Breaking News :

မြောင်တွင် စစ်ကောင်စီ နှင့် ပျူစောထီးအဖွဲ့များတိုက်ခိုက်ခံရပြီး ၂ဦး သေဆုံး

အင်းတော်တွင် ကလေးအပါအဝင် အရပ်သား ၁၀ ဦး စစ်ကောင်စီ က လူသားဒိုင်းအဖြစ် ဖမ်းဆီးခေါ်ဆောင်

KIO စစ်ရှောင်စခန်းတချို့တွင် ဝမ်းပျက်ရောဂါ ခံစားနေရ

ဗန်းမောက်နယ် ၄ ရက်ကြာတိုက်ပွဲ စစ်ကောင်စီဘက် မှ အကျအဆုံးများပြီး ၆ ဦး ကို အရှင်ဖမ်းမိ

ဗန်းမော်တွင် ဖမ်းဆီးခံရသည့် ပြည်သူ ၉ ဦးအနက် ၄ ဦးတရားစွဲဆိုခံရ

ကျဆုံး ဒဏ်ရာရသော PDF များကို NUG အစိုးရမှ ကျပ် သုံးသောင်း ထောက်ပံ့ရန် ညွန်ကြားသည့် ထုတ်ပြန်ချက်အတု ပြန့်နှံနေ

မိုးတား‌လေးအနီး စစ်သင်္ဘောတိုက်ခိုက်ခံရမှုတွင် စစ်ကောင်စီတပ် မှ ဒေသခံများကို ဖမ်းဆီးစစ်ဆေးနေ

ဗန်းမော်တွင် ရဲသား ၂ ဦးပစ်ခံရပြီးနောက် ပြည်သူ ၆ ဦးဖမ်းဆီးခံရ

မူဆယ်မြို့တွင် ၁ ရက်အတွင်း ပိုင်ရှင်မဲ့အလောင်း ၂ လောင်းတွေ့ရှိ

စစ်ကောင်စီ ဖမ်းဆီးသွားသည့် ဆားလင်းကြီး PDF ရဲဘော် ၂ဦး သတ်ဖြတ်ခံရ

စစ်ကောင်စီ စစ်ကြောင်းများ တရုန်သို့သွားမည့်လမ်းကို KIA ပိတ်ဆို့ထားပြီး စစ်ရေးတင်းမာနေ

စစ်ကောင်စီ အင်အားရာချီပါဝင်သော စစ်ကြောင်းသည် တနိုင်းမှ တရုန်သို့ တက်လာစဉ် ကချင်လွတ်လပ်ရေးတပ်မတော် KIA က လမ်းကြောင်းပိတ်ဆို့ထားသောကြောင့် ယနေ့ နံနက်ပိုင်းကစတင်ပြီး တနိုင်း ရှင်ဗွေယန်လမ်းကြောင်းကို ယာယီပိတ်ထားရကြောင်း သိရသည်။

တနိုင်းမှ တက်လာသောကားများကို ပန္နက်ကျေးရွာတွင် ပိတ်ထားပြီး ရှင်ဗွေယန်မှ တနိုင်းသို့ဆင်းလာသော ကားများကို လဂျားဘွမ်ကျေးရွာတွင် ကချင်လွတ်လပ်ရေးတပ်မတော် KIA တပ်ရင်း ၄၅ က ပိတ်ထားသည်ဟု ဆိုသည်။

“ပေါ်တင်ဖြစ်နေတယ်။ အခုတော့ သူတို့(စစ်တပ်) ရှိန်လုံအထိရောက်ပြီ။ အဲဒါကို KIA ဘက်က မသွားခိုင်းဘူး။ သွားရင် ပစ်မယ်လို့ ပြောထားတယ်။ စစ်တပ်ဘက်ကလည်း အမိန့်အရဆိုတော့ သွားကိုသွားမယ်ထင်တယ်။” ဟု တရုန်ဒေသခံတစ်ဦးက KNG ကို ပြောသည်။

စစ်ကောင်စီအင်အားရာဂဏန်းပါသော စစ်ကြောင်းသည် တရုန်ဘက်သို့ဝင်မည့်အစီစဉ်ကို ကချင်လွတ်လပ်ရေးတပ်မတော် KIA ကန့်ကွက်ထားပြီး ဝင်ရောက်လာပါက ပစ်ခတ်မည်ဟု ဆိုထားသဖြင့် လက်ရှိတွင် တနိုင်း တရုန်လမ်းကြောင်းပေါ်တွင် စစ်ရေးတင်းမာနေဆဲဖြစ်သည်ဟု သိရသည်။

ထိုသို့ တနိုင်းမှ တက်လာသော အဆိုပါ စစ်ကောင်စီ စစ်ကြောင်းသည် ယနေ့မွန်းလွဲပိုင်းတွင် ရှိန်လုံဂါးကျေးရွာသို့ ရောက်ရှိနေပြီး တရုန်သို့ ဆက်လက်ထွက်ခွာရန် လမ်းကြောင်းရှာဖွေနေသည်ဟု သိရသည်။

တရုန်ကျေးရွာတွင် ယခင်က စစ်ကောင်စီ စစ်တပ်တစ်ခုတပ်စွဲထားသော်လည်း စစ်အာဏာသိမ်းပြီးနောက်ပိုင်း အဆိုပါတပ်များမှာ တနိုင်း ဒကစသို့ သွားရောက်ပူးပေါင်းလိုက်သည်ဟု သိရသည်။ ထိုနေရာကို လက်ရှိတွင် KIA တပ်ရင်း ၄၅ က ထိန်းချုပ်ထားသည်ဟု ဒေသခံများပြောသည်။

စစ်ကောင်စီ စစ်ကြောင်းအနေဖြင့် KIA ပိတ်ဆို့ထားသည့် လမ်းကြောင်းအတိုင်း တရုန်သို့ ဆက်လက်ချီတက်လာပါက တိုက်ပွဲဖြစ်ပွားမည်ဖြစ်သောကြောင့် သတိအနေအထားဖြင့် နေနေရကြောင်း တရုန်ဒေသခံများက KNG ကို ပြောသည်။

ယနေ့ စက်တင်ဘာလ ၇ ရက်နေ့သည် အမျိုးသားညီညွတ်ရေးအစိုးရ NUG မှ စစ်ကောင်စီကို ပြန်လည်တော်လှန်ရန် စစ်ကြေညာထားသော နေ့ဖြစ်သည်။

Read Previous

မုံးကိုးတွင် စစ်ကောင်စီ ရိက္ခာသယ်လာသော ပြည်သူ့စစ်ယာဉ် ပစ်ခတ်တိုက်ခိုက်ခံရ

Read Next

မြစ်ကြီးနားတွင် လူငယ် ၇ဦးထက်မနည်းကို စစ်ကောင်စီ ဖမ်းဆီးသွား

Leave a Reply

Your email address will not be published.