,

Breaking News :

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ရွှေဘိုတွင် တစ်ရက်အတွင်း ကျေးရွာ ၃ ရွာမှ လူနေအိမ် ၁၇၀ ခန့် မီးရှို့ခံရ

ကန့်ဘလူမြို့နယ်တွင် စစ်ဘေးရှောင်ရင်း မြွေကိုက်ခံရသူ ၃၉ ဦးရှိလာ

ဖားကန့်တွင် စစ်ဆေးရေးတင်းကြပ်နေသည့် စစ်ကေင်စီအဖွဲ့ ဒရုန်းဖြင့် ဗုံးကျဲတိုက်ခိုက်ခံရ

ဝမ်တိန်-ကျင်စန်းကျော့ နယ်စပ် အကူးခေါက် တိုငှားခ သိန်း ၁၀၀ ကျော် ကုန်ကျနေရလို့ အခက်အခဲ ဖြစ်နေ

ကုန်ကားများ

တရုတ်မြန်မာနယ်စပ် ဝမ်တိန်မှ ကျင်းစန်းကျော့ (လွယ်အင်) အထိ နယ်စပ်ဖြတ်ကျော်ရန် တရုတ်ကားများကိုဌားရမ်းရာတွင် တခေါက်ကို မြန်မာငွေ သိန်း ၁၀၀ ကျော် ကုန်ကျနေရတာကြောင့် ကုမ္ပဏီကြီး သာမန် မြန်မာ လုပ်ငန်းရှင်များအနေနဲ့ ခက်ခဲနေကြတယ်လို့ တရုတ်-မြန်မာ နယ်စပ် မြန်မာကုန်သည်၊ လုပ်ငန်းရှင်တွေဆီက သိပါရတယ်။

ဒီဇင်ဘာ ၁၄ ရက်နေ့ရရှိထားတဲ့သတင်းတွေအရ တရုတ်ခေါက်တိုကားခမှာ ယွမ် ၄၀,၀၀၀ ဖြစ်သွားတာကြောင့် နယ်စပ်ခြံစည်းရိုး ကျော်ရုံမျှသွားလာစရိတ်မှာ မြန်မာကျပ်ငွေ ကာလ ပေါက်ဈေး သိန်း ၁၀၀ ကျော်ကုန်ကျနေကြောင်း ယာဉ်မောင်းတစ်ဦးက အခုလိုပြောပါတယ်။

“စပေါ်ငွေ တရုတ်ငွေ ယွမ် ၄၀၀၀၀ လေ။ ကုန်သည်တွေ သေပြီပေါ့ဗျာ။ စပေါ်ငွေယူပြီး အလုပ်ကို အလုပ်နဲ့တူအောင် မလုပ်တာ။ မန္တလေး ကနေ ဖရဲတင်လာတဲ့ကား တရုတ်ထဲအရောက် သိန်း ၁၀၀ မရဘူး။ ကုန်သည် အဆင်ပြေမှ ကားသမား အဆင်ပြေမှာလေ” လို့ ယာဉ်မောင်း ၁ ဦးက ပြောပါတယ်။

ကုန်သည်တွေ ပိုနစ်နာနေရပြီး ‌ခေါက်တိုခ ဈေး အဆမတန်မြင့်မားနေတာကြောင့် နစ်နာစရာရှိတော့ ကုန်သည်နဲ့ ပြည်သူ လူထုပဲ နစ်နာကုန်တာ လို့ဆိုပါတယ်။

ဒါ့အပြင် ကျင်စန်းကျော့ (လွယ်အင်) ကနေ ၁၀၅ မိုင် ကုန်သွယ်ရေးဇုန်အထိ ကုန်ကျစရိတ် ၁၄ သိန်း ဝန်းကျင်ခန့် ထပ်မံရှိသေးကြောင်း နယ်စပ် လုပ်ငန်းရှင်တွေဆီက သိရပါတယ်။

ဒီက‌နေ့ ဒီဇင်ဘာလ ၁၄ ရက်မှာ ထပ်တိုးလာတာကတော့ တရုတ်ထဲ ဝင်မယ့် ကားတွေကိုလည်း ကျန်းမာရေး ဆေး စစ်ရမယ်လို့ ဆိုပါတယ်။

ဒီဇင်ဘာလ ၇ ရက်နေ့က သက်ဆိုင်ရာ ကုန်သွယ်ရေးဌာနတွေနဲ့ လုပ်ငန်းရှင်ကုန်ကျစရိတ် လျှော့ပေးဖို့ ဈေးနှုန်း ဆွေးနွေး ညှိနှိုင်းခဲ့တာ ရှိပေမယ့် ဒီကနေ့ ဒီဇင်ဘာလ ၁၄ ရက်မှာတော့ ခေါက်တိုခ ယွမ် ၃၅,၀၀၀ ကနေ ယွမ် ၄ သောင်း ဖြစ်သွားတာ လို့ဆိုပါတယ်။

Bum Shep

Read Previous

စစ်ကောင်စီကြောင့် မြန်မာပြည်သူများ၏ ဆင်းရဲဒုက္ခအကြောင်း အိမ်နီးချင်း အိန္ဒိယနိုင်ငံတွင် လက်ကမ်း စာစောင်ဖြန့်ဝေ

Read Next

ကွတ်ခိုင် ပြည်သူ့ဆေးရုံအုပ် ပစ်သတ်ခံရ