,

Breaking News :

ကုန်းလောတွင် စစ်တပ်သတင်းပေးဟု ယူဆရသူတစ်ဦး ပစ်သတ်ခံရ

ကနီနယ်တွင် NUG အစိုးရ လမ်းညွန်မှုဖြင့် မီးသတ်သင်တန်းများပို့ချ

စစ်ကိုင်းတိုင်း ရေဦးမြို့တွင် စစ်ကောင်စီတပ် အရာရှိတစ်ဦးနှင့် စစ်သား ၂ဦးသေဆုံး

ဗန်းမော်-လွယ်ဂျယ် နယ်စပ်ကုန်သွယ်ရေးလမ်းပိုင်းတွင် မော်တော်ယာဉ်များပုံမှန်အတိုင်းသွားလာနိုင်ပြီဟုသိရ

ဖားကန့် လမ်းမပေါ်တွင် စစ်ကောင်စီတပ်သား ၆ ဦးကို KIA ဖမ်းဆီး

စစစ ရုံး‌ရှေ့ ဝင်ရောက်လာသည့် စစ်ကားတစ်စီး မိုင်းခွဲခံရ

ဝက်လက်နယ် တိုက်ပွဲတွင် ၂ဖက်တပ် အကျအဆုံးများဟုဆို

ဒီပဲယင်းတွင် လေကြောင်းလိုင်းဖြင့် တိုက်ခိုက်ခံရမှုကြောင့် ကျေးရွာ ၂ခုထွက်ပြေးတိမ်းရှောင်နေရ

ဆားလင်းကြီးနယ်တွင် စစ်ကောင်စီတပ် သေနတ်လိုက်လံပစ်ခတ်မှုကြောင့် ပြည်သူ ၂ဦးထိမှန်

ဖမ်းဆီးခံထားရသည့် PDF တပ်သား ၄ ဦးအနက် ၂ ဦးကို ထောင်တွင်းသတ်ဖြတ်ခံရဟုဆို

မန္တလေးမှဆန်တက်လာသည့် စစ်ကောင်စီသင်္ဘော ၂ စီး တိုက်ခိုက်ခံရ စစ်ကောင်စီဘက်မှ ထိခိုက်သေဆုံးမူများနိုင်

ပုံဟောင်းအသုံးပြုထားသည်။

မန္တလေးမှ စစ်ကိုင်းတိုင်း၊ ကသာခရိုင်သို့ ဧရာဝတီမြစ်ကြောင်းတစ်လျှောက် ဆန်တက်လာသည့် စစ်ကောင်စီ၏ ရိက္ခာသယ်သင်္ဘော ၂စီး ယနေ့ နံနက်ပိုင်းက ၄ ကြိမ်ထက်မနည်း မိုင်းဆွဲတိုက်ခိုက်ခံရသည့်အတွက် စစ်ကောင်စီဘက်မှ ထိခိုက်သေဆုံးမှု များနိုင်ကြောင်း မြေပြင် သတင်းပေးပို့ချက်အရ သိရသည်။

“စစ်ကောင်စီဘက်က တော်တော်ထိ တယ်လို့ သိရတယ်။ ကျွန်တော်သိရတာတော့ ကျောက်တွင်းအထက်နားမှာ အလောင်းတွေ ရေထဲပစ်ချတယ်လို့ကြားတယ်” ဟု မြေပြင် သတင်းပေးပို့သည့် ဒေသရင်းမြစ်တစ်ဦးက ပြောသည်။

ယနေ့ ဇန်န‌ဝါရီလ ၃ရက်နေ့ နံနက်ပိုင်း စစ်ကောင်စီတပ်ဖွဲ့၏ ရိက္ခာနှင့် လက်နက်များတင်ဆောင်လာသည့်သင်္ဘော ၂ စီးဖြစ်သည့်  ပုံညာ နှင့် ပြဒါးရှင်သင်္ဘောအား ထီးချိုင့် ပြည်သူ့ကာကွယ်ရေးတပ်များမှ သုံးနေရာခွဲ၍ ပစ်ခတ် တိုက်ခိုက်ခဲ့သည့်အပြင် ကသာခရိုင် ညောင်ခြေထောက်ကျေးရွာအနီး ကသာ PDF တပ်ဖွဲ့မှလည်း ပစ်ခတ်တိုက်ခိုက်ခဲ့ကြောင်း သိရသည်။

ယင်းကဲ့သို့ ဒေသခံတပ်ဖွဲ့များ၏ စောင့်ကြိုတိုက်ခိုက်မူကြောင့် စစ်ကောင်စီဘက်မှ ၃၀ ဦးထက်မနည်း ထိခိုက်သေဆုံးနိုင်ကြောင်း TR Revolution ဖော်ပြထားချက်အရ သိရသည်။

ထို့ပြင် တိုက်ခိုက်ခံရသည့် အဆိုပါ သင်္ဘော ၂စီးသည် ယနေ့ည ညနေ ၅နာရီဝန်းကျင် ကသာရေဆိပ်တွင် ကပ်သွားပြီး ဖြစ်ကြောင်း သိရသည်။

” မီးခိုးတစ်လိပ်လိပ်နဲ့ ကသာမှာ ညနေ ၅နာရီဝန်းကျင်လောက်မှာ ကမ်းကပ်သွားပြီ အနီးကပ်တော့ သွားကြည့်လို့အဆင်မပြေလို့ အခြေနေ အသေးစိတ်တော့ ပြောဖို့ခက်တယ်” ဟု ဒေသခံတစ်ဦးက ပြောသည်။

စစ်ကောင်စီတပ်သည် မကြာခန ဆိုသလို ဒေသခံတပ်ဖွဲ့များ၏ ပစ်ခတ်တိုက်ခိုက်မှုခံရပြီး ပြီးခဲ့သည့် နိုဝင်ဘာလ ၁၁ ရက်နေ့မှ ယနေ့ထိ တိုက်ခိုက်ခံရမှု ၃ကြိမ်ထက်မနည်းရှိပြီဖြစ်သည်။

Read Previous

ပင်လည်ဘူးမြို့နယ်မှာ ပြည်သူ့ အုပ်ချုပ်ရေးယန္တရား စတင်အကောင်ထည်ဖော်ဆောင်ရွက်နေ

Read Next

ဖားကန့်လမ်းတွင် တိုက်ပွဲဖြစ်ပြီးနောက် ပြည်သူ ၂ ဦးကို စစ်ကောင်စီတပ် ဖမ်းဆီးခေါ်ဆောင်သွား

Leave a Reply

Your email address will not be published.