,

Breaking News :

ဖားကန့်တွင် အရပ်သား ၈၀ ကျော်ကို စစ်ကောင်စီက လူသားဒိုင်းအဖြစ် ဖမ်းဆီးခေါ်ဆောင်ထား

ကသာမြို့တွင် ရဲကားဖြင့် လိုက်လံပစ်ခတ်သဖြင့် လူငယ် ၁ ဦးသေဆုံး

ဦးရွှေမင်း ဦးဆောင်သည့် ပြည်သူ့စစ်အဖွဲ့ တနိုင်ဒေသတွင် စတင်အခြေချ၊ ဒေသခံများကန့်ကွက်

ဖားကန့် ဆိပ်မူ စစ်ရှောင်ပြည်သူ ၅၀၀ ကျော်အတွက် အရေးပေါ်အကူအညီလိုအပ်နေ

ကရင်ချောင်ကျေးရွာအနီးက ကျောက်စိမ်းတူးသည့် အလုပ်သမား ၃၀ ကျော် ဖမ်းဆီးခံထားရ

ကားမိုင်းထွေအုပ်ရုံး ဗုံးဖောက်ခွဲခံရပြီး အုပ်ချုပ်ရေးမှူး ဒဏ်ရာပြင်းထန်ရရှိကာ ၁ ဦးသေဆုံး

ဖားကန့်တွင် အရပ်သားကား ၂ စီးကို စစ်ကောင်စီတပ် ပစ်ခတ်သဖြင့် ပြည်သူ ၁ ဦးသေဆုံး

ခင်ဦးတွင် ဒေသခံ ၂ သောင်းကျော်ထွက်ပြေးတိမ်းရှောင်နေရပြီး ဆေးဝါး၊ ဆောင်နှင့် အဝတ်အထည်များလိုအပ်နေ

ဖားကန့်တွင် ၁၀၀၀၀ ကျပ်တန်ငွေစက္ကူအတု ပိုမိုအသုံးပြုလာနေ

လုံးခင်းတွင် ဆိုင်ကယ်စီးနှင်လာသည့် လူငယ်တစ် ဦး သေနတ်ပစ်သတ်ခံရ

လိုင်ဇာမြို့အနီး စစ်ကောင်စီတပ် အင်အား ထပ်ဖြည့်နေ

မိုးမောက်မြို့နယ် ဒေါ့ဖုန်းယန်မြို့မှ အာဏာသိမ်းစစ်တပ် အင်အား ၃၀၀ ကျော်ခန့်သည် KIO ထိန်းချုပ်နယ်မြေ လိုင်ဇာဘက်သို့ ဦးတည်ကာ ယနေ့ နံနက် အစောပိုင်းက ထွက်ခွာသွားပြီဖြစ်ကြောင်း သိရသည်။

လိုင်ဇာမြို့အနီး လဂျားယန် (La Ja Yang) နှင့် ခယာဘွမ့် (Hka Ya Bum) စသော နေရာများတွင် စစ်အင်အား တိုးချဲ့ရန် ဖြစ်သည်ဟု ဒေါ့ဖုန်းယန် ဒေသခံတစ်ဦးက KNG သတင်းဌာနကို ပြောဆိုခဲ့သည်။

“ဒီမနက် အစေားကြီးကနေ ထွက်သွားကြပြီ။ ယာဥ်တန်းနဲ့မဟုတ်ဘူး။ ခြေကျင်နဲ့သာဖြစ်တယ်။ လဂျားယန်နဲ့ ခယာဘက်ကို သွားတဲ့အဖွဲ့ဖြစ်တယ်။ တိုက်ပွဲတွေ ပြန်ဖြစ်မလားမသိဘူး”ဟု ပြောဆိုသည်။

ယခုလအတွင်း ဒေါ့ဖုန်းယန်မှ လိုင်ဇာသွားလမ်းတစ်လျှောက်တွင် အာဏာသိမ်းစစ်တပ်မှ စစ်ရေးဖြည့်တင်းသည့် လှုပ်ရှားမှုများ ပုံမှန်ရှိလာကြောင်း သူကဆက်ဆိုသည်။

ထို့အပြင် နွမ်လန့်ကျေးရွာတွင် ထပ်မံတိုးချဲ့ထားသည့် စစ်ကောင်စီတပ် စစ်အင်အား ၂၀၀ ခန့်က အလောဘွမ့် နှင့် ရှန်းဒုန်းဘွမ့် ဘက်သို့ ပြန်လည်ထွက်ခွာသွားကြောင်းသိရသည်။

ယနေ့နံနက် အလောဘွမ့်လမ်းဘက်သို့ ထွက်ခွာသွားသည့် စစ်အင်အားအဖွဲ့မှာ  စက်တင်ဘာလ ၁၉ရက် ယမန်ညက ဗန်းမော်မြို့ဘက်မှ နွမ်လန့်တပ်စခန်းအတွင်းသို့ ရောက်ရှိလာသောအဖွဲ့ဖြစ်ကြောင်း ဒေသခံများပြောဆိုချက်အရ သိရသည်။

ထို့နောက် ပြီးခဲ့သည့် စက်တင်ဘာလ ၈ရက်နေ့ကလည်း ဒေါ့ဖုန်းယန်မြို့မှ စစ်ကောင်စီ အင်အား ၂၀၀ ကျော်သည် KIO ထိန်းချုပ်နယ်မြေ တပ်ရင်း ၁၉ သို့ ဝင်ရောက်သွားခဲ့သည်။

လက်ရှိ ဒေသခံများ၏ ပြောဆိုချက်အရ ဒေါ့ဖုန်းယန်နှင့် ခယာဘွမ့်အထိ  စစ်ကောင်စီတပ် အင်အား ၁ ထောင်ဝန်းကျင်ခန့် စစ်အင်အားဖြည့်တင်းထားကြောင်း သိရသည်။

Read Previous

အာဏာသိမ်းစစ်တပ် ခေါင်းဆောင် မြစ်ကြီးနားမြို့ တွင် ရောက်ရှိနေ

Read Next

စစ်ကောင်စီတပ်က လူနေအိမ် ဖျက်ဆီးပြီး ဆန်နဲ့ တန်ဖိုးရှိ ပစ္စည်းများ ယူသွား