,

Breaking News :

နမ့်တောင်းအနီး စစ်ကောင်စီတပ်နှင့် ကိုးကန့် MNDAA တို့ တိုက်ပွဲဖြစ်ပွားခဲ့

မြစ်ကြီးနားတွင် ဒလန်ဟု ဆိုရသော အမျိုးသားတစ်ဦး ပစ်သတ်ခံရ

ရှဒူးဇွပ် ပြည်သူ့စစ်အဖွဲ့ ထောင်ထားသော မိုင်းနင်းမိသဖြင့် ပြည်သူ ၂ ဦး ဒဏ်ရာရ

သတ်ဖြတ်မှုမကြာခဏ ဖြစ်ပွားနေသော ဖားကန့်ဒေသအကြောင်း လွှတ်တော်ကိုယ်စားလှယ်ဖြင့် မေးမြန်းခြင်း

ဆားလင်းကြီး PDF ရဲဘော် ၂ ဦးဖမ်းဆီးခံရ

ဆိပ်မူအထက်တန်းကျောင်းဝင်းတွင် မိုင်းပေါက်ကွဲမှုဖြစ်ပွား၊ ထိခိုက်ပျက်စီမှုရှိ

တနိုင်းတွင် ချောင်းရေကြီးမှုကြောင့် မြို့ပေါ်ရပ်ကွက် ၃ခုတွင် ရေဝင်ရောက်မှု ကြုံတွေ့နေရ

KIO အုပ်ချုပ်နယ်မြေအချို့တွင် ငှက်ဖျားရောဂါကူးစက်မှု အဖြစ်များနေ

တိုက်ပွဲပြင်းထန်နေဆဲ အင်းတော်- ဗန်းမောက်လမ်း လုံးဝဖြတ်သန်းသွားလာခြင်း မပြုရန် အင်းတော် PDF ထုတ်ပြန်

ကသာမြို့နယ် တစ်ပတ်အတွင်း တိုက်ပွဲများတွင် စစ်ကောင်စီ တပ်သား ၁၀၀ ကျော် သေဆုံး

စစ်ကောင်စီထုတ် ဘီယာများကို ရောင်းဝယ်ခြင်းမပြုရန် KIO မြစ်ကြီးနားခရိုင် သတိပေး

ကချင်လွတ်လပ်ရေးအဖွဲ့ KIO ၏  မြစ်ကြီးနားခရိုင်တွင် စစ်ကောင်စီတပ်၏ ကျောထောက်နောက်ခံ ထုတ်ကုန်ဘီယာများကို ဝယ်ယူဖောက်ကား သယ်ယူပို့ဆောင်ခြင်းမပြုလုပ်ရန် KIO ဘက်က ယနေ့ ထုတ်ပြန်ထားသည်။

အာဏာသိမ်းစစ်တပ်နှင့်အကျိုးတူလုပ်ဆောင်နေသော Myanmar Beer ၊ Dagon Beer နှင့် ABC Beer စသော ထုတ်ကုန်ဘီယာ များကို ၂၀၂၂ ဇန်နဝါရီလ ၁၀ရက်နေ့နောက်ဆုံးထား၍ ရောင်းဝယ်ခွင့်ပိတ်ပင်လိုက်သည်ဟု KIO မြစ်ကြီးနားခရိုင် အုပ်ချုပ်ရေးတာဝန်ရှိသူတစ်ဦးက KNG သတင်းဌာနကို ပြောဆိုခဲ့သည်။

“မှန်ပါတယ်။ ကျနော်တို့အနေနဲ့ဘာလို့ ဒီလိုလုပ်လာရသလဲဆိုတော့ စျေးကွက်တွေမှာ KIO ဘက်ကနေသတ်မှတ်ထားတဲ့ စည်းမျဉ်းတွေလိုက်နာမှု မရှိဘူး။ နောက်တစ်ခုက လက်ရှိအခြေအနေက စစ်ကောင်စီအုပ်ချုပ်မှုကို ကန့်ကွက်တော်လှန်နေကြတယ်။ အခုပိတ်လိုက်တဲ့ ထုတ်ကုန်ဘီယာတွေက စစ်တပ်ကို အားပေး အားမြောက်တာလည်းဖြစ်တယ်။ ဒါကြောင့် ဒီအချက်တွေကို သေချာညှိနှိုင်းပြီး ဆုံးဖြတ်လိုက်ကြတာဟုတ်တယ်” ဟု ပြောသည်။

ထုတ်ပြန်ချက်တွင် မြစ်ကြီးနားခရိုင်အတွင်းရှိ မြို့တွင်းနှင့် ကျေးလက်ဒေသ အသီသီးရှိသော စားသောက်ဆိုင်၊ ကုန်စုံဆိုင်၊ KTV ၊ Bar နှင့် အခြားဆိုင်မျိုးစုံတို့တွင် ရောက်ချမှုများမပြုလုပ်ကြရန်နှင့် မြစ်ကြီးနားမြို့မှ ပူတာအိုနှင့် တနိုင်းသွားလမ်းစသော လမ်းမကြီးတစ်လျှောက်တွင် ပို့ဆောင်ခြင်းများမပြုလုပ်ကြရန် ပါရှိသည်။

သတ်မှတ်ထားသည့် ရက်စွဲနောက်ပိုင်း ရောင်းဝင်ဖောက်ကားမှုများ ဆက်လက်ပြုလုပ်နေသော မည်သည့်ဆိုင်ကိုမဆို တွေ့ရှိပါက ဖမ်းဆီးအရေးယူသွားမည်ဖြစ်ကြောင်းနှင့် သယ်ယူပို့ဆောင်ခြင်းပြုလုပ်သော ကား၊ ဆိုင်ကယ်နှင့် ယာဉ်မျိုးစုံတို့ကို ထိရောက်စွာ အရေးယူပိတ်ပင်မှုများပြုလုပ်သွားမည်ဟု ဆက်လက်ပါရှိသည်။

KIO မြစ်ကြီးနားခရိုင် အုပ်ချုပ်ရေးနယ်မြေတွင် အနောက်ဘက် တနိုင်းလမ်း ဒွမ်ဘုန်းကျေးရွာအထိ၊ မြောက်ဘက် မြစ်ဆုံအထက် ဖုန်အိမ်မြစ်အထိ နှင့် တောင်ဘက် တာပဒေါင်း ဟိုကပ်အထိ ဖြစ်ပြီး မြစ်ကြီးနားမြို့နယ်၊ နောင်းနန့်မြို့နယ်၊ မရမ်း မြို့နယ် နှင့် လဂါဘွမ် မြို့နယ်တို့ ပါဝင်သည်။

Read Previous

ဖားကန့်လမ်းတွင် တိုက်ပွဲဖြစ်ပြီးနောက် ပြည်သူ ၂ ဦးကို စစ်ကောင်စီတပ် ဖမ်းဆီးခေါ်ဆောင်သွား

Read Next

မြစ်ကြီးနားမြိုလယ်တွင် လူငယ်တစ်ဦး ဓါးထိုးခံရပြီး ဆိုင်ကယ်နှင့် ဖုန်း လုယက်ခံရ

Leave a Reply

Your email address will not be published.