,

Breaking News :

မိုးတား‌လေးအနီး စစ်သင်္ဘောတိုက်ခိုက်ခံရမှုတွင် စစ်ကောင်စီတပ် မှ ဒေသခံများကို ဖမ်းဆီးစစ်ဆေးနေ

ဗန်းမော်တွင် ရဲသား ၂ ဦးပစ်ခံရပြီးနောက် ပြည်သူ ၆ ဦးဖမ်းဆီးခံရ

မူဆယ်မြို့တွင် ၁ ရက်အတွင်း ပိုင်ရှင်မဲ့အလောင်း ၂ လောင်းတွေ့ရှိ

စစ်ကောင်စီ ဖမ်းဆီးသွားသည့် ဆားလင်းကြီး PDF ရဲဘော် ၂ဦး သတ်ဖြတ်ခံရ

ဖားကန့် ပြည်သူ့လွှတ်တော်ကိုယ်စားလှယ် ဦးအောင်ဟိန်းမင်း၏ နေအိမ် ချိတ်ပိတ်ခံရ

ကသာမြို့နယ် တွင် PDF ပူးပေါင်းတပ်ဖွဲ့များ ကျပ်သိန်း ၃၀၀၀ ကျော်တန်ဖိုးရှိ မူးယစ်ဆေးဝါးများကို မီးရှို့ဖျက်ဆီး

ရဝမ် လူငယ်အသင်း ဥက္ကဋ္ဌ ဦးဖုန်ရော့ဖီနန်ကို စစ်ကောင်စီ မှ ထောင်ဒဏ် ၁၀ နှစ် ချမှတ်

ပူတာအိုတွင် အရေပြားရောဂါတစ်မျိုးကြောင့် နွား ကူးစက်သေဆုံးမှု များလာ

အဝေးပြေး ယာဥ်စီးခနှုန်းထား ကျပ် ၇၀၀၀ ထပ်မံ တိုးမြင့်ကောက်ခံမည်

ရှမ်းမြောက်တွင် ကြက်သွန်ဖြူကုန်တင်ကား တိမ်းမှောက်ပြီး ၁ ဦးသေဆုံး၊ ၁ ဦး ဒဏ်ရာရ

မြို့လှ တိုက်ပွဲတွင် စစ်ကောင်စီဘက်မှ ၁၀ ဦးထက်မနည်း သေဆုံး

မြို့လှ PDF

စစ်ကိုင်းတိုင်း ကသာမြို့နယ် မြို့လှ PDF တပ်နှင့် စစ်ကောင်စီတပ်တို့ ယနေ့ နံနက် ၈ နာရီဝန်းကျင်တွင် တိုက်ပွဲတွင် စစ်ကောင်စီဘက်မှ သေဆုံးမှုများခဲ့ကြောင်း ‌ဒေသရင်းမြစ်တစ်ဦးထံမှ သိရသည်။

အင်အား ၆၀ ခန့်ရှိသည့် စစ်‌ကောင်စီတပ်တို့ ရွှေငြိမ်းချမ်းရွာမှတဆင့် ကျောက်ကြီးရွာဖက်သို့ဦးတည်ကာ ခြေလျှင်စစ်ကြောင်းထိုးခဲ့စဉ် လွင်ယားဒေသအနီး၌ မြို့လှ PDF တပ်မှ ဗိုလ်မိုလ်းကြိုး ဦးဆောင်သည့်တပ်ဖွဲ့မှ မိုင်း ၁၆ လုံးဖြင့် မိုင်းဆွဲတိုက်ခိုက်ခဲ့ကာ အပြန်အလှန်တိုက်ပွဲဖြစ်ခဲ့ကြောင်း ဒေသရင်းမြစ်တာဝန်ရှိသူတစ်ဦးက ယခုလို ပြောသည်။

” တိုက်ပွဲဖြစ်တာက တစ်နာရီလောက်ရှိမယ် ကျနော်တို့ဘက်ကတော့ အထိအခိုက်မရှိဘဲ ပြန်ဆုတ်လာနိုင်ခဲ့ပြီ” လို့ ဒေသသတင်းရင်းမှ တာဝန်ရှိသူတစ်ဦးက ပြောသည်။

ယင်းကဲ့သို့ မိုင် ၁၆လုံးဖြင့် မိုင်းဆွဲတိုက်ခိုက်နိုင်ခဲ့သည့်အတွက် စစ်ကောင်စီတပ်မှ ၁၀ဦးထက်မနည်း သေဆုံးကာ အများအပြားဒဏ်ရာရရှိသွားကြောင်း ၎င်းကဆက်ပြောသည်။

ကသာမြို့နယ်အတွင်းရှိ ယခုရက်ပိုင်း နှစ်ဖက်တိုက်ပွဲများပြင်းထန်လာသည်နှင့်အမျှ ဇန်နဝါရီ ၁၇ ရက်နေ့တွင်လည်း ကသာနယ်၊ မတ်ကြီးကုန်းရွာအနီးတွင် မြို့လှ PDF + KIA ပူးပေါင်းတပ်ဖွဲ့များနှင့် စစ်ကောင်စီတပ်တို့ ထိတွေ့တိုက်ပွဲ ဖြစ်ပွားခဲ့ပြီး စစ်‌ကောင်စီဘက်မှ ၁၅ ဦးထက်မနည်း သေဆုံးကြောင်း မြို့လှ PDF မှ ၎င်းတို့၏ လူမူကွန်ယက်စာမျက်နှာတွင် ဖော်ပြထားချက်အရ သိရသည်။

ထို့ပြင် ဇန်နဝါရီလ ၁ရက်နေ့မှ ၁၉ရက်နေ့ထိ ကသာနယ်အတွင်း မြို့လှ PDF တပ်နှင့် စစ်ကောင်စီတပ်တို့ တိုက်ပွဲ ၉ကြိမ်ထက်မနည်း ဖြစ်ပွားခဲ့ပြီး စစ်ကောင်စီဘက်မှ ကသာနယ်အတွင်း အာဏာသိမ်းပြီးနောက် လေကြောင်းဖြင့်တိုက်ခိုက်မူ ၄ကြိမ်ထိ ရှိလာပြီဖြစ်သည်။

Read Previous

ပမ္မတီးစစ်ရှောင်များ နေရာအသစ်တွင် ထပ်မံပြောင်းရွှေ့ရန် ခက်ခဲနေ

Read Next

ကသာနယ် အင်းရွာမှ ဒေသခံများ ရွာလုံးကျွတ်ထွက်ပြေးနေရ

Leave a Reply

Your email address will not be published.