,

Breaking News :

နမ့်တောင်းအနီး စစ်ကောင်စီတပ်နှင့် ကိုးကန့် MNDAA တို့ တိုက်ပွဲဖြစ်ပွားခဲ့

မြစ်ကြီးနားတွင် ဒလန်ဟု ဆိုရသော အမျိုးသားတစ်ဦး ပစ်သတ်ခံရ

ရှဒူးဇွပ် ပြည်သူ့စစ်အဖွဲ့ ထောင်ထားသော မိုင်းနင်းမိသဖြင့် ပြည်သူ ၂ ဦး ဒဏ်ရာရ

သတ်ဖြတ်မှုမကြာခဏ ဖြစ်ပွားနေသော ဖားကန့်ဒေသအကြောင်း လွှတ်တော်ကိုယ်စားလှယ်ဖြင့် မေးမြန်းခြင်း

ဆားလင်းကြီး PDF ရဲဘော် ၂ ဦးဖမ်းဆီးခံရ

ဆိပ်မူအထက်တန်းကျောင်းဝင်းတွင် မိုင်းပေါက်ကွဲမှုဖြစ်ပွား၊ ထိခိုက်ပျက်စီမှုရှိ

တနိုင်းတွင် ချောင်းရေကြီးမှုကြောင့် မြို့ပေါ်ရပ်ကွက် ၃ခုတွင် ရေဝင်ရောက်မှု ကြုံတွေ့နေရ

KIO အုပ်ချုပ်နယ်မြေအချို့တွင် ငှက်ဖျားရောဂါကူးစက်မှု အဖြစ်များနေ

တိုက်ပွဲပြင်းထန်နေဆဲ အင်းတော်- ဗန်းမောက်လမ်း လုံးဝဖြတ်သန်းသွားလာခြင်း မပြုရန် အင်းတော် PDF ထုတ်ပြန်

ကသာမြို့နယ် တစ်ပတ်အတွင်း တိုက်ပွဲများတွင် စစ်ကောင်စီ တပ်သား ၁၀၀ ကျော် သေဆုံး

မြစ်ဆုံဒေသ ရွှေတူးဖော်မှုများ ရပ်တန့်ပေးရေး ဒေသခံများ ဆန္ဒပြတောင်းဆို

ဧရာဝတီမြစ်ပေါ်တွင် ဆန္ဒပြထုတ်ဖော်ခဲ့တဲ့ မြစ်ဆုံဒေသခံများ

ဧရာဝတီမြစ် ထာဝစဉ်စီးဆင်းနိုင်ရေးနှင့် မြစ်ဆုံဒေသတွင် စက်ယန္တရားကြီးများဖြင့် ရွှေတူးဖော်နေသောလုပ်ငန်းများ အမြန်ဆုံး ရုတ်သိမ်းပေးရန် တောင်းဆိုသည့် လှုပ်ရှားမှုများကို အပြည်ပြည်ဆိုင်ရာ မြစ်ချောင်းအင်းအိုင်နေ့တွင် မြစ်ဆုံသေခံများ ပြုလုပ်ခဲ့ကြသည်။

မတ်လ ၁၄ ရက်နေ့ ယနေ့ နံနက်ပိုင်းတွင် မြစ်ဆုံစီမံကိန်းကြောင့် ပြောင်းရွေ့ခံထားရသော တန်ဖရဲ၊ အောင်မြင်သာ၊ လမုန့်ဇွပ် နှင့်မလိယာန် အပြင် ကျေးရွာ ၁၅ ရွာမှ ဒေသခံ ၇၀ ဦးခန့် ပါဝင်ပြီး ယခုလို တောင်းဆိုခဲ့ကြသည်ဟု မြစ်ဆုံဒေသခံတစ်ဦးက KNG သတင်းဌာနကို ပြောဆိုသည်။

“ဒီလှုပ်ရှားမှုက ကျနော်တို့ ဒေသခံတွေရဲ့ ရင်ထဲတကယ်ခံစားနေရတဲ့ အရာတွေကို ဖော်ပြတဲ့ လှုပ်ရှားမှုဖြစ်တယ်။ ဒေသခံတွေက မလိခမြစ် ထာဝစဉ်စီးဆင်းနေဖို့၊ စက်ယန္တရားကြီးတွေနဲ့ ရွှေတူးနေတဲ့သူတွေ ရပ်တန့်ပေးဖို့၊ မြစ်ဆုံစီမံကိန်းထာဝရရပ်တန့်ပေးဖို့ ဒီအချက်တွေဘဲ တကယ်ဖြစ်ပေါ်လာဖို့ ရည်ရွယ်ပြီး ပြုလုပ်ရတဲ့အကြောင်းဖြစ်တယ်” ဟု ပြောဆိုသည်။

စစ်တပ်က အာဏာသိမ်းပြီးနောက် မြစ်ဆုံဒေသတွင် စက်ယန္တရားကြီးများဖြင့် ရွှေတူးဖော်မှုလုပ်ငန်း ပြုလုပ်လာခြင်းကြောင့် ကျေးရွာများတွင် သောက်ရေခမ်းခြောက်မှုများကြုံတွေ့နေရပြီး သန့်ရှင်းသော ရေရရှိရန် ခက်ခဲလာသည်ဟု သူက ဆက်ပြောသည်။

“အခုဆို သဘာဝမြစ်ချောင်း အင်းအိုင် ဂေဟစနစ်တွေပျက်စီးလာလို့ ရေခမ်းခြောက်တာတွေဖြစ်လာတယ်။ အင်ဂန်းကျေးရွာမှာ သန့်ရှင်းတဲ့ သောက်ရေရဖို့အတွက်တောင် ခက်ခဲလာတယ်။ ရေတွင်းရေတွေခမ်းခြောက်လာတယ်။ အရင်ကဆို မလိခမြစ်ကို ဘဲမှီခိုပြီး သောက်သုံးနေရတယ်။ အခုက သုံးလို့မရတော့ဘူး။ ကျေးရွာအနီးမှာရှိတဲ့ အင်းအိုင်တွေလည်း ခမ်းခြောက်လာတယ်။ အဲ့ကြောင့် ရေရှိဖို့ အရင်ကထက် ခက်ခဲလာတယ်” ဟု ပြောဆိုသည်။

ယနေ့ အပြည်ပြည်ဆိုင်ရာ မြစ်ချောင်းအင်းအိုင်နေ့တွင် ဒေသခံပြည်သူများက “ဧရာဝတီမြစ်ထာဝရစဉ်လွတ်လပ်စွာ စီးဆင်းရေး၊ မြစ်ချောင်းများတွင် စက်ယန္တယားဖြင့် ရွှေတူးဖော်မှုရပ်ဆိုင်းရေး၊ မြစ်ချောင်းအင်းအိုင်များလွတ်လပ်စွာရှင်သန်ရေး၊ မြစ်ကြောင်းတစ်လျှောက်အကြီးစားရေကာတာဆောက်လုပ်ခြင်း အလိုမရှိ၊ သန့်ရှင်းသောရေရှိရေး၊ မြစ်ချောင်းအင်းအိုင်ဖျက်စီးသူ အလိုမရှိ၊ မြစ်ချောင်းများကို ကာကွယ်ဖို့ ရေထိန်းတောကို ထိန်းကြစို” စသော ကြွေးကြော်သံများဖြင့် တောင်းဆိုမှု ပြုလုပ်ခဲ့ကြကြောင်း သိရသည်။

Read Previous

ယင်းမာပင် Hero Tiger Force စခန်းနှစ်ခု ဖြိုခွဲခံရ

Read Next

စစ်ကောင်စီတပ် သင်္ဘော ၂ စီး ကသာအနီး ပစ်ခတ်ခံရ

Leave a Reply

Your email address will not be published.