,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

PDF များအတွက် လက်နက်တပ်ဆင်ပေးရေး လုပ်ဆောင်နေဟု NUG ဝန်ကြီးပြော

NUG အစိုးရ သယံဇာတနှင့် သဘာဝပတ်ဝန်းကျင် ဝန်ကြီး ဒေါက်တာ တူးခေါင်

တစ်နိုင်ငံလုံးအတိုင်းအတာ PDF များကို လက်နက်တပ်ဆင်ပေးရန် လုပ်ဆောင်နေသည်ဟု အမျိုးသားညီညွတ်ရေးအစိုးရ NUG သယံဇာတနှင့် သဘာဝပတ်ဝန်းကျင်ဝန်ကြီး ဒေါက်တာတူးခေါင် ထံမှ သိရသည်။

CRPH ထံလှူထားသော ဒေါ်လာ ၁၇ သန်းကျော်ကိစ္စ အမေးအဖြေဟုဆိုကာ NUG အစိုးရ၏ လုပ်ဆောင်နေမှုများကို စက်တင်ဘာလ ၂၁ ရက်နေ့ ဝန်ကြီး ဒေါက်တာတူးခေါင်၏ Facebook တွင် ရေးသားထားသည်

“မြို့နယ် ၃၃၀ အားလုံး နှံ့အောင်တော့ စောင့်ရမှာပေါ့။ တနိုင်ငံလုံးမှာရှိတဲ့ သိန်းချီသော PDF တွေအတွက် လိုအပ်ချက်တွေတော့ အများကြီးပါ။ တမြို့နယ် အလက် ၁၀၀ ပေးဖို့ ဆိုရင်တောင် ၃၃၀၀၀ လိုအပ်တယ်။ လက်ရှိ အလှူခံထားတဲ့ ဒေါ်လာ ၁၇ သန်း ဖိုး ဝယ်ရင်တောင် အလက် ၅၀၀၀ လောက်ပဲရမယ်။ အံ့သြဖို့ကောင်းတာက အဲ့ထက်မက တော့ဘူး။” ဟု PDF များအတွက် လက်နက်တပ်ဆင်ရေး အကြောင်းအရာကို ရေးသားထားသည်။

ထို့အပြင် တစ်နိုင်ငံလုံးအတိုင်းအတာ PDF အစစ်များနှင့် ဆက်သွယ်ဆောင်မှုများကို မနားမနေ လုပ်ဆောင်နေသည်ဟု ဆက်လက်ရေးသားထားသည်။

“အမှန်အကန် PDF တွေနဲ့ ဆက်သွယ်ဆောင်ရွက်မှုတွေ မနားမနေ လုပ်နေပါတယ်။ ဘယ်လိုလုပ်တယ် ဆိုတဲ့ နည်းနာကတော့ ကျနော်တောင်မသိဘူး။ ဒါပေမယ့် ဂျင်း PDF တော့ သတိထားရမှာပေါ့။ စကစ ဖက်က PDF အတုတွေ ထောင်ထားတာလဲရှိတယ် သတိထား။ PDF ဆိုတဲ့ လူတိုင်းနဲ့ မဆက်သွယ်နဲ့။ အသွင်ယူ PDF လှူမိတဲ့ အလှူရှင်တွေ အဖမ်းခံရတာတောင်မနည်းတော့ဘူး။” ဟု ရေးသားထားသည်။

NUG အစိုးရတခုလုံးအတွက် လိုအပ်သော ဘတ်ဂျက် မှာ ဒေါ်လာ သန်း ၈၀၀ ဖြစ်ပြီး ၎င်းတို့မှာ မကြာခင် ရရှိတော့မှာဖြစ်ကြောင်း ဒေါက်တာ တူးခေါင်က ရေးသားထားသည်။

အဆိုပါ ဝန်ကြီး​ဒေါက်တာ တူးခေါင်၏ အမေးအဖြေ ရေးသားမှုတွင် လူထုဘက်မှ NUG အစိုးရအပေါ် ဝေဖန် မေးမြန်းသော မေးခွန်းတစ်ချို့ကို ဖြေကြားခဲ့ခြင်း ဖြစ်သည်။

Read Previous

ကသာ တိုက်ပွဲသတင်းများ အလျင်စလို မတင်ပေးကြရန် Katha PDF အဖွဲ့ ထုတ်ပြန်

Read Next

ဖားကန့်‌ Mytel တာဝါတိုင် တစ်တိုင် ထပ်မံ ဖောက်ခွဲ ဖျက်ဆီးခံရ