,

Breaking News :

ဒီပဲယင်းတွင် လေကြောင်းလိုင်းဖြင့် တိုက်ခိုက်ခံရမှုကြောင့် ကျေးရွာ ၂ခုထွက်ပြေးတိမ်းရှောင်နေရ

ဆားလင်းကြီးနယ်တွင် စစ်ကောင်စီတပ် သေနတ်လိုက်လံပစ်ခတ်မှုကြောင့် ပြည်သူ ၂ဦးထိမှန်

ဖမ်းဆီးခံထားရသည့် PDF တပ်သား ၄ ဦးအနက် ၂ ဦးကို ထောင်တွင်းသတ်ဖြတ်ခံရဟုဆို

ကသာတွင် ကျောင်းသားတစ်ဦးထံမှ ဆေးခြောက်တွေ့ရှိသဖြင့် ပြည်သူ ၁၃ဦးကို စစ်ကောင်စီဖမ်းဆီး

အင်းတော်နယ်တွင် ထောင်ထားသည့် မိုင်းကြိုးစဆွဲမိသဖြင့် အမျိုးသား၂ဦးသေဆုံး

ကသာတွင် စစ်ကောင်စီ သတင်းပေးသူဟု ဆိုရသော ရာအိမ်မှူးတစ်ဦးဖမ်းဆီးခံရ

ပရိသတ်စိတ်ဝင်စားမည့် သတင်းအမှား ခေါင်းစဉ်ဖြင့် ဝင်ငွေရှာနေသော YouTube ချန်နယ်များကို သတိပြုရန်

ကင်းပုန်းဝပ်ပြီးပြန်လာသည့် စစ်ကောင်စီတပ် မိုင်းဆွဲတိုက်ခိုက်ခံရပြီး ၅ဦးသေဆုံး

ဖားကန့်တွင် ဆယ်နှစ်အောက် ကလေး ၄ဦးအပါ ပြည်သူ ၂၀ ကျော်ဖမ်းဆီးခံထားရဆဲ

စစ်အာအားအပြည့်တင်ဆောင်လာသည့် ၁၂ ဘီးကားတစ်စီး မိုင်းဆွဲတိုက်ခိုက်ခံရ

ဖားကန့်တွင် ပုဂ္ဂလိက ဘဏ်အချို့ ပြန်လည်ဖွင့်ခိုင်း

ဖားကန့်အဝင်ဆိုင်းဘုတ်

ဖားကန့်မြို့တွင် အင်တာနက်လိုင်းများ ဖြတ်တောက်ခံထားရသော်လည်း စစ်ကောင်စီမှ ပုဂ္ဂလိကဘဏ်အချို့ကို ပြန်လည်ဖွင့်ခိုင်းထားကြောင်း နီးစပ်သူများထံမှ သိရသည်။

“ကျနော်တို့ သိရသလောက်တော့ စစ်တပ်ကနေပြီး သူတို့ရဲ့ wifi လိုင်းနဲ့ ကုဒ်နံပါတ်ချပေးထားပြီး ဖွင့်ထားခိုင်းတယ်လို့ သိရတယ်”ဟု ဒေသခံတစ်ဦးက ပြောသည်။

ဩဂုတ်လ ၂၀ရက်နေ့မှစတင်ကာ အင်တာနက်လိုင်းဖြတ်တောက်ပြီး နှစ်ပတ်အကြာတွင် ပုဂ္ဂလိကဘဏ်များဖြစ်သော ကမ္ဘောဇဘဏ် နှင့် ဧရာဘဏ် နှစ်ခုတို့သည် စစ်တပ်၏ wifi နှင့် ဖွင့်ခွင့်ရရှိခဲ့ခြင်းဖြစ်ကြောင်း ၎င်းက ဆက်ပြောသည်။

ထို့ပြင် ယင်းဘဏ်များတွင် ငွေလွှဲ၊ ငွေထုတ်လွယ်ကူသော်လည်း ဘဏ်အပ်ငွေများ ထုတ်ယူရာတွင် ယခင်ထက်ပိုမို ခက်ခဲလာကြောင်း သိရသည်။

“ငွေထုတ်တာတော့ အရင်ကလိုဘဲ တစ်ပတ်တစ်ကြိမ် ကြာသာပတေးနေ့ ထုတ်ပေးတယ်။ ဒါပေမယ့် အများဆုံး ၁၀သိန်း အောက်ဘဲ ထုတ်လို့ရတယ်။ ငွေ amount အများကြီး မရတော့ဘူး။ ငွေသွင်းတာတော့ အကန့်သတ်မရှိသွင်းလို့ရတယ်” ဟု ဒေသခံတစ်ဦးက ပြောသည်။

စစ်တပ် အာဏာမသိမ်းခင် တစ်ပတ်လျှင်တစ်ကြိမ် ဘဏ်အပ်ငွေ သိန်းတစ်ရာအောက် ထုတ်ခွင့်ရှိခဲ့ပြီး အာဏာသိမ်းပြီးနောက်တွင် တစ်ပတ်လျှင်တစ်ကြိမ် သိန်း ၂၀အောက် ထုတ်ယူခွင့်ပြုခဲ့သည်။

ထို့နောက် ဩဂုတ်လ ၂၀ရက်နေ့ အင်တာနက်ဖြတ်တောက်ခံရပြီးနောက် တစ်ပတ်လျှင်တစ်ကြိမ် ၁၀သိန်းအောက်သာ ထုတ်ယူခွင့်ရတော့ကြောင်း ဒေသခံများထံမှ သိရသည်။

ထို့အပြင် အသေးစား ငွေလွှဲဝန်ဆောင်မူလုပ်ငန်းများသည်လည်း အင်တာနက်အခက်ခဲများကြောင့် သိသိသာသာလျော့နည်းသွားကြောင်း သိရသည်။

“အင်တာနက်ဖြတ်လိုက်တော့ အစစအရာရာ ပိုခက်ခဲသွားတယ် wave ကနေလွှဲရင် လွှဲတဲ့ချိန်လည်း တစ်သိန်းမှာ ၃၀၀၀ ပေးရတယ်တဲ့။ ဒီမှာထုတ်ပြန်ရင်လည်း ၃၀၀၀ ထပ်ပေးရတယ်”ဟု ဒေသခံတစ်ဦးက ပြောသည်။

ဖားကန့်မြို့နယ်တွင် မိုဘိုင်းအင်တာနက်လိုင်းနှင့် wifi လိုင်းများဖြတ်တောက်ခံရသည်မှာ တစ်လကျော်ရှိလာပြီး အချို့‌နေရာများတွင် Fiber Connection နှင့် IPstar  internet  Connection များ အနည်းအကျဉ်း အသုံးပြုနိုင်ကြောင်း သိရသည်။

ဖားကန့်မြို့နယ်သည် စစ်အာဏာသိမ်းပြီးနောက် ကချင်ပြည်နယ်အတွင်း ပထမဆုံး အင်တာနက်ဖြတ်တောက်ခံရသည့် မြို့နယ်ဖြစ်သည်။

Read Previous

မုံးကိုး စစ်ရှောင်စခန်းတွင် Covid-19 ပိုး ကူးစက်ခံရသူ ၁၀၀ ကျော်ရှိလာ

Read Next

ကာမိုင်း မအူပင်တွင် အမျိုးသားတစ်ဦး ပစ်သတ်ခံရ

Leave a Reply

Your email address will not be published.