,

Breaking News :

နန်းမားကျေးရွာတွင် ဒုရဲအုပ် ၂ ဦးကို PDF နှင့် ဆက်သွယ်သည်ဟုစွပ်စွဲကာ ဖမ်းဆီးတရားစွဲဆို

ကျောက်စိမ်း တူးဖော်မှုကြောင့် အင်းတော်ကြီး – ဖားကန့်လမ်းပိုင်း ပျက်စီးလာမည်ကို ဒေသခံများ စိုးရိမ်

ပူတာအိုတွင် ဝက်နာကြောင့် ဒေသဝက်သားများ ဝယ်မရသည့်အထိ ရှားပါးနေ

ထီးချိုင့်မြို့နယ်တွင် စစ်ကောင်စီတပ် ကျေးရွာများကို မီးရှို့ဖျက်ဆီးနေဆဲ

မှော်စီဆာ စစ်ရှောင်စခန်း လူနေအိမ်အချို့ ကို စစ်ကောင်စီ ဝင်စီး အရပ်သား ၂ ဦး ဖမ်းခံရ

Rev. Dr. Hkalam Samson ကို စစ်တပ်က တရားစွဲဆိုရန်ရှိကြောင်း KBC ထုတ်ပြန်

ဒီပဲယင်းမြို့နယ်တွင် ကျေးရွာ ၁၂ ရွာခန့် မီးရှို့ဖျက်ဆီးခံရပြီး ဒေသခံ ၁ သောင်းကျော်အတွက် အကူအညီလိုအပ်နေ

ဖားကန့် Maden Yang တိုက်ပွဲတွင် စစ်တပ်ဘက်မှ ထိခိုက်မှုနှင့် သေဆုံးမှု ၅၀ ဦး ထက်မနည်းရှိ

ရွှေကူ ဘုမ္မိဇေယျရွှေပေါ်ကျွန်းဘုရားအနီး ရွှေတူးဖော်သည့် စက်လှေများ ထပ်မံရောက်ရှိ

စစ်ကောင်စီ ဝင်ရောက်စီးနင်းထားသည့် မှော်ဘုံတွင် ရွာသားအချို့ပိတ်ဆို့ခံထားရ

စီစီဝမ် တောင်မှာ စစ်ကောင်စီနဲ့ KIA တိုက်ပွဲ ဖြစ်

ရှမ်းပြည်နယ်မြောက်ပိုင်း မူဆယ်ခရိုင် ပန်ဆိုင်း(ကြူကုတ်) မြို့နယ်ခွဲက သမိုင်းဝင်တိုက်ပွဲကြီး ဖြစ်ပွားခဲ့တဲ့ စီစီဝမ်တောင်ဘက်မှာ ဒီကနေ့ ဇန်နဝါရီ ၈ ရက်မနက်အစောပိုင်းက ကချင်လွတ်လပ်ရေးတပ်မတော် KIA နဲ့ စစ်ကောင်စီတို့ကြား တိုက်ပွဲ ထပ်မံဖြစ်ပွားခဲ့တယ်လို့ သိရပါတယ်။

မနက်အစောပိုင်း ၁ နာရီခန့်ကြာနှစ်ဖက် အပြန်အလှန် ပစ်ခတ်သံတွေ ကြားနေရကြောင်း “လက်နက်ကြီး သူတို့ ထမ်းသွားတဲ့ဟာမျိုး အမြှောက်သေးတော့ ပစ်တယ်ထင်တယ်။ အသံကြားတယ်။ ဒီအမြောက်တပ်ကနေ အမြှောက်ကြီးတွေတော့ ပစ်ကူပေးတာတော့ မရှိဘူး။” လို့ ဒေသခံ ၁ ဦးက ပြောပါတယ်။

စီစီဝမ်တောင်ပေါ်ကို တက်လာတဲ့ စစ်ကောင်စီ နဲ့ ကချင်လွတ်လပ်ရေးတပ်မတော် KIA တပ်မဟာ ၆၊ တပ်ရင်း ၃၆ တို့ ဇန်နဝါရီ ၈ ရက်မနက် ၆ နာရီ ခွဲ ဝန်းကျင်ကစ ထိတွေ့တိုက်ပွဲ ပြင်းပြင်းထန်ထန် ဖြစ်ပွားခဲ့တယ်လို့ ရှေ့တန်းသတင်း ရင်းမြစ် ၁ ဦးက ပြောပါတယ်။

နောက်ထပ် ဒေသခံ ၁ ဦးက “တပ်မဟာ ၆၊ တပ်ရင်း ၃၆ ဘက် တိုက်ပွဲ ဖြစ်နေတယ်။ မုံးပေါ်ဈေးရွာ ဆုတောင်းတောင် အနီးတဝိုက်ဘက်လည်း ၁၀ မိနစ်ကျော် ပစ်ခတ်သံတွေ ကြားရတယ်။” လို့ ပြောပါတယ်။

“ဒီနေ့လည်း ကျနော်တို့ ဆင်းလာပြီးနောက် စီစီဝမ်တောင်ပေါ်မှာ တိုက်ပွဲ ဖြစ်တယ်။” လို့ ယာဉ်မောင်း ၁ ဦးက ပြောပါတယ်။

ပြီးခဲ့တဲ့ ဇန်နဝါရီလ ၂ ရက်နေ့ ကြူကုတ် (ပန်ဆိုင်း) မြို့နယ်အတွင်း စစ်ကောင်စီ တပ်မ ၉၉ နဲ့ ကချင်လွတ်လပ်ရေး တပ်မတော် KIA တပ်မဟာ ၆၊ တပ်ရင်း ၃၆ တို့ အကြား မုံးလီ မန်ကန်တောင်၊ ဖွန်းပြန်ယန် တို့မှာ ထိတွေ့တိုက်ပွဲ ဖြစ်ပွားခဲ့ပြီး KIA ဘက်က ၁ ဦး ကျဆုံး၊ ၃ ဦး ဒဏ်ရာရကာ စစ်ကောင်စီဘက်ကလည်း ထိခိုက်ဒဏ်ရာရမှု ရှိတဲ့အပြင် စစ်ကောင်စီရဲ့ လက်နက်ပစ္စည်း အသုံးအဆောင်အချို့ သိမ်းဆည်းရရှိခဲ့ကြောင်း KIA ရှေ့တန်း သတင်းရင်းမြစ်တွေ ဆီက သိရပါတယ်။

မုံးပေါ်ဒေသမှာ စစ်ကောင်စီတပ်ဖွဲ့၊ မုံးပေါ်ပြည်သူ့စစ်တပ်ဖွဲ့၊ KIA, MNDAA, SSPP/SSA နဲ့ မြောက်ပိုင်း မဟာမိတ် ညီနောင်များ လှုပ်ရှား သွားလာရာ နေရာဖြစ်ပြီး ကြူကုတ် (ပန်ဆိုင်း) မြို့နယ်အတွင်း ပြီးခဲ့တဲ့ ၂၀၂၁ ဩဂုတ် ၄ ရက်နေ့ကစ စစ်ကောင်စီနဲ့ ကိုးကန့် (MNDAA) တို့ ကျော့ပြန်စစ် စတင် ဖြစ်ပွားလာခဲ့ပြီး စစ်ကောင်စီနဲ့ KIA တို့က ယခုနှစ် ၂၀၂၂ နှစ်ဆန်း ၂ ရက်နေ့ကစ တိုက်ပွဲ ပြန်လည် ဖြစ်ပွားနေတာဖြစ်ပါတယ်။

Bum Shep

Read Previous

ဂိတ်စခန်းဖွင့်ကာ ငွေကြေးကောက်ခံနေသော ဝူယန်ပြည်သူ့စစ်ဂိတ်ကို PDF မှ သွားရောက်ပစ်ခတ်

Read Next

ခေါင်လန်ဖူးဒေသသို့ နယ်လှည့်ဆေးကုမည့် အစီအစဥ်အတွက်ပရဟိတ ဆရာဝန်နှစ်ဦးအရေးပေါ် လိုအပ်နေ