,

Breaking News :

အောင်ဟိန်းမင်း ဦးဆောင်သည့် PDF အဖွဲ့မှ ပိုက်ဆံလုယက်သည် ဆိုပြီး သတင်းအမှားဖြန့်

KIO နယ်မြေမှာဖွင့်လှစ်တဲ့ Kachin State Comprehensive University (KSCU)

မိုးညှင်း နှင့် မော်ဟန်ကြားတွင် စစ်ကောင်စီတပ်မှ ခရီးသွားယာဉ်များကို စစ်ဆေးနေ

ဗန်းမော်တွင် မီတာကြေးမဆောင်သည့် နေအိမ်များမှ မီတာဘောက်များ စစ်ကောင်စီအဖွဲ့ လိုက်လံဖြုတ်သိမ်းနေ

စစ်ကောင်စီတပ်၏ စက်လှေ ၄စီးပစ်ခံရပြီး မိုးစစ်ရွာမှ ကလေးငယ် ၅ဦးခန့် ထိခိုက် သေဆုံးမှုရှိ

ထီးချိုင့်နယ် ငွေကြေးကောက်ခံနေသည့် စစ်တပ်ဂိတ်တစ်ခု မိုင်းဆွဲတိုက်ခိုက်ခံရပြီး တပ်သား ၃ဦးခန့်သေဆုံးဟုဆို

မင်းကင်းနယ်ရှိ စစ်တပ်ဂိတ်စခန်းတစ်ခုတိုက်ခိုက်ခံရပြီး သေဆုံးမှုရှိ၊ လက်နက်ခဲယမ်းတစ်ချို့သိမ်းဆည်းရရှိ

နန့်ယား ပြည်သူ့စစ်ခေါင်းဆောင် သတ်ခံရပြီးနောက် နန့်ယားကျေးရွာတွင် စစ်ဆေးရေးပိုမိုတင်းကြပ်ထား

မြစ်ကြီးနားတွင် စစ်ကောင်စီအဖွဲ့ ကင်းပုန်းချ ဖမ်းဆီးမှုလုပ်ဆောင်နေ၊ တစ်ရက်အတွင်း လူငယ် ၂ဦး ဖမ်းဆီးခံရ

ငွေသာကျေးရွာ မီးရှို့ခဲ့သည့် စစ်ကောင်စီတပ်ကို ဒေသကာကွယ်ရေးတပ်များ တိုက်ခိုက်

KIO နယ်မြေ အသက် ၁၂ နှစ်ပြည့်သူများကို ကိုဗစ်​-၁၉ ကာကွယ်ဆေးထိုးပေး

photo-The Kachinnet

ကချင်လွတ်လပ်ရေးအဖွဲ့ KIO နယ်မြေရှိ အသက် ၁၂ အရွယ်ကလေးများကို ယခုလမှစတင်ကာ SINOPHARM  ကိုဗစ်-၁၉ ကာကွယ်ဆေး စတင်ထိုးနှံပေးနေပြီဟု လိုင်ဇာမြို့ KIO ကိုဗစ်ကာကွယ်ထိန်းချုပ်ရေးကော်မတီ မှ သိရသည်။

လိုင်ဇာမြို့နေ ပြည်သူများအား ကိုဗစ်ရောဂါ ရှိမရှိ ၁၀ ကြိမ်ထက်မနည်း စစ်ဆေးပြီးနောက် အသက် ၁၂ နှစ်ပြည့်ပြီး ကျန်းမာရေးကောင်းမွန်သူများကိုသာ ကိုဗစ်ကာကွယ်ဆေးထိုးပေးတာဖြစ်ကြောင်း KIO ကိုဗစ်ကာကွယ်ရေး ဗဟိုအတွင်းရေးမှူး ဗိုလ်မှူးကြီး ဟိန်းဝမ်က KNG ကို ပြောသည်။

“ အသက် ၁၂ နှစ် ဝင်ပြီဖြစ်တဲ့သူတွေကို ထိုးပေးတယ် ဒီတလော။ အားလုံး ဆေးထိုးထားနိုင်ရင်က ကိုဗစ် ရောဂါဖြစ်ခဲ့ရင်တောင် မစိုးရိမ်ရအောင် မဖြစ်အောင်လဲ ကာကွယ်နိုင်တယ်။ ကျနော်တို့ အရင်က ထိုးတဲ့ဆေး SINOVAC နဲ့ ကုမ္ပဏီတော့တူတူပဲထင်တယ် နုာမည်ပဲမတူတာ။ အခုဆေးထိုးပြီး ၂၁ ရက် ၁ လ လောက်ထိုးပြီးမှ ပြန်ထိုးတော့ antibody ပိုကောင်းမယ်ထင်တယ်။ ပြည်သူအားလုံးကို ထိုးနိုင်အောင် လုပ်ဆောင်နေပါတယ်။ ”  ဟုဆိုသည်။

ကိုဗစ်ကာကွယ်ဆေးကို လတ်တလော အဆုတ်တီဗီဆေးသောက်နေသူ ၊ နာတာရှည်ရောဂါရှိသူ ၊ နှလုံး ၊ သွေးတိုးရှိသူ နှင့် ဆီးချိုရှိသူများမှအပ ကျန်းမာရေးကောင်းမွန်သူများကို ကာကွယ်ဆေးထိုးပေးခြင်းဖြစ်သည်။

လက်ရှိ အသုံးပြုနေသည့် တရုတ်နိုင်ငံထုတ် SINOPHARM ကိုဗစ်ကာကွယ်ဆေးကို KIO နယ်မြေရှိ အသက် ၁၂ နှစ်အရွယ်များကို ထိုးနှံပေးနေသည်မှာ လူဦးရေ အယောက် ၁ ထောင်ကျော် နီးပါးရှိနေပြီဟု သိရသည်။

ဒုတိယကြိမ် ကိုဗစ်ကာကွယ်ဆေးကို ၂၁ ရက်ကြာပြီးနောက်မှ  ထိုးပေးမည်ဖြစ်ပြီး ကိုဗစ်-၁၉ ကာကွယ်ဆေး ထိုးပြီးကြောင်း ဖိုင်ဗာကဒ်များကို ကိုဗစ်ကော်မတီရုံးတွင် ပြုလုပ်ယူရမည်ဖြစ်ပြီး ပြည်သူများအနေဖြင့် ခရီးသွားလာသည့်အချိန်တိုင်း တပါတည်းယူဆောင်သွားရမည် ဖြစ်သည်။

ပြီးခဲ့သည့် ၂၀၂၁ ခုနှစ်ထိ KIO နယ်မြေရှိ သတ်မှတ်ထားသည့် မိုင်ဆပ်ပါ ၊ မြစ်ကြီးနားဟိုတယ်  ၊ လိုင်ဇာဟိုတယ် နဲ့ ဒွမ်ဘုံ Quarantine Center များတွင် Q ခံယူနေသူစုစုပေါင်း ၃၀၀ ဝန်းကျင်ရှိခဲ့သော်လည်း ယခုတွင် ကိုဗစ်ပိုးကူစက်ခံရသူ လျော့နည်းလာပြီး အရှေ့ပိုင်းတိုင်းစစ်ဌာနချုပ် ဘက်တွင် ပိုးတွေ့လူနာထပ်တိုးခြင်း မရှိတော့ကြောင်း သိရသည်။

Read Previous

မြေရှားသတ္တု တူးဖော်ရန် ချီဖွေတွင် သွားရောက်စောင့်ဆိုင်းနေသူ များပြား

Read Next

KIA ဆက်သွယ်မှုဖြင့် ဖမ်းဆီးခံရသော ကချင်လူငယ် ၂၉ ဦးအနက် အသက်မပြည့်သူများကိုလွတ်ပေးပြီး အသက်ပြည့်သူများကို ထောင်ဒဏ် ၂ နှစ်စီချမှတ်

Leave a Reply

Your email address will not be published.