,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

ကသာမြို့ ပျူစောထီးနှင့် တပ်ထောက်ခံသူများကို မိုင်းသင်တန်းများ ပို့ချပေးနေ

စစ်ကိုင်းတိုင်းဒေသကြီး ၊ ကသာမြို့တွင် စစ်ကောင်စီတပ်မှ ပျူစောထီးနှင့် တပ်ထောက်ခံသူများအား မိုင်းဖောက်ခွဲနည်း သင်တန်းပို့ချ ခြင်းများ ပြုလုပ်နေကြောင်း သိရသည်။

စစ်ကောင်စီတပ်၏ အရံအင်အားအဖြစ် အသုံးပြုရန် ပျူစောထီးအပါအဝင်၊ တပ်ထောက်ခံသူများက  မတ်လ ၁ ရက် ယမန်နေ့ နေ့လည် ၁၁ နာရီခန့်မှ စတင်ကာ ကသာမြို့အမှတ် ၄ ရပ်ကွက်၊ လမ်းမတော်လမ်းရှိ အမှတ် ၂ ရဲစခန်းဝင်းတွင် မိုင်းဖောက်ခွဲနည်း လက်တွေ့သင်တန်းများ ပို့ချပေးလျှက်ရှိကြောင်း သိရသည်။

“နေ့လည်လောက်မှာ ဗုံးပေါက်သလို အသံတွေစကြားရတယ်။ ဆက်တိုက်ပဲ တိုက်ပွဲဖြစ်တယ်ထင်လို့ လူတွေထိပ်လန့်ကုန်တယ် နောက်တော့မှ သူတို့သင်တန်းပေးနေတယ်ဆိုတာ သိရတယ်” ဟု ဒေသခံတစ်ဦးကဆိုသည်။

ကသာမြို့တွင် လွန်ခဲ့သည့်လများ၌ နေ့စဥ်ဆိုသလို ဌာနဆိုင်ရာဝင်းနှင့် အဆောက်အဦးများတွင် ဗုံးပေါက်ကွဲမှုများ ဆက်တိုက်ရှိခဲ့သည်။

ထို့ပြင် ပြီးခဲ့သည့် ဖော်ဖော်ဝါရီ ၂၁ ရက်နေ့ ည ၇ နာရီဝန်းကျင်က ကသာမြို့ ဗိုလ်ချုပ်ရုပ်တုအနီးရှိ စည်ပင်ဝင်းတွင် ဗုံးပေါက်ကွဲမှု ဖြစ်ပွားခဲ့ပြီးနောက် စကစမှ မြို့တွင်းအရံအင်အားဖြည့်တင်းရန် ပျူစောထီးနှင့် တပ်ထောက်ခံသူများအား ယခုကဲ့သို့ မိုင်းသင်တန်းများ စတင်ပို့ချပေးခြင်းဖြစ်နိုင်ကြောင်း ဒေသသတင်းအရင်းအမြစ်မှ သိရသည်။

အဆိုပါမိုင်းသင်တန်းတွင် ပါဝင်တက်ရောက်ရန် စစ်‌ကောင်စီက ပြီးခဲ့သည့် ဇန်နဝါရီ ၆ ရက်နေ့မှစတင်ကာ ကသာမြို့ပေါ် ရပ်ကွက်နှင့် ကျေးရွာများ၌ တစ်ရွာလျှင် လူအင်အား ၂၀ တောင်းဆိုထားပြီး ဒေသသတင်း အရင်းအမြစ်ထံမှ သိရသည်။

ထို့အပြင် ယမန်နေ့ ည ၇ နာရီဝန်းကျင်၌လည်း ကသာမြို့ ရပ်ကွက် ၄ ၊ တင်းနစ်ကလပ်အနီးရှိ ကသာခရိုင် မြေစာရင်းရုံးရှေ့တွင် ဗုံးတစ်လုံး ပေါက်ကွဲသွားကြောင်း သိရသည်။

“ညဦးအစောပိုင်း ၇ နာရီဝန်းကျင်လောက်ဖြစ်မယ်ဗျ။ အုန်းကနဲ့အသံတချက်ကြားရပြီး လမ်းပေါ်ဘယ်သူမှ မထွက်ရဲကြတော့ဘူး အရင်တခါ ဟိုတစ်ယောက်လို အပစ်ခံရမှာကြောက်တယ်” ဟု အမည်မဖော်လိုသူတစ်ဦးက ဆိုသည်။

အဆိုပါ ပေါက်ကွဲမှုတွင် လူသူ ထိခိုက်ပျက်စီးမှု ရှိမရှိ သီးခြားအတည်မပြုနိုင်သေးပါ။

Read Previous

မုံးပေါ်တွင် စစ်ကောင်စီတပ်နှင့် KIA ၊ MNDAA တို့ တိုက်ပွဲ ပြင်းထန်

Read Next

ကျင်စန်းကျော့ တရုတ်- မြန်မာ နယ်စပ်ကုန်သွယ်‌ရေးဂိတ် ယာယီပိတ်