,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ပူတာအိုဒေသတွင် စစ်ရေးပြင်းထန်လာနိုင်ကြောင်း ဒေသခံများပြော

PutaO PDF

ကချင်ပြည်နယ်မြောက်ပိုင်း ပူတာအိုခရိုင်တွင် ကချင်လွတ်လပ်ရေးတပ်မတော် KIA နှင့် PDF ပူးပေါင်းတပ်တို့ စစ်ရေးလှုပ်ရှားမှုများ ယခင်ထက် များလာသောကြောင့် စစ်ကောင်စီတပ်ဖွဲ့နှင့် အချိန်မရွေးတိုက်ပွဲများ ဆက်တိုက်ဖြစ်ပွား လာနိုင်သည်ဟု ဒေသခံများ သုံးသပ်ပြောဆိုနေကြသည်။

လက်ရှိနိုင်ငံရေး အခြေအနေနှင့်ပတ်သက်ပြီး KIO ၏ ဇန်နဝါရီလ ၂၆ ရက်နေ့ ထုတ်ပြန်ချက်အပြီးတပတ်အကြာ ဖေဖော်ဝါရီလ ၁ ရက်နေ့မှစတင်ပြီး ပူတာအိုမြို့နယ်ရှိ စစ်ကောင်စီတပ်စခန်းများကို KIA နှင့် PDF တို့မှ စတင်တိုက်ခိုက်လာခြင်း ဖြစ်သည်။

“ဒီဘက်မှာ KIA နှင့် PDF အဖွဲ့တို့ စစ်အင်အားအပြည့်နဲ့ စစ်ရေးလှုပ်ရှားလာတာ ၃ ရက် လောက်ရှိပြီ။ အဲ့ဒါကို ကြည့်မယ်ဆိုရင်တော့ ဒီပူတာအိုဘက်ကို တိုက်ပွဲဆက်တိုက်ဖြစ်လာနိုင်တယ်။ အခုဆိုရင်လည်း မနေ့ကဘဲ စစ်ကောင်စီရဲ့ တပ်စခန်း ၂ခုကို KIA က ဝင်တိုက်ပြီး မီးရှို့ ဖျက်ဆီးတာ လုပ်သွားတယ်” ဟု ပြောဆိုသည်။

ဖေဖော်ဝါရီလ ၁ ရက်နေ့တွင် ပူတာအိုမြို့နယ်အတွင်းရှိ ဆွမ်ပီယန်နှင့် လုံရှာယန်ကျေးရွာ ၂ခုတွင် တပ်ချထားသည့် စစ်ကောင်စီ၏ တပ်စခန်း ၂ ခုကို ကချင်လွတ်လပ်ရေးတပ်မတော် KIA နှင့် PDF တို့က တိုက်ခိုက်ဖျက်ဆီးခဲ့သည်။

အဆိုပါ စစ်ကောင်စီတပ်စခန်း ၂ခုတွင် ပြည်သူ့စစ်အပါအဝင် စစ်အင်အား ၃၀ ဝန်းကျင်ခန့်ရှိသည့် တပ်စခန်းများဖြစ်ကြောင်း ဒေသခံများ၏ပြောဆိုချက်မှ သိရသည်။

ထို့အပြင် နောင်မွန်မြို့နယ်ထွေအုပ် နမ်ရဲမင်နှင့် ချန်တန်ခင်တို့နှစ်ဦးကိုလည်း ပြည်သူလူထု စိတ်အနှောက်အယှက်ဖြစ်စေသည့် ကိစ္စများ၊ CDM  ဝန်ထမ်းများအားဖမ်းဆီးလုပ်ဆောင်ခြင်းကို လုံးဝ ရပ်နားဖို့ ၃ ရက် သတိပေးစောင့်မည်ဟု PUTAO PDF အဖွဲ့က ဖေဖော်ဝါရီလ ၂ ရက်နေ့က ထုတ်ပြန်ထားသည်။

ထို့အပြင် စစ်ကောင်စီနှင့် ပြည်သူ့စစ် ပူးပေါင်းနေထိုင်သော မဂွေဇဂိတ်သတိထားရန်နှင့် ပြည်သူ့စစ်များ အမြန်လက်နက်ချရန် PUTAU PDF က သတိပေးထားသည်။

ဆွမ်ပရာဘွမ်မြို့နယ်နှင့် ပူတာမြို့နယ် ၂ ခုကြားတွင် KIA နှင့် ပြည်သူ့ကာကွယ်ရေးတပ် PDF အဖွဲ့က စစ်အင်အား တင်ကြပ်ထားသည့်အတွက် ၂ ဖက်တပ် တိုက်ပွဲများ ဖြစ်ပွားလာလျင် စစ်ကောင်စီဘက်က လေကြောင်းလိုင်းဖြင့် လာရောက် ဗုံကြဲတိုက်ခိုက်မှုများ ဆက်တိုက်ပြုလုပ်လာနိုင်သည်ဟု ပူတာအိုဒေသခံတစ်ဦးက ဆက်ပြောသည်။

“အခုက ဆွမ့်ပရာဘွမ့်နဲ့ပူတာအိုကြားမှာ KIAနဲ့ PDF အဖွဲ့က စစ်အင်အားအရမ်းတင်းကြပ်ထားတယ်။ ပြောရရင် စစ်အင်အား တော်တော်ပြည့်တယ်လို့ ပြောလို့ရတယ်။ တစ်ချို့နေရာမှာဆိုရင် PDF အုပ်စိုး နယ်မြေအဖြစ် ရှိနေကြပြီ။ အဲ့ကြောင့် မကြာခင် စစ်ကောင်စီတပ်ဘက်ကလည်း ပြန်ပြီး တုန့်ပြန်လာနိုင်တယ်။ ဒါပေမယ့်သူတို့က ကုန်းလမ်းနဲ့တော့ လာမှာမဟုတ်တော့ဘူး။ လေကြောင်းနဲ့ဘဲ အကြီးအကျယ်လာတိုက်လိမ့်မယ်။ မနေ့က KIA သူတို့စခန်း ၂ခု သိမ်းတာကို လာမတိုက်ဘူးဆိုတာက သူတို့ရဲ့စခန်းအငယ်တွေသာဖြစ်တဲ့အတွက် လာမတိုက်ဘူးလို့ ပြောလို့ရမယ်။ ပြီးရင် ရာသီဥတုကလည်း သိပ် မကောင်းတာလည်း ပါလိမ့်မယ်။ ဒေသခံတစ်ချို့ဆို လေကြောင်းလိုင်းနဲ့ လာတိုက်မှာကို ကြောက်လန့်နေကြတယ်” ဟု ပြောဆိုသည်။

ပူတာအိုမြို့နယ်တွင် ယခုလို နှစ်ဖက်တိုက်ပွဲပြင်းထန်လာမည့်အခြေအနေကြောင့် ကျေးရွာပြည်များက တိုက်ပွဲပြင်းထန်လာမည်ကိုစိုးရိမ်သဖြင့် စားနပ်ရိက္ခာစုဆောင်းမှုများ ပြုလုပ်နေကြောင်းလည်း ဆက်လက်သိရသည်။

Read Previous

နေရပ်ပြန်ရေး လုပ်ဆောင်နေသော ဂါးရာယန်ဒေသတစ်ဦးဖြင့် မေးမြန်းခြင်း

Read Next

ကလေးမြို့ တိုက်ပွဲတွင် ကလေးပြည်သူ့ကာကွယ်ရေးတပ်ရင်း ၂ မှ တပ်ဖွဲ့ဝင် နှစ်ဦးကျဆုံး