,

Breaking News :

ရေဦးတိုက်ပွဲတွင် စစ်ကောင်စီဘက်က ၁၅ ဦး ထိခိုက် သေဆုံးပြီး PDF ဘက်က ၃ ဦးကျဆုံးဟုဆို

ဖားကန့်တွင် လုပ်ကွက်ဟောင်းတွင်းထဲ ပြုတ်ကျသေဆုံးခဲ့သည့် မိသားစု ၃ ဦးအနက် အမျိုးသမီးဖြစ်သူ၏ ရုပ်အလောင်းပြန်တွေ့ရှိ

မြစ်ကြီးနားနဲ့ ဖားကန့် မြို့နေရာတွေမှာ စစ်ကောင်စီ စစ်ဆေးရေးပိုမိုတင်းကြပ်နေသည့်အတွက် သွားလာရေးအခက်တွေ့နေ

စစ်ကိုင်းနှင့် ထိစပ်သည့် KIA တပ်မဟာ ၈ ၊ ၉ ဒေသများတွင် တိုက်ပွဲ ဆက်လက်ပြင်းထန်လာနိုင်

အသည်းနှလုံးတွေကိုဖျက်စီးသွားစေတဲ့အရာ

ပြည်သူ့ စစ်စခန်းသို့ ဝင်ရောက်စီးနင်းချိန် TNLA တပ်ဖွဲ့က ဒေသခံများကို လူသားဒိုင်းအဖြစ် အသုံးပြုခဲ့

ကန့်ဘလူနယ်တွင် ကျေးရွာ ၅ခု မီးရှို့ဖျက်ဆီးခံရကာ ပြည်သူ ၈ ထောင်ကျော် ထွက်ပြေးနေရ

ရွှေကူနယ်တွင် စစ်ကောင်စီတပ် ထိုးစစ်ဆင်နေသဖြင့် တိုက်ပွဲဖြစ်ပွာလာမည်ကို ဒေသခံများစိုးရိမ်

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

အင်းတော် Silent Strike နေ့ ဖမ်းဆီးခံရသည့် အမျိုးသားလွတ်မြောက်လာခြင်းမရှိသေး

အုပ်ချုပ်ရေးအဖွဲ့က ဘောလုံးပွဲကစားခွင့်ပြုပြီးနောက်ပိုင်း ပူတာအိုတွင် Covid-19 ကူးစက် သေဆုံးမှုနှုန်း အဆမတန်တိုးလာ

ပူတာအို အဝင်ဆိုင်းဘုတ်

ပူတာအိုမြို့နယ်တွင် စစ်ကောင်စီသစ္စာခံ အုပ်ချုပ်ရေးမှူးအဖွဲ့များက ကျေးရွာအလိုက် ဘောလုံးကစားရန် ခွင့်ပြုမိန့် ပေးလိုက်သည့်နောက်ပိုင်း ကိုဗစ် – ၁၉ ရောဂါကူးစက်မှုနှုန်း ပိုမိုမြင့်တက်လာနေကြောင်း သိရသည်။

ပြီးခဲ့သော အောက်တိုဘာလ လယ်နောက်ပိုင်းမှ ပူတာအိုမြို့တွင် ရပ်ကွက်အလိုက် ယဥ်ကျေးမှုဖလား ဗိုလ်လုပွဲ ဘောလုံးကစားနေသောကြောင့် ရပ်ကွက်အတွင်းရှိ ပြည်သူများ ကိုဗစ်ကူးစက်ခံနေရသည်ဟု ပူတာအို ဒေသခံတစ်ဦးက KNG သတင်းဌာနကို ပြောဆိုခဲ့သည်။

“အုပ်ချုပ်ရေးအဖွဲ့က ယဥ်ကျေးမှုအဖွဲ့ကို ဘောလုံးကစားခွင့် ပေးလိုက်လို့ အခုဆို ရပ်ကွက်အားလုံမှာ ကိုဗစ်ကူးစက်ခံနေရတယ်။ မဖြစ်တဲ့သူ သိပ်မရှိတော့ဘူး။ အားလုံးဖျားကြတယ်။ ဘာကြောင့် လဲဆိုတော့ ကျေးရွာ ရပ်ကွက် အလိုက်ဆိုတော့ ပိုဆိုးသွားတာပေါ့” ဟု ပြောဆိုသည်။

ဘောလုံးကစားပွဲကို တစ်ရက်တွင် ကျေးရွာ (၆) ခုနှင့်  အသင်း (၃)ဖွဲ့ဖြင့် ပုံမှန်ကစားခဲ့ပြီး ရောဂါကူးစက်မှုမှာ မြို့ပေါ်နှင့် ကျေးရွာများတွင် ထိန်းချုပ်ရန် ခက်ခဲသွားသည်ဟု သူက ဆက်ဆိုသည်။

“မြို့ပေါ်မှာ ရှိတဲ့ ဆရာဝန်တွေလည်း ထိန်းချုပ်ဖို့ မနိုင်တော့ဘူး။ တစ်ချို့ ဆိုရင် တစ်ချို့ကျေးရွာတွေမှာ ကာကွယ်ဆေးပြီး သွားရှောင်နေကြတယ်။ အုပ်ချုပ်ရေးအဖွဲ့တွေကလည်း ဘာမှ မလုပ်ပေးနိုင်တော့ဘူး။ အခြေအနေကို ပြောရရင် ကိုယ်ဖြစ်ကိုယ်ခံပေါ့။ အရမ်းဆိုးရွားနေတယ်”ဟု ဆက်ဆိုသည်။

ထိုသို့ ပူတာအိုမြို့နယ်အတွင်း ကိုဗစ်ရောဂါကူးစက်ပျံနှံ့မှုမြင့်တက်နေသော်လည်း ၄ ပတ်တိုင်တိုင် ပုံမှန် ကစားခဲ့ပြီး နိုဝင်ဘာလ ၁၃ ရက်နေ့တွင် နောက်ဆုံး ဗိုလ်လုပွဲ ဆက်လက်ကျင်းပသွားမည်ဖြစ်ကြောင်း သိရသည်။

ပူတာအို မြို့နယ်ရှိ ကျေးရွာ ၆၀ ကျော်ခန့်နှင့် မြို့ပေါ် ရပ်ကွက် (၁၀) ခု တို့တွင် ကိုဗစ် ကူးစက်မှုပြင်းထန်နေပြီး လက်ရှိတွင် ဆေးစစ်ဆေးမှု ခံယူထားသော အတည်ပြုလူနာ ၈၀၀ နီးပါးခန့်ရှိနေကြောင်းလည်း သိရသည်။

ကျေးရွာအလိုက်နှင့် ရပ်ကွက်အတွင်း ကိုဗစ်ရောဂါကူးစက်ပျံ့နှံ့မှု ပြင်းထန်နေသည့်အတွက် ရောဂါကူးစက်ခံရသည့် သက်ကြီးရွယ်အိုများ တစ်ရက်လျှင် ၂ဦး ထက်မနည်း သေဆုံးမှု ဖြစ်ပွားနေကြောင်း နောက်ထပ် ပူတာအို ဒေသခံတစ်ဦးက ယခုလိုပြောဆိုသည်။

“ပူတာအိုမှာ ရောဂါကူးစက်ခံရတဲ့ သူတွေအရမ်းများလာတယ်။ အသက်ကြီးတဲ့ သူတွေဆိုရင် တစ်ရက်ကို ၂ ယောက်လောက် ဆုံးနေတယ်။ ဒါတောင် ကျနော်တို့ အနီးတဝိုက်မှာဖြစ်တာ။ ကျန်တဲ့နေရာမှာလည်း အတူတူဖြစ်လိမ့်မယ်”ဟု ပြောဆိုသည်။

ထိုနည်းတူ ပြီးခဲ့သည့်လက ပူတာအိုခရိုင် နောင်မွန်မြို့နယ်တွင်လည်း ဌာနေပြည်သူ့စစ်အဖွဲ့မှ ရပ်ကွက်ဘောလုံးစကားပွဲ ပြုလုပ်သောကြောင့် နောင်မွန်မြို့နယ်အတွင်း ကိုဗစ်ရောဂါကူးစက်ပျံနှံ့မှုမြင့်တက်ခဲ့ခြင်းဖြစ်သည်။

Read Previous

ကဘူဒမ်းစစ်ရှောင်များ၏ တောင်ယာခင်း စပါးမဖြစ်ထွန်းသောကြောင့် အခက်ကြုံနေ

Read Next

MNDAA တပ်စခန်းဘက် စစ်‌ကောင်စီတပ်က ထပ်မံထိုးစစ်ဆင်လာပြီး တိုက်ပွဲလည်း ဆက်လက် ဖြစ်ပွား