,

Breaking News :

ယုဇန ကုမ္ပဏီထွက်ခွာပြီးနောက် မြေယာ ဦးယူပိုင်ဆိုင်ထားမှုကို KIO ပြန်လည်သိမ်းယူမည်

မြန်မာ့ကြက်သွန်နီ ကားအစီး ၅၀၀ စာခန့် တရုတ်ဘက်ပို့မရလို့ ဆုံးရှုံးမှုဖြစ်ပေါ်နေ

သိန္နီ ပြည်သူ့ကာကွယ်ရေးတပ်ဖွဲ့ နေရာကို စစ်ကောင်စီက အင်အားအလုံးအရင်းနဲ့ ဝင်စီးကာ မီးရှို့ဖျက်ဆီး

မုံးကိုးမြို့နယ်မှာ စစ်ကောင်စီ နဲ့ ကိုးကန့် MNDAA တို့အကြား တိုက်ပွဲ ဆက်လက် ဖြစ်ပွား

မိုးညှင်း KIA တပ်ရင်း ၂၆ နယ်မြေသို့ ဝင်ရောက်လာသော စစ်ကောင်စီတပ်ကို KIA တိုက်ခိုက်

စစ်ကောင်စီယာဉ်တန်းကို မိုးညှင်းအနီးတွင် KIA မိုင်းခွဲ တိုက်ခိုက်

ဥယျာဉ်ထဲက ပန်းပွင့်များ

စစ်ကောင်စီတပ် လက်နက်ကြီးကြောင့် မိုးမောက်မြို့ ဘုရားကျောင်းနှင့် စစ်ရှောင်စခန်းတွင် လက်နက်ကြီးကျ

မြန်မာ – တရုတ် နယ်စပ် ကုန်သွယ်ရေး ဂိတ်ပေါက် ၂ ပေါက် စတင်ဖွင့်လှစ်

မုံးကိုးမြို့နယ်မှာ စစ်ကောင်စီက လက်နက်ကြီးဖြင့် ဆက်လက်ပစ်ခတ်နေ

တနိုင်း-ရှင်ဗွေယန်လမ်းမပေါ် KIA နှင့် စစ်ကောင်စီတပ် တိုက်ပွဲဖြစ်ပွား စစ်ကောင်စီဘက်မှ ထိခိုက်မှုများနိုင်

ကချင်ပြည်နယ် တနိုင်း-ရှင်ဗွေယန်လမ်းမပေါ်ရှိ လဂျားဘွမ့်နှင့် တရုန်ကျေးရွာ ၂ခုကြားတွင် ယနေ့ နံနက်ပိုင်းက အာဏာသိမ်းစစ်ကောင်စီတပ်နှင့် ကချင်လွတ်လပ်ရေးတပ်မတော် KIA တို့တိုက်ပွဲ ဖြစ်ပွားခဲ့ပြီး အာဏာသိမ်းစစ်ကောင်စီဘက် ထိခိုက်မှုများနိုင်ကြောင်း ဒေသခံများမှ သိရသည်။

ယနေ့ နံနက် ၈နာရီခွဲအချိန်တွင် လဂျားဘွမ့်ဘက်သို့ စစ်အင်အား ၅၀ခန့်ဖြင့်တက်လာသော စစ်ကောင်စီတပ်ကို လဂျားဘွမ့် ရွာဦးအထက်ပိုင်းရှိ တခန်ခ (Da Hkan Hka)အနီးတွင် KIA က စောင့်ကြိုကာ ၂ကြိမ်ထက်မနည်း မိုင်းခွဲတိုက်ခိုက်ခဲ့ကြောင်း လဂျားဘွမ့် ဒေသခံတစ်ဦးက KNG သတင်းဌာနကို ပြောဆိုခဲ့သည်။

“တိုက်ပွဲဖြစ်တာက ၈နာရီလောက်မှာဖြစ်တယ်။ KIA က လမ်းမှာ စောင့်ပြီး မိုင်းခွဲတိုက်ခိုက်ခဲ့တယ်။ ရွာကနေအကျယ်ကြီး ကြားရတယ်။ ပြီးရင် စစ်တပ်ဘက်က အထိနာဖို့များတယ်။ မိုင်းထိပြီး အော်တဲ့အသံတွေလည်းကြားရတယ်။ ဘယ်လောက်ထိ ထိခိုက်သေဆုံးတာက မသိရပါဘူး” ဟု ပြောဆိုသည်။

KIA ၏ မိုင်းခွဲတိုက်ခံရသည့် စစ်ကောင်စီတပ်ဖွဲ့သည် ယနေ့ နံနက် မိုးမလင်းမှီ တနိုင်းမြို့မှ ရှိန်လုံကျေးရွာအထိ စစ်ကားများဖြင့် တိုးချဲ့လာသောအဖွဲ့ဖြစ်ပြီး တရုန်ဘက်သို့ ပြန်တက်လာခဲ့ရာ လဂျားဘွမ့်ကျေးရွာအနီးတွင် တိုက်ခိုက်ခံရခြင်းဖြစ်သည်။

အဆိုပါ တရုန်ဘက်သို့ တက်လာသည့် စစ်ကောင်စီအဖွဲ့မှာ တက်လာသည့် လမ်းကြောင်း တစ်လျှောက်ရှိ ကျေးရွာတစ်ချို့တွင် အိမ်မွေးတိရိစ္ဆာန်များအား ကားဖြင့် တိုက်သတ်မှုများရှိခဲ့ပြီး လက်ရှိတွင် လဂျားဘွမ့်ကျေးရွာအနီးတဝိုက် တပ်စွဲနေထိုင်လျက်ရှိနေကြောင်း ဒေသခံများထံမှ သိရသည်။

လက်ရှိတွင် အာဏာသိမ်းစစ်ကောင်စီတပ်နှင့် KIA တို့ကြား လဂျားဘွမ့်ကျေးရွာတွင် ၂ဖက်တပ် စောင့်ကြည့်အနေထားရှိနေပြီး စစ်ရေးတင်းမာမှုတိုက်ပွဲ ပြန်လည်ဖြစ်ပွားလာနိုင်ကြောင်း ဒေသခံများပြောသည်။

ပြီးခဲ့သော စက်တင်ဘာလကလည်း တရုန်ကျေးရွာတွင် ပြန်လည်အခြေချရန် စစ်ကြောင်းထိုးလာသောစစ်ကောင်စီတပ်ကို KIA က တိုက်ခိုက်ခဲ့သည်။

Read Previous

မုံးကိုးမှာ စစ်ကောင်စီနဲ့ ကိုးကန့် MNDAA တိုက်ပွဲ ဆက်လက် ဖြစ်ပွား

Read Next

အရာတော် ဘောင်းကျကျေးရွာအတွင်း အာဏာသိမ်းတပ် တပ်စွဲထားကာ ညမထွက်ရ အမိန့်ထုတ်ပြန်

Leave a Reply

Your email address will not be published. Required fields are marked *