,

Breaking News :

ကနီနယ်တွင် NUG အစိုးရ လမ်းညွန်မှုဖြင့် မီးသတ်သင်တန်းများပို့ချ

စစ်ကိုင်းတိုင်း ရေဦးမြို့တွင် စစ်ကောင်စီတပ် အရာရှိတစ်ဦးနှင့် စစ်သား ၂ဦးသေဆုံး

ဗန်းမော်-လွယ်ဂျယ် နယ်စပ်ကုန်သွယ်ရေးလမ်းပိုင်းတွင် မော်တော်ယာဉ်များပုံမှန်အတိုင်းသွားလာနိုင်ပြီဟုသိရ

ဖားကန့် လမ်းမပေါ်တွင် စစ်ကောင်စီတပ်သား ၆ ဦးကို KIA ဖမ်းဆီး

စစစ ရုံး‌ရှေ့ ဝင်ရောက်လာသည့် စစ်ကားတစ်စီး မိုင်းခွဲခံရ

ဝက်လက်နယ် တိုက်ပွဲတွင် ၂ဖက်တပ် အကျအဆုံးများဟုဆို

ဒီပဲယင်းတွင် လေကြောင်းလိုင်းဖြင့် တိုက်ခိုက်ခံရမှုကြောင့် ကျေးရွာ ၂ခုထွက်ပြေးတိမ်းရှောင်နေရ

ဆားလင်းကြီးနယ်တွင် စစ်ကောင်စီတပ် သေနတ်လိုက်လံပစ်ခတ်မှုကြောင့် ပြည်သူ ၂ဦးထိမှန်

ဖမ်းဆီးခံထားရသည့် PDF တပ်သား ၄ ဦးအနက် ၂ ဦးကို ထောင်တွင်းသတ်ဖြတ်ခံရဟုဆို

ကသာတွင် ကျောင်းသားတစ်ဦးထံမှ ဆေးခြောက်တွေ့ရှိသဖြင့် ပြည်သူ ၁၃ဦးကို စစ်ကောင်စီဖမ်းဆီး

ဖားကန့်ရှိ စစ်ကောင်စီ တပ်စခန်း ၁ ခု တိုက်ခိုက်သိမ်းပိုက်ထားကြောင်း KIO အတည်ပြု

ဖားကန့်မြို့နယ်အတွင်းရှိ စစ်ကောင်စီ တပ်စခန်း ၃ ခုကို ဝင်တိုက်ပြီးနောက် ၁ ခုကို သိမ်းပိုက်ထားပြီဟု KIO ဗဟိုဌာနချုပ် ပြန်ကြားရေးတာဝန်ခံက အတည်ပြုပြောဆိုသည်။

“ဝင်တိုက်တဲ့အဖွဲ့က တပ်စခန်း ၃ နေရာကို ဝင်တိုက်တယ်လို့တော့ကြားတယ်။ ဒါပေမယ့် တစ်ခုသာ သိမ်းနိုင်သေးတယ်လို့ကြားသေးတယ်။ ကျန်တဲ့ တပ်စခန်းခုကိုတော့ သိမ်းတယ်လို့ မကြားမိသေးဘူး”ဟု KIO ဗဟိုဌာနချုပ် ဗိုလ်မှူးကြီးနော်ဘူက ဆိုသည်။

ယနေ့နံနက် ၆ နာရီဝန်းကျင်ခန့်တွင် ဖားကန့်မြို့နယ် ကံဆီးကျေးရွာအထက်ဘက်ခြမ်းရှိ နမ်ဂျန့်ဒေသ အနီးတဝိုက်ကျေးရွာများတွင် တပ်စွဲအခြေချထားသည့် စစ်ကောင်စီတပ်စခန်း ၃ ခုကို KIA က ဝင်ရောက်တိုက်ခိုက်ခဲ့ရာ အောင်လဲန့် (Aung Len) ကျေးရွာတွင်ရှိသော တပ်စခန်းတစ်ခုကို သိမ်းပိုက်ထားနိုင်ကြောင်း သူက ဆိုသည်။

KIA တပ်မဟာ ၉ တပ်ရင်း ၆ နယ်မြေ နမ်ဂျန်ဒေသအနီးတဝိုက်နှင့် အောင်လဲန့်၊ ဆိုင်းရာ စသော ကျေးရွာတွင် ရှိသော တပ်စခန်း ၃နေရာကို KIA က နိုဝင်ဘာလ ၁၃ ရက်နေ့ ညနေပိုင်း ၄နာရီအချိန်မှစတင် ဝင်ရောက်တိုက်ခိုက်ခဲ့ခြင်းဖြစ်ပြီး ယနေ့နံနက် ၁၀ နာရီဝန်းကျင်အထိ ၂ဖက်တပ်အပြန်အလှန် တိုက်ပွဲ ပြင်းထန်ခဲ့ကြောင်း ထိုဒေသရှိ ဒေသခံများပြောဆိုသည်။

ယနေ့ ထိုတိုက်ပွဲဖြစ်ပွားခဲ့သည့်နေရာတွင် စစ်ကောင်စီက ရဟတ်ယာဉ် ၂ စီးဖြင့် လာရောက်ဗုံးကြဲတိုက်ခိုက်ခဲ့သည့်အပြင် ဖားကန့် စစ်ဗျူဟာကုန်းနှင့် ကံစီးကျေးရွာမှ လက်နက်ကြီးများဖြင့် ရမ်းသမ်းပစ်ခတ်ခဲ့ကြောင်းလည်း သိရသည်။

ဖားကန့် ဒေသတွင် စစ်ကောင်စီက အင်တာနက်ဖြတ်တောက်ထားပြီးနောက် စစ်ရေးငြိမ်သက်နေရာမှ ယမန်နေ့ညနေပိုင်းက KIA က ဝင်ရောက်တိုက်ခိုက်ခဲ့ခြင်း ဖြစ်သည်။

Read Previous

MNDAA တပ်စခန်းဘက် စစ်‌ကောင်စီတပ်က ထပ်မံထိုးစစ်ဆင်လာပြီး တိုက်ပွဲလည်း ဆက်လက် ဖြစ်ပွား

Read Next

ရွှေလီကို လော့ခ်ဒေါင်း ဖြေလျှော့ပေးပြီး ကျယ်ဂေါင်မှာနေသူအချို့ ပြန်နေခွင့်ပြု

Leave a Reply

Your email address will not be published.