,

Breaking News :

နန်းမားကျေးရွာတွင် ဒုရဲအုပ် ၂ ဦးကို PDF နှင့် ဆက်သွယ်သည်ဟုစွပ်စွဲကာ ဖမ်းဆီးတရားစွဲဆို

ကျောက်စိမ်း တူးဖော်မှုကြောင့် အင်းတော်ကြီး – ဖားကန့်လမ်းပိုင်း ပျက်စီးလာမည်ကို ဒေသခံများ စိုးရိမ်

ပူတာအိုတွင် ဝက်နာကြောင့် ဒေသဝက်သားများ ဝယ်မရသည့်အထိ ရှားပါးနေ

ထီးချိုင့်မြို့နယ်တွင် စစ်ကောင်စီတပ် ကျေးရွာများကို မီးရှို့ဖျက်ဆီးနေဆဲ

မှော်စီဆာ စစ်ရှောင်စခန်း လူနေအိမ်အချို့ ကို စစ်ကောင်စီ ဝင်စီး အရပ်သား ၂ ဦး ဖမ်းခံရ

Rev. Dr. Hkalam Samson ကို စစ်တပ်က တရားစွဲဆိုရန်ရှိကြောင်း KBC ထုတ်ပြန်

ဒီပဲယင်းမြို့နယ်တွင် ကျေးရွာ ၁၂ ရွာခန့် မီးရှို့ဖျက်ဆီးခံရပြီး ဒေသခံ ၁ သောင်းကျော်အတွက် အကူအညီလိုအပ်နေ

ဖားကန့် Maden Yang တိုက်ပွဲတွင် စစ်တပ်ဘက်မှ ထိခိုက်မှုနှင့် သေဆုံးမှု ၅၀ ဦး ထက်မနည်းရှိ

ရွှေကူ ဘုမ္မိဇေယျရွှေပေါ်ကျွန်းဘုရားအနီး ရွှေတူးဖော်သည့် စက်လှေများ ထပ်မံရောက်ရှိ

စစ်ကောင်စီ ဝင်ရောက်စီးနင်းထားသည့် မှော်ဘုံတွင် ရွာသားအချို့ပိတ်ဆို့ခံထားရ

ဖားကန့်လမ်းတွင် တိုက်ပွဲဖြစ်ပြီးနောက် ပြည်သူ ၂ ဦးကို စစ်ကောင်စီတပ် ဖမ်းဆီးခေါ်ဆောင်သွား

KIA တပ်ရင်း ၆ ရှေ့တန်းစခန်း အောင်ဘာလေမှာ နေရာယူထားတဲ့ အစိုးရ တပ်မ ၆၆ စစ်သား ၂ ဦး

ဖားကန့်မြို့နယ် ဆိုင်းဖရာကျေးရွာတွင် ယနေ့ နံနက်ပိုင်း ၁၀ နာရီဝန်းကျင်ခန့်က စစ်ကောင်စီတပ်နှင့် ကချင်လွတ်လပ်ရေးတပ်မတော် KIA တို့ကြား ထိတွေ့တိုက်ပွဲဖြစ်ပွားပြီးနောက် ဒေသခံ ၂ ဦးကို စစ်ကောင်စီတပ်က ဖမ်းဆီးသွားသည်ဟု သိရသည်။

“မနက် ၁၀ နာရီလောက်မှာ တိုက်ပွဲဖြစ်ပြီး ငြိမ်သွားတော့ ဘာမှမဖြစ်တော့ဘူးထင်ပြီး မီးသွေးလုပ်တဲ့ဘက်ကို အလုပ်သွားရင်း ဖမ်းခံရတာ” ဟု အမည်မဖော်လိုသူ ဒေသခံ တစ်ဦးက KNG သတင်းဌာနကို ပြောသည်။

ဖမ်းဆီးခေါ်ဆောင်သွားခံရသူ ၂ ဦးမှာ ဆိုင်းဖရာကျေးရွာမှ ၁၉ နှစ်အရွယ် မောင် ဇခုန်ဇော်မုန်ရာ နှင့် ကပ်မှော်ကျေးရွာမှ ၃၀ ကျော်အရွယ် မောင် လဘန်ယောဟန်တို့ ဖြစ်သည်။

ယနေ့ နံနက် တိုက်ပွဲဖြစ်ပွားခဲ့သောနေရာမှာ ဆိုင်းဖရာကျေးရွာမြောက်ဘက် ၁ မိုင်ခန့်အကွာတွင်ဖြစ်ပြီး ဖားကန့်ဘက်မှ ဆင်းလာသောစစ်ကြောင်း ဖြစ်သည်ဟု သိရသည်။

ယခင်ရက်ကတည်းကလည်း အဆိုပါဒေသရှိ ပြည်သူ ၃ ဦးကို စစ်ကောင်စီတပ်က ဖမ်းဆီးထားပြီး ယနေ့ နံနက်တွင် အဆိုပါ ၃ ဦးကိုလွတ်ပေးကာ နောက်ထပ် လူသစ် ၂ ယောက်ကို ထပ်မံ ဖမ်းဆီးသွားခြင်းဖြစ်သည်ဟု သိရသည်။

လက်ရှိတွင် အဆိုပါဖမ်းဆီးခံရသူ ၂ ဦးကို မည်သည့်နေရာတွင် ထားရှိကြောင်းကို မသိရသေးကြောင်း ဒေသခံများပြောသည်။

“သူတို့ ၂ ယောက်ကို ဘယ်ကို ခေါ်သွားလဲ မသိသေးဘူး။ နမ့်ယာ စစ်တပ်ကလား၊ ဘယ်ကို ခေါ်သွားလဲ မသိဘူး။” ဟု ဒေသခံတစ်ဦးက ဆိုသည်။

ဖမ်းဆီးခံရသူ လူငယ် တစ်ဦး၏ မိခင်ဖြစ်သူမှာ သူ၏သားကို အမြန်လွတ်ပေးရန် KNG မှတဆင့် တောင်းဆိုထားသည်။

ဖားကန့်လမ်းတွင် ပြီးခဲ့နှစ် ဇူလိုင်လကလည်း စစ်ကောင်စီတပ်၏ လက်နက်ကြီး ရမ်းသမ်းပစ်ခတ်မှုကြောင့် ဒေသခံ ၆ ဦး ထိခိုက်ဒဏ်ရာ ရရှိခဲ့ပြီး အများအပြား ထွက်ပြေးတိမ်းရှောင်ခဲ့ရခြင်း ဖြစ်သည်။

Read Previous

မန္တလေးမှဆန်တက်လာသည့် စစ်ကောင်စီသင်္ဘော ၂ စီး တိုက်ခိုက်ခံရ စစ်ကောင်စီဘက်မှ ထိခိုက်သေဆုံးမူများနိုင်

Read Next

စစ်ကောင်စီထုတ် ဘီယာများကို ရောင်းဝယ်ခြင်းမပြုရန် KIO မြစ်ကြီးနားခရိုင် သတိပေး