,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

စစ်အင်အား ၄၀ ကျော်ပါသည့် စစ်တပ် မော်တော်ယာဉ်တစ်စီး စောင့်ကြိုတိုက်ခိုက်ခံရ

ကသာနယ်အတွင်း KIA နှင့် PDF အဖွဲ့ စစ်ရေးလှုပ်ရှားမှု

ရွှေကူဆိပ်ကမ်းမှ ထွက်ခွာလာသည့် စစ်ကောင်စီတပ် မော်တော်ယာဉ်တစ်စီး စောင့်ကြိုတိုက်ခိုက်ခဲ့ကြောင်း မြေပြင်သတင်းပေးပို့ချက်အရ သိရသည်။

ယနေ့ နံနက် ၄နာရီဝန်းကျင် ရွှေကူမြို့နှင့် ကျောက်ကြီးရွာကြားတွင် မြို့လှ PDF တပ် မှ RPG နှင့် ပစ်ခတ်ခဲ့တိုက်ခိုက်ခဲ့သည်ဟု ဆိုသည်။

“မနေ့က ရွှေကူဆိပ်ကမ်းမှာ သင်္ဘောညအိပ်တယ် သူတို့က သင်္ဘောလုံခြုံရေးယူရင်း အဲ့ဒီသင်္ဘောကနေ ရိက္ခာတွေ ကဲ့ယူတဲ့သဘောဖြစ်မယ်ဗျ။ သူတို့မော်တော်တစ်စီးထွက်လာတာ သတင်းရလို့ ကြိုစောင့်နေတာ ကျွန်တော်တို့က RPG တစ်လုံးနဲ့စပစ်လိုက်တာ သံခွန်ဝမ်းထဲ ထိသွားတယ် ပြီးမှ လက်နက်ငယ်နဲ့ ဆက်တိုက်ပစ်လိုက်တယ်” ဟု မြို့လှ PDF မှ တာဝန်ရှိသူတစ်ဦးကပြောသည်။

ပစ်ခတ်ခံရသည့် မော်တော်ယာဉ်သည် မတ်လ ၁၄ ရက်နေ့ ပစ်ခံရသည့် သင်္ဘောကို လုံခြုံရေးယူပေးသည့် မော်တော်ယာဉ်ဖြစ်ပြီး လက်ရှိ သင်္ဘောပေါ်မှ ရိက္ခာများ သယ်ယူနေသည်ဟု ယူဆရကြောင်း သိရသည်။

“ကျနော်တို့ ခန့်မှန်းတာတော့ သင်္ဘောပစ်ခံရတော့ ရိက္ခာတွေကို တစ်ဆင့်ပြန်သယ်ယူနေတယ်လို့ ယူဆတယ် အင်အားကတော့ ၄၀ကျော်လောက်ပါလာတာပေါ့” ဟု မြေပြင်သတင်းပေးပို့သူတစ်ဦးက ပြောသည်။

စစ်ကောင်စီတပ်သည် ယခု ရက်ပိုင်းအတွင်း ကသာအထက်ပိုင်း တစ်လျှောက်ရှိ ၎င်းတို့တပ်စွဲနေရာယူထားသည့် တပ်စခန်းများတွင် ရိက္ခာပိုမို ဖြည့်တင်းလာသည့်အပြင် ယခုရက်ပိုင်းတက်လာသည့် သင်္ဘောမှ ရွှေကူတွင် ဆန်အိတ်ပေါင်း ၂၀၀၀ ကျော်ချထားသည့်အပြင် ကသာတွေလည်း ဆန်အိတ် ၂၀၀၀ နီးပါးချပေးထားခဲ့ကြောင်း သိရသည်။

အလားတူ သင်္ဘောလာရာ လမ်းတစ်လျှောက်တွင်လည်း လုံခြုံရေးအင်းအား ယခင်ထက်ပိုမိုတိုးမြင့်လာကြောင်း သိရသည်။

“တိုးလာတာ‌ပေါ့ သိသိသာသာဘဲ ခါတိုင်းသင်္ဘောတက်တုန်းက မြစ်ကြောင်းတလျောက် လုံခြုံရေးယူတာ အင်အားအခုလောက်မများဘူး အခုလုံခြုံရေးအင်အား တော်တော်များတယ်” လို့ ဒေသခံကာကွယ်ရေးတပ်ဖွဲ့မှ တာဝန်ရှိသူတစ်ဦးကပြောသည်။

ယခုကဲ့သို့ သင်္ဘော အတက်မြစ်ကြောင်းတစ်‌‌လျှောက် လုံခြုံရေးတိုးမြင့်လာသည့်အပြင် စစ်ကောင်တပ်များ၏ လက်နက်ကြီးယမ်းသမ်းပစ်ခတ်မူကြောင့် မြစ်ကြောင်းတစ်လျှောက် ကျေးရွာနေပြည်သူအချို့ ထွက်ပြေးတိမ်းရှောင်နေကြရသည်။

ကသာမြို့ အထက်ပိုင်းမြစ်‌ကြောင်းတစ်လျှောက် မတ်လအတွင်း စစ်‌ကောင်စီတပ်၏ သင်္ဘောပစ်ခံရမှု ၆ ကြိမ် ထက်မနည်း ရှိပြီဖြစ်သည်။

Read Previous

PDF နှင့် LPDF ပူးပေါင်းမှု မရှိရင်၊ ပူးပေါင်းခဲ့ရင် ဘာဆက်ဖြစ်မလဲ

Read Next

ဝိုင်းမော် ပြည်သူ့စစ်သင်တန်းပေးရန် လီဆူအသိုင်းအဝိုင်းတွင် စည်းရုံးရေး လုပ်ဆောင်နေ