တိုက်ပွဲသတင်း

မုံးပေါ်တွင် စစ်ကောင်စီတပ်နှင့် KIA ၊ MNDAA တို့ တိုက်ပွဲ ပြင်းထန်

ရှမ်းပြည်မြောက်ပိုင်း မုံးပေါ်အနီး အာဏာသိမ်းစစ်တပ် နှင့် ကချင်လွတ်လပ်ရေးတပ်မတော် KIA ၊ ကိုးကန့် MNDAA  တို့ကြား ယနေ့ နံနက်ပိုင်းကစတင်ပြီး တိုက်ပွဲပြင်းထန်နေကြောင်း သိရသည်။

ယနေ့ မနက် ၁၀ နာရီခန့်မှ KIA တပ်မဟာ ၆ တပ်ရင်း ၃၆ နယ်မြေ မုံးပေါ်ရှိ မန်ကောင်းကျေးရွာအနီး KIA နှင့် ကိုးကန့် MNDAA တို့ရှိရာသို့ စစ်ကောင်စီ တပ်မ ၉၉ မှ အင်အား ၁၀၀ ဝန်းကျင်ခန့်ဖြင့် ဝင်ရောက်လာသောကြောင့် တိုက်ပွဲပြင်းထန်နေခြင်းဖြစ်ညသ်ဟု ဒေသခံတစ်ဦးက ယခုလို ပြောသည်။

“အတကုန်ပစ်နေကြပြီ။ ကိုးကန့်နဲ့ KIA ရှိနေတဲ့နေရာ ရောက်လာလို့ ထိပ်တိုက် တိုက်ပွဲဖြစ်တဲ့သဘော။ စစ်တပ်ဘက်က လက်နက်ကြီးတွေ ပစ်နေပြီ။ နေရာတကာ ရမ်းတမ်းပစ်နေလို့ အခုဒီမှာ ဘယ်လိုဖြစ်မယ်မသိနေဘူး။” ဟု မုံးပေါ်ဒေသခံတစ်ဦး KNG ကိုပြောသည်။

မုံးပေါ်ဒေသတွင် စစ်တပ် နှင့် KIA ၊ MNDAA တို့ကြား အချိန်တို တိုက်ပွဲ ဖြစ်ပွားနေသည်မှာ ၄ ရက်ခန့် ရှိလာပြီဟု သိရသည်။

Show More

Related Articles

Back to top button