,

Breaking News :

ဖားကန့်မြို့တွင်း နေရာအချို့တွင် ယခုရက်ပိုင်း Mytel အင်တာနက်လိုင်း ပြန်ရနေ

နမ့်တောင်းအနီး စစ်ကောင်စီတပ်နှင့် ကိုးကန့် MNDAA တို့ တိုက်ပွဲဖြစ်ပွားခဲ့

မြစ်ကြီးနားတွင် ဒလန်ဟု ဆိုရသော အမျိုးသားတစ်ဦး ပစ်သတ်ခံရ

ရှဒူးဇွပ် ပြည်သူ့စစ်အဖွဲ့ ထောင်ထားသော မိုင်းနင်းမိသဖြင့် ပြည်သူ ၂ ဦး ဒဏ်ရာရ

သတ်ဖြတ်မှုမကြာခဏ ဖြစ်ပွားနေသော ဖားကန့်ဒေသအကြောင်း လွှတ်တော်ကိုယ်စားလှယ်ဖြင့် မေးမြန်းခြင်း

ဆားလင်းကြီး PDF ရဲဘော် ၂ ဦးဖမ်းဆီးခံရ

ဆိပ်မူအထက်တန်းကျောင်းဝင်းတွင် မိုင်းပေါက်ကွဲမှုဖြစ်ပွား၊ ထိခိုက်ပျက်စီမှုရှိ

တနိုင်းတွင် ချောင်းရေကြီးမှုကြောင့် မြို့ပေါ်ရပ်ကွက် ၃ခုတွင် ရေဝင်ရောက်မှု ကြုံတွေ့နေရ

KIO အုပ်ချုပ်နယ်မြေအချို့တွင် ငှက်ဖျားရောဂါကူးစက်မှု အဖြစ်များနေ

တိုက်ပွဲပြင်းထန်နေဆဲ အင်းတော်- ဗန်းမောက်လမ်း လုံးဝဖြတ်သန်းသွားလာခြင်း မပြုရန် အင်းတော် PDF ထုတ်ပြန်

နမစားရစ်ရွာအား စစ်တပ်မှဝင်ရောက်မီးရိူ့သည့်အပြင် ပြည်သူ ၁၅ဦးထပ်မနည်း ပစ်သတ်ခံထားရ

ဖေဖော်ဝါရီလ ၂၅ရက်နေ့ နံနက် ၅နာရီဝန်းကျင်တွင် စစ်ကိုင်းတိုင်းဒေသကြီး၊ ရွှေဘိုမြို့နယ်၊ နမစားရစ်ရွာသို့ စစ်ကောင်စီတပ်များ လက်နက်ကြီးများပစ်ခတ်ကာ ဝင်ရောက်လာ၍ လူနေအိမ်များအား မီးရိူ့ဖျက်ဆီးထားသည့်အပြင် ဒေသခံပြည်သူ ၁၅ဦးထက်မနည်း ပစ်သတ်သွားကြောင်း ဒေသသတင်းအရင်းမြစ်နီးစပ်သူများထံမှ သိရသည်။
“တစ်ရွာလုံးနီးပါးရိူ့သွားတယ်လို့သိရတယ်။ ပြီးတော့ ခုနောက်ဆုံးသတင်းရတာတော့ ရွာသားတွေ ၁၅ ယောက်သတ်ခံထားရတယ်လို့လည်းပြန်ကြားရတယ်။ စစ်တပ်က ရွာထဲလက်ကြီးပစ်တော့ ကျည်တွေမှန်ပြီးသေတာ ” လို့ ဒေသရင်းမြစ် နီးစပ်သူတစ်ဦး ကပြောသည်။
ဒေသရင်းမြစ်၏ ပြောပြချက်အရ စစ်ကောင်စီတပ်သည် ယင်းနမစားရစ်ကျေးရွာအတွင်း မီးရိူ့ ပြီးနောက် အနီးရှိကျေးရွာဖြစ်သည့် ဇီးဖြူကုန်း‌ကျေးရွာတွင် ယနေ့နံနက်မှစ၍ ဝင်ရောက်တပ်စွဲနေထိုင်ကြောင်း သိရသည်။
ထို့ကြောင့် လက်ရှိ ယင်းနမရစ်ကျေးရွာမှ ဒေသခံများလည်း ထွက်ပြေးတိမ်းရှောင်နေရဆဲဖြစ်သည့်အတွက် သေဆုံးသူစာရင်း တိတိကျကျ ရယူရန်ခက်ခဲနေဆဲဖြစ်ကြောင်း ဒေသခံနီးစပ်သူတစ်ဦးကပြောသည်။
” ခုစစ်တပ်က အဲရွာနားတစ်ဝိုက်မှာရှိသေးတယ် အဲတော့ ရွာထဲကိုကောင်းကောင်းဝင်ရှာလို့က မလွယ်သေးဘူး” ဒေသရင်းမြစ်နီးစပ်သူတစ်ဦးကပြောသည်။
စစ်ကောင်စီတပ် လက်ရှိနမစားရစ်ရွာအပြင် အနီးရှိ‌ကျေးရွာများဖြစ်သည့် ဇီးဖြူကုန်း‌ကျေးရွာနှင့် မြိုလှကျေးရွာများတွင်လည်း ဝင်ရောက်နေပစ်ခတ်မူများပြုလုပ်နေ‌သည့်အတွက် ကျေးရွာ ၃ရွာမှ ပြည်သူများ စစ်ဘေးရှောင်နေကြရကြောင်း သိရသည်။
Data For Myanmar ၏ ဖော်ပြချက်အရ မြန်မာနိုင်ငံတစ်နိုင်လုံးတွင် ဖေဖော်ဝါရီလ ၁ရက်နေ့မှ ၂၃ရက်ထိ မီးရှို့ခံရသည့်အိမ်ခြေပေါင်း ၅၂၃၁ အိမ်ရှိသည့်အနက်စစ်ကိုင်းတိုင်း‌ဒေသကြီးတွင် ၃၁၂၆အိမ် အများဆုံးပါဝင်နေကြောင်း တွေ့ရသည်။

Read Previous

မြစ်ကြီးနားတွင် တစ်ရက်အတွင်း ကိုဗစ်ကြောင့် သေဆုံးသူ သုံးဦးရှိ၊ လူပေါင်း ၂၀၀ ကျော်ကိုဗစ်ကူးစက်ခံရ

Read Next

စစ်တပ်ထုတ်ကုန်များကို ထိရောက်စွာ ဆန့်ကျင်သပိတ်မှောက်ခြင်း

Leave a Reply

Your email address will not be published.