,

Breaking News :

ပူတာအိုတွင် အရေပြားရောဂါတစ်မျိုးကြောင့် နွား ကူးစက်သေဆုံးမှု များလာ

အဝေးပြေး ယာဥ်စီးခနှုန်းထား ကျပ် ၇၀၀၀ ထပ်မံ တိုးမြင့်ကောက်ခံမည်

ရှမ်းမြောက်တွင် ကြက်သွန်ဖြူကုန်တင်ကား တိမ်းမှောက်ပြီး ၁ ဦးသေဆုံး၊ ၁ ဦး ဒဏ်ရာရ

ဗန်းမောက်နယ် ကျောက်အိုင်ကျေးရွာမှ ဒေသခံ ပြည်သူ ၃၀ ကျော် ဖမ်းဆီးခံထားရ

အင်းတော် လူနေအိမ်အလုံး ၁၀၀ ကျော်ကို စစ်ကောင်စီတပ် မွှေနှောက်ဖျက်ဆီးခဲ့

ဖားကန့်မြို့တွင်း နေရာအချို့တွင် ယခုရက်ပိုင်း Mytel အင်တာနက်လိုင်း ပြန်ရနေ

နမ့်တောင်းအနီး စစ်ကောင်စီတပ်နှင့် ကိုးကန့် MNDAA တို့ တိုက်ပွဲဖြစ်ပွားခဲ့

မြစ်ကြီးနားတွင် ဒလန်ဟု ဆိုရသော အမျိုးသားတစ်ဦး ပစ်သတ်ခံရ

ရှဒူးဇွပ် ပြည်သူ့စစ်အဖွဲ့ ထောင်ထားသော မိုင်းနင်းမိသဖြင့် ပြည်သူ ၂ ဦး ဒဏ်ရာရ

သတ်ဖြတ်မှုမကြာခဏ ဖြစ်ပွားနေသော ဖားကန့်ဒေသအကြောင်း လွှတ်တော်ကိုယ်စားလှယ်ဖြင့် မေးမြန်းခြင်း

ပူတာအိုတွင် တိုက်ပွဲ ပြင်းထန်လာနိုင်သောကြောင့် မြစ်ကြီးနား-ပူတာအို လမ်းပိတ်ထားမည်ဟုဆို

PutaO PDF

မြစ်ကြီးနား-ပူတာအို လမ်းမကြီးတွင် တိုက်ပွဲပြင်းထန်လာနိုင်သောကြောင့် ယနေ့မှစတင်ကာ လကုန်သည်အထိ မည်သည့်ယာဉ်များ သွားလာခွင့်မရှိအောင် လမ်းပိတ်ထားမည်ဖြစ်ကြောင်း KIA နှင့် နီးစပ်သူများထံမှ သိရသည်။

ပူတာအိုဒေသတွင် ယခုပတ်အတွင်း စစ်ကောင်စီဘက်မှ စစ်အင်အားတိုးချဲ့လာသဖြင့် တိုက်ပွဲပြင်းထန် လာနိုင်သောကြောင့် ကချင်လွတ်လပ်ရေးတပ်မတော် KIA နှင့် PDF တို့မှ ယာယီ လမ်းပိတ်ထားရကြောင်း ပူတာအိုဒေသခံတစ်ဦးက KNG သတင်းဌာနကို ပြောဆိုသည်။

“လမ်းကတော့ ဒီနေ့ စပိတ်တယ်လို့ သိရတယ်။ ပူတာအိုဘက်မှာ တိုက်ပွဲပိုပြင်းထန်လာနိုင်လို့ KIA နဲ့ PDF က ခဏပိတ်ထားမယ် လို့ပြောတာဘဲ။ ပြီးရင် အခုက စစ်ကောင်စီဘက်က စစ်ရေးလှုပ်ရှားတာတွေ။ နောက် စစ်အင်အားဖြည့်တင်းလာတာတွေကို လုပ်လာလို့ လကုန်ပိုင်းအထိ ပိတ်ထားမယ်လို့ကြားတယ်” ဟု ပြောဆိုသည်။

ယနေ့ နံနက်ပိုင်း ၆ နာရီဝန်းကျင်တွင်လည်း ပူတာအိုမြို့နယ် တန်ဂျာကျေးရွာနှင့် လုန်ရှာယန်ကျေးရွာ ၂ခုကြားတွင် ရောက်လာသော စစ်ကောင်စီတပ်ဖွဲ့နှင့် KIA ၊ PDF တပ်တို့ တိုက်ပွဲ ဖြစ်ပွားခဲ့သည်။

“တိုက်ပွဲဖြစ်တာက ဒီမနက် မိုးစလင်းတဲ့ခါစဘဲ ရှိသေးတယ်။ အင်ယိုဇွပ်ခ နားမှာဖြစ်ကြတယ်။ တိုက်ပွဲဖြစ်တဲ့အချိန်က သိပ်မကြာဘူး။ မိနစ် ၂၀ လောက်ဘဲကြာတယ်။ ပြန်ငြိမ်သွားကြတယ်။ စစ်သားတွေရဲ့ စစ်လမ်းကြောင်းက ရှိန်ဂတ်ဘွမ့် ဘက်ကိုတက်လာတာ ဟုတ်တယ်။ အဲ့ကြောင့် တိုက်ပွဲက ပြန်ဖြစ်လာလိမ့်မယ်” ဟု တန်ဂျာဒေသခံ တစ်ဦးက KNG သတင်းဌာနကို ပြောဆိုသည်။

ယနေ့ တိုက်ပွဲ ဖြစ်ပွားခဲ့သော စစ်ကောင်စီတပ်ဖွဲ့မှာ ယမန်နေ့က ပူတာအိုမြို့မှ စစ်အင်အား ၁၅၀ ဝန်းကျင်ခန့်ဖြင့် အင်စီယန် ရှိန်ဂတ်ဘွမ့်ဘက်သို့ စစ်ကူအဖြစ်တက်လာသည့်အဖွဲ့ဖြစ်ပြီး ယမန်နေ့ည တန်ဂျာကျေးရွာအနီး အင်ယိုဇွပ်ခအနီးတွင် တစ်ညတောခိုခဲ့ရာမှ ယနေ့နက် ပြန်လည်ချီတက်လာခဲ့ရာ တိုက်ခိုက်ခံရခြင်း ဖြစ်သည်။

ဖေဖော်ဝါရီလ ၂၀ ရက်နေ့တွင် စစ်ကောင်စီတပ်ဖွဲ့မှ စစ်တပ်သုံးလေယာဉ်ဖြင့် အင်အား ၁၀၀ ကျော်ခန့်ကို ပူတာအိုလေယာဉ်ကွင်းသို့ ပို့ချထားခဲ့ပြီး လေယာဉ်ကွင်းမှတဆင့် စစ်ကား ၅ စီးဖြင့် ပူတာအိုမြို့သို့ သယ်ယူခဲ့ကြောင်း ပြည်သူများထံမှ သိရသည်။

ပူတာအိုမြို့နယ်တွင် ဖေဖော်ဝါရီလ ၁ ရက်နေ့မှ စတင်ကာ စစ်ကောင်စီနှင့် ကချင်လွတ်လပ်ရေးတပ်မတော် KIA ၊ PDF တပ်ဖွဲ့တို့ တိုက်ပွဲ ပြင်းထန်လာခဲ့ခြင်းဖြစ်သည်။

Read Previous

ပူတာအို အင်စီယန်တွင် တိုက်ပွဲ ဆက်လက်ဖြစ်ပွား၊ စစ်ရှောင်များ မိုးကာ အရေးတကြီးလိုအပ်နေ

Read Next

အိုမီခရွန်ကြောင့် လိုင်ဇာသို့ သွားမည့်သူများ ကွာရန်တင်း ၁၄ ရက် ဝင်ရန် ပြန်လည်သတ်မှတ်

Leave a Reply

Your email address will not be published.