,

Breaking News :

ဗန်းမော်မြို့ ဖမ်းဆီးခံရသည့် မိသားစု ၃ ဦးအနက် တစ်ဦးလွှတ်မြောက်လာ

ယုဇန ကုမ္ပဏီထွက်ခွာပြီးနောက် မြေယာ ဦးယူပိုင်ဆိုင်ထားမှုကို KIO ပြန်လည်သိမ်းယူမည်

မြန်မာ့ကြက်သွန်နီ ကားအစီး ၅၀၀ စာခန့် တရုတ်ဘက်ပို့မရလို့ ဆုံးရှုံးမှုဖြစ်ပေါ်နေ

သိန္နီ ပြည်သူ့ကာကွယ်ရေးတပ်ဖွဲ့ နေရာကို စစ်ကောင်စီက အင်အားအလုံးအရင်းနဲ့ ဝင်စီးကာ မီးရှို့ဖျက်ဆီး

မုံးကိုးမြို့နယ်မှာ စစ်ကောင်စီ နဲ့ ကိုးကန့် MNDAA တို့အကြား တိုက်ပွဲ ဆက်လက် ဖြစ်ပွား

မိုးညှင်း KIA တပ်ရင်း ၂၆ နယ်မြေသို့ ဝင်ရောက်လာသော စစ်ကောင်စီတပ်ကို KIA တိုက်ခိုက်

စစ်ကောင်စီယာဉ်တန်းကို မိုးညှင်းအနီးတွင် KIA မိုင်းခွဲ တိုက်ခိုက်

ဥယျာဉ်ထဲက ပန်းပွင့်များ

စစ်ကောင်စီတပ် လက်နက်ကြီးကြောင့် မိုးမောက်မြို့ ဘုရားကျောင်းနှင့် စစ်ရှောင်စခန်းတွင် လက်နက်ကြီးကျ

မြန်မာ – တရုတ် နယ်စပ် ကုန်သွယ်ရေး ဂိတ်ပေါက် ၂ ပေါက် စတင်ဖွင့်လှစ်

စစ်ကောင်စီလက်အောက် လောက်ကိုင် နယ်ခြားစောင့်တပ်များ ဒေသခံများ၏ လယ်ယာခြံမြေကို ဖျက်ဆီး

ရှမ်းပြည်နယ်မြောက်ပိုင်း လားရှိုးခရိုင် သိန္နီမြို့နယ် နားတီးကျေးရွာတွင် စစ်ကောင်စီလက်အောက်ခံ နယ်ခြားစောင့်တပ်များက ဒေသခံများ၏ လယ်ယာခြံမြေကို ဖျက်ဆီးနေသည့်အပြင် ဒေသခံတောင်သူများကိုလည်း ပစ်ခတ်ခြိမ်းခြောက်နေကြောင်း သိရသည်။

“လူကတော့ ကိုးကန့်တရုတ် လူမျိုး။ ဒါပေမယ့် စစ်ကောင်စီနဲ့ ပေါင်းတဲ့သူတွေ။ ဝတ်စုံက စစ်ကောင်စီ အုပ်ထုပ်နဲ့ ဆင်တာ ဆောင်းတယ်။ စစ်ကောင်စီ တံဆိပ်တော့ မဟုတ် ပြန်ဘူး။ စစ်ကောင်စီ အုပ်ထုပ်နဲ့ တူတာ ဆောင်းတယ်။ BGF လိုမျိုးပေါ့။ နယ်ခြားစောင့်တပ်။” ဟု နားတီးရွာခံ တစ်ဦးက ရှင်းပြသည်။

လောက်ကိုင်မှ လူငယ် ၁၀ ဦးအပါအဝင် ထို BGF အဖွဲ့တွင် လူဦးရေ ၆၀ ခန့်ရှိပြီး နာတီးဒေသခံများ၏ လယ်ယာခြံမြေ ဧကပေါင်း ၄၀၀ ဝန်းကျင်ရှိသော တောင်ကုန်းတွင် ဗုံးခိုကျင်းတူးခြင်း၊ မြှောင်းဖောက်ခြင်းစသဖြင့် ဖျက်ဆီးမှုများပြုလုပ်နေသည်ဟု ဆိုသည်။

“တချို့ ပြည်သူတွေက စပါးခင်း ပေါင်းရှင်းနေဆဲ ဖြစ်တယ်။ ပေါင်းမရှင်းရသေးတဲ့ သူတွေလည်းရှိတယ်။ ပေါင်းရှင်းပြီးသွားတဲ့ ခြံတွေလည်း သူတို့ မြှောင်းတွေအကုန်တူးပစ်တာ။ ဖရိုဖရဲ ဖျက်ဆီးပစ်တယ်။ လယ်တွေလည်း အဲဘက် ကုန်းဘက်က လယ်တွေလည်း ရေလည်း သွားကြည့်လို့မရတော့ဘူး။ ရေခန်းကုန်ပြီလား၊ ရေရှိလား မရှိလားလည်း သွားကြည့်လို့မရတော့ဘူး။ ခုက လယ်တွေကလည်း ထိခိုက်ရှုံးဆုံးနေရပြီ။ အဓိက စပါးများတယ်။ ပြောင်းလည်း စိုက်တော့ စိုက်တယ်။ တချို့ပြောင်းခင်းတွေလည်း သူတို့ ကတုတ်ကျင်း တူးလို့ အကုန် ခုတ်ပစ်လိုက်တယ်။ ဖျက်ဆီးပစ်တာ။ ဒီ ရွာထဲလည်း အဝင်အထွက် သူတို့ ကြိုက်သလို သွားလာ နေကြတယ်။” ဟု ဒေသခံတစ်ဦးက ပြောသည်။

ဩဂုတ် ၃၀၊ ၃၁ ရက်ခန့်ကစတင်ပြီး စစ်ကောင်စီနဲ့ စီးပွားရေး ပူးပေါင်းသော လောက်ကိုင် နယ်ခြားစောင့်တပ်သည် နားတီးကျေးရွာအနီးတွင် စခန်းချပြီး လမ်းကြောင်းတစ်လျှောက် သွားလာသောဒေသခံများကိုလည်း ပစ်ခတ်မှုများပြုလုပ်နေကြောင်း ဒေသခံတစ်ဦးက ပြောသည်။

အဆိုပါဒေသတွင် ရှမ်း၊ တရုတ်၊ ကချင် မျိုးနွယ်စုများနှင့် မြောင်ဝ် စသည့် လူဦးရေ ၅၀၀ ဝန်းကျင် လုပ်ကိုင်စားသောက်နေသော နေရာဖြစ်သည်။

Bum Shep

Read Previous

တရုန် ရောက် စစ်ကောင်စီတပ်ကို ပစ်ခတ်ခြင်းမပြုရန် KIA ထံ ဒေသခံများမှတဆင့် အကြောင်းကြားခိုင်း

Read Next

တနိုင်း စစ်ကောင်စီတပ်ကို KIA မိုင်းခွဲတိုက်ခိုက်

Leave a Reply

Your email address will not be published. Required fields are marked *