,

Breaking News :

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ရွှေဘိုတွင် တစ်ရက်အတွင်း ကျေးရွာ ၃ ရွာမှ လူနေအိမ် ၁၇၀ ခန့် မီးရှို့ခံရ

ကန့်ဘလူမြို့နယ်တွင် စစ်ဘေးရှောင်ရင်း မြွေကိုက်ခံရသူ ၃၉ ဦးရှိလာ

ဖားကန့်တွင် စစ်ဆေးရေးတင်းကြပ်နေသည့် စစ်ကေင်စီအဖွဲ့ ဒရုန်းဖြင့် ဗုံးကျဲတိုက်ခိုက်ခံရ

ကွတ်ခိုင်မြို့ ဗျူဟာကုန်း ၊ နမ့်ခိုင်တံတားနှင့် နမ့်ခမ်းအနီးရှိ စစ်ကောင်စီတပ်၏ စခန်းများကို KIA မှ တပြိုင်ထဲ ဝင်ရောက်တိုက်ခိုက်

ရှမ်းပြည်နယ်မြောက်ပိုင်း ကွတ်ခိုင်မြို့နယ် နမ့်ခိုင်တံတားနှင့် နမ့်ခမ်းတို့တွင်ရှိသည့် စစ်ကောင်စီစခန်းများကို ကချင်လွတ်လပ်ရေးတပ်မတော် KIA မှ တပြိုင်ထဲ ဝင်ရောက်တိုက်ခိုက်ခဲ့ကြောင်း ရှေ့တန်းသတင်းနှင့် ဒေသခံများထံမှ သိရသည်။
ယနေ့ ဖေဖော်ဝါရီ ၁ နံနက်ပိုင်း ၈ နာရီဝန်းကျင်တွင် ကွတ်ခိုင်မြို့ စစ်ကောင်စီတပ်၏ ဗျူဟာကုန်း၊ နမ့်ခမ်းစစ်ကောင်စီတပ်နှင့် နမ့်ခိုင်တံတားစောင့်တပ် တို့ကိုလည်း တပြိုင်ထဲ သွားရောက်တိုက်ခိုက်ခဲ့ခြင်းဖြစ်ကြောင်း ရှေ့တန်း သတင်း ရင်းမြစ် တစ်ဦးက ပြောသည်။
“ကွတ်ခိုင် ခလရ ၂၄၁ တပ်ဖွဲ့တွေ တန်းစီနေတာကို လက်နက်ကြီးနဲ့ ကျွေးလိုက်တယ်” ဟု ရှေ့တန်းသတင်းရင်းမြစ်တစ်ဦးက ပြောသည်။
ဒေသခံများ၏ ပြောပြချက်အရ KIA ပစ်ခတ် တိုက်ခိုက်မှုကြောင့် ကွတ်ခိုင်ဗျူဟာကုန်းတွင် ၆၀ မမ ဗုံးသီး ၄ လုံးကျရောက်ပေါက်ကွဲခဲ့‌ကြောင်း ၎င်းက ဆက်ပြောသည်။
ထို့အပြင် ဗျူဟာကုန်းအား သွားရောက်ပစ်ခတ်ချိန် စစ်ကောင်စီတပ်မှလည်း လက်နက်ကြီး ရမ်းသမ်းပစ်ခတ်လိုက်သည့်အတွက် ‌ကွတ်ခိုင်‌ဒေသခံ ဦးအောင်မြတ်၏ ဝက်ခြံ၊ အမှတ် ၅ ကျောင်းဝင်း ထဲ လက်နက်ကြီးကျ ရောက်ပေါက်ကွဲခဲ့ပြီး ခြံစောင့်၏ ခြေထောက် လက်နက်ကြီး ထိမှန် ဒဏ်ရာရရှိကြောင်း ၎င်းကဆက်ပြောသည်။
“နှစ်ဖက် ထိခိုက်မူအခြေနေတော့ အသေးစိတ်မသိရသေးဘူး လက်နက်ကြီးကျတာက တိုးဂိတ်အနီး၊ ပြည်ထောင်စု လမ်းမကြီးဘေးရှိ တိုင်းရင်းဆေးဋ္ဌာနအဆောက်အဦးနား လက်နက်ကြီး ကျရောက်ပေါက်ကွဲပြီး လက်နက်ကြီးတွေထိမှန် ပါတယ် လူ တော့ အချိန်မီ ကတုတ်ကျင်းထဲ ဆင်းကြလို့ မထိဘူး” လို့ ဒေသခံတစ်ဦးကပြောသည်။
အလားတူ နမ့်ခိုင်တံတားစောင့်စခန်းနှင့် နမ့်ခမ်းမြို့ စစ်ကောင်စီတပ်စခန်းကိုလည်း KIA တို့ အလစ်ဝင်ရောက် တိုက်ခိုက်ခဲ့ကာ နှစ်ဖက် အပြန်အလှန်ပစ်ခတ်မှုပြင်းထန်ခဲ့ကြောင်း ဒေသခံများကပြောသည်။
စစ်ကောင်စီတပ်မှ မတရားအာဏာ သိမ်းယူခဲ့သည့် တစ်နှစ်ပြည့်နေ့တွင် ရှမ်းပြည်နယ် မြောက်ပိုင်း နှင့် ကချင်ပြည်နယ် နေရာ အချို့တွေမှာ KIA နှင့် PDF တို့ ပူးပေါင်းကာ အာဏာသိမ်းမှုကို ဆန့်ကျင်သည့် တိုက်ပွဲနေရာ အနှံ့အပြား ပြုလုပ်လျက်ရှိနေသည်။

Read Previous

ဆွမ်ပီယန်စစ်ကောင်စီတပ်စခန်းကို KIA တိုက်ခိုက်သိမ်းပိုက်

Read Next

ဖောင်းဆိုင်ဒေသတွင် MNDAA တပ်သားသစ် စုဆောင်းနေသည့်အတွက် ဒေသခံတချို့ တိမ်းရှောင်နေရ