,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

လမ်းခရီးကြန့်ကြာမှုများကြောင့် ဆွမ်ပရာဘွမ်တွင် စက်သုံးဆီစျေး မြင့်တက်နေဆဲ

ဆွမ်ပရာဘွမ့်မြို့အဝင် ဆိုင်းဘုတ်

မြစ်ကြီးနား-ဆွမ်ပရာဘွမ်-ပူတာအိုလမ်းသို့ ဖြတ်သန်းသွားလာမည့် ကုန်တင်ကားများသွားလာရာ၌ နှောက်နှေးကြန့်ကြာမှုနှင့် စက်သုံးဆီ သယ်ယူသည့် ကားခများ တိုးမြင့်လာမှုကြောင့် ဆွမ်ပရာဘွမ်တွင် ယနေ့ထိ စက်သုံးဆီဈေး မြင့်တက်နေဆဲဖြစ်သည်ဟု လုပ်ငန်းရှင်များထံမှ သိရသည်။

“ကျနော်တို့ ဒီလထဲမှာပဲ ဈေးထပ်မြင့်သွားပြန်ပြီ။ ဓါတ်ဆီတွေကို ရန်ကုန်ကနေ မြစ်ကြီးနား နောက်ပြီး မြစ်ကြီး နားကနေ ဆွမ်ပရာဘွမ် ပြန်ပို့ နိုင်ငံရေးက မကောင်းတော့ ရန်ကုန်ကနေ မြစ်ကြီးနားကို ဆီကား တစ်ခါဝင်ဖို့ တောင် အရမ်းကြာတယ်။ ကားလမ်းပိတ်တာတွေလည်းရှိတော့ တစ်နေ့ကတော့ ပူတာအိုလမ်း ပြန်ဖွင့်ပေးပြီ ကြားတယ်။ လမ်းဖွင့်လည်း ကားခဈေးကြီးတော့ ဈေးတတ်ဖို့ပဲရှိတယ်။” လို့ ဆွမ်ပရာဘွမ်မြို့မှ ဓါတ်ဆီရောင်းဝယ်သည့် လုပ်ငန်းရှင် တစ်ဦးက ပြောသည်။

လွန်ခဲ့သည့် ဖေဖော်ဝါရီလအထိ ဆွမ်ပရာဘွမ်မြို့နယ်တွင် ဓါတ်ဆီဈေးနှုန်း တစ်လီတာလျှင် ၁၈၀၀ ကျပ်၊ တစ်ဂါလံ ၁၀၈၀၀ ကျပ် နှင့် ဒီဇယ်ဆီ တစ်လီတာလျှင် ၁၉၅၀ ကျပ်၊ တစ်ဂါလံ ၁၁၇၀၀ ကျပ်ထိ ရှိခဲ့သည်။

သို့သော် ‌ဖေဖော်ဝါရီ လကုန်ခန့်မှစကာ လက်ရှိဆွမ်ပရာဘွမ်မြို့တွင် စက်သုံးဆီဈေး ဓာတ်ဆီတစ်လီတာ လျှင် ၂၂၅၀ ကျပ် ၊ တစ်ဂါလံ ၁၃၅၀၀ ကျပ် နှင့် ဒီဇယ်ဆီ တစ်လီတာ ၂၃၅၀ ကျပ် ၊တစ်ဂါလံ ၁၄၁၀၀ ကျပ်အထိ မြင့်တက်လာကြောင်း သိရသည်။

ကချင်လွတ်လပ်ရေးတပ်မတော် တပ်မဟာ (၁) ထိန်းချုပ်နယ်မြေဖြစ်သည့် မြစ်ကြီးနား-ဆွမ်ပရာဘွမ်-ပူတာအိုလမ်းပိုင်းကို တိုက်ပွဲများပြင်းထန်သည့်အတွက် ဖေဖော်ဝါရီလ ၂၂ရက်နေ့မှ ၂၈ ရက်နေ့အထိ  KIA မှ ပိတ်ထားခဲ့ရာ ယခု မတ်လ ၂ ရက်နေ့မှ စ၍ သတ်မှတ်ထားသည့် အချိန်အတွင်း စက်သုံးဆီနှင့် ကုန်တင်ယာဉ်များကို စတင်ဖြတ်သန်းသွားလာရန် KIA ဘက်က ခွင့်ပြုခဲ့သည်။

မြန်မာနိုင်ငံတွင် စစ်ကောင်စီမှ အာဏာသိမ်းပြီးနောက်ပိုင်း စက်သုံးဆီများ မှာယူရန် ပိုမိုခက်ခဲလာသည့်အပြင် ၂၀၂၂ ခုနှစ် မတ်လပိုင်းမှ စ၍ မြစ်ကြီးနားမြို့မှ ဆွမ်ပရာဘွမ်မြို့သို့ စက်သုံးဆီ သယ်ယူစရိတ်မှာ ယခင်ထက် နှစ်ဆမြင့်တက်လာ‌ကြောင်း လုပ်ငန်းရှင်တစ်ဦးက ပြောသည်။

“ဓါတ်ဆီတွေကို မြစ်ကြီးနားကနေ ဆွမ်ပရာဘွမ်ကို ပို့တဲ့ကားခတွေလည်း အရမ်းဈေးကြီးသွားပြီ။ အရင်ထက် ၂ဆ လောက်တတ်သွားတယ်။ ၁ ပေပါ ရောင်းမှ ၅၀၀၀ လောက် ပဲမြတ်တော့တယ်။ ကားခနဲ့ ဘာနဲ့ဆိုတော့ ပိုဆိုး အရမ်းခက်ခဲတယ်။ အဲတော့ ကျနော်တို့အနေနဲ့ အရင်းအနှီးကများ အမြတ်နဲ့ ပြန်တွတ်မယ်ဆို လူပင်ပန်းစိတ်ပင်ပန်းပဲဖြစ်တယ်။” ဟု ဆွမ်ပရာဘွမ်မြို့မှ ဓါတ်ဆီလုပ်ငန်းရှင် တစ်ဦးက ပြောသည်။

လက်ရှိ လမ်းခရီး သွားလာမှုခက်ခဲသည့် ကချင်ပြည်နယ်မြောက်ပိုင်း ဆွမ်ပရာဘွမ်-ပူတာအိုလမ်းပိုင်းတွင် စက်သုံးဆီ ၊ ကုန်တင်ယာဉ်များကိုသာ သတ်မှတ်ချိန်အတွင်း ဖြတ်သန်းသွားလာခွင့်ပြုသော်လည်း ခရီးသည်များ တင်ဆောင်ခွင့်ကို ပူတာအိုခရိုင် ပြည်သူ့ကာကွယ်ရေးတပ်ဖွဲ့က ပိတ်ပင်ထားလျှက် ရှိသည်။

Read Previous

ရုပ်ရှင်ဒါရိုက်တာ JZ ဒေါင်လွမ်း ကချင်အနုပညာရှင်အသင်းချုပ် ဥက္ကဋ္ဌ အဖြစ် ရွေးချယ်ခံရ

Read Next

စစ်ကောင်စီထုတ်ပြန်သော ကချင်ပြည်နယ်အတွင်း ဖေဖော်ဝါရီလ ကိုဗစ်-၁၉ ကူးစက်သေဆုံးမှုစာရင်း