,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

မော်ဟန်ကျေးရွာတွင် မီတာခ​ပေးဆောင်လျှင် မီးပြန်ပေးမည်ဟု စစ်ကောင်စီပြောဆို

မော်ဟန်ကျေးရွာအဝင် ဆိုင်းဘုတ်

ကချင်ပြည်နယ်၊ မိုးညှင်းမြို့နယ် မော်ဟန်ကျေးရွာတွင် လျှပ်စစ်မီတာခမပေးဆောင်သည့်အတွက် စစ်ကောင်စီက လျှပ်စစ်မီးဖြတ်တောက်ထားပြီး မီတာခပေးဆောင်မည်ဆိုပါက လျှပ်စစ်မီးအချိန်ပြည့်ပြန်ပေးမည်ဟုပြောဆိုလာကြောင်းသိရသည်။

အိမ်ခြေ ၁၀၀၀ ကျော်ရှိသည့် မော်ဟန်ကျေးရွာတွင် အိမ်ခြေ ၆၀ခန့်ကသာမီတာခပေးဆောင်လျက်ရှိပြီး အများပိုင်းကမီတာခမပေးဆောင်သည့်အတွက် စစ်ကောင်စီက မတ် ၂၁ ရက်နေ့မှစတင်ကာ တစ်ရွာလုံးကို လျှပ်စစ်မီးဖြတ််တောက်ထားခြင်းဖြစ်သည်။

ယခုလို ပြည်သူများအနေဖြင့် မီတာခ ပုံမှန်ပြန်ပေးဆောင်ပါက ပုံမှန်အတိုင်းမီးပေးမည်ဟုပြောလာကြောင်း မော်ဟန်ကျေးရွာနေအမျိုးသားတစ်ဦးက KNG သတင်းဌာနသို့ပြောသည်။

“မီးက လွန်ခဲ့တဲ့နှစ်ရက်လောက်ကနေပြန်ပြီးစပေးတယ်။ အချိန်ပြည့်တော့မဟုတ်ဘူး။ လာလိုက်မလာ လိုက်ပေါ့။ ည ရနာရီလောက်ကနေ မနက် လေးနာရီလောက်ထိလာတယ်။ ကျန်တဲ့ချိန်တော့ မလာဘူး။ ဒီနေ့ရွာသားတွေနဲ့လျှပ်စစ်တာဝန်ရှိသူတွေနဲ့ ရွာကမီးလင်းရေးကကော်မတီတွေနဲ့ တွေ့ဆုံတဲ့ခါ ပြောတာတော့မီတာခတွေပြန်ဆောင်ရင်မီးပုံမှန်ပြန်ပေးမယ်။ ရွာသားတွေရဲ့သဘောပဲအတင်းတော့ မဆောင်ခိုင်ဘူးလို့ပြောတယ်” ဟုပြောဆိုသည်။

မီတာကြေးပေးဆောင်မည်ဆိုပါက ပြီးခဲ့သော ၂၀၂၁ခုနှစ် စက်တင်ဘာလမှ ဖေဖော်ဝါရီလအထိအသုံးပြုထားသည့် မီတာခများကိုပါ ပြန်လည်ပေးဆောင်ရမည်ဖြစ်ပြီး ရွာသားများက မီတာခပေးဆောင်မည်ဟု သဘောတူ ဆုံးဖြတ်ခဲ့ကြကြောင်း သိရသည်။

“ရွာကတော့အကုန်ဆောင်မယ်တဲ့မီးတာစာရွက်တွေပြန်ယူနေကြတယ်။ မီတာစာရွက်က ခြောက်လစာဆိုတော့ ခြောက်ရွက်ဟုတ်တယ်။ တစ်ခါတည်းမဆောင်နိုင်ရင် လည်းတစ်လဆောင်နိုင်ရင် တစ်လ နှစ်လဆောင်နိုင်ရင်နှစ်လ အတင်းကြီးတော့မဟုတ်ဘူး”ဟု မော်ကျေးရွာနေပြည်သူတစ်ဦးက ပြောသည်။

မော်ဟန်ကျေးရွာကို မိုးညှင်းမြို့နယ်ရှိ မဟာဓာတ်အားလိုင်းမှ လျှပ်စစ်မီးဖြန့်ဖြူးပေးလျက်ရှိပြီး ယခု လျှပ်စစ်မီးဖြတ်တောက်ရာတွင် ရက်အကန့်အသတ်မရှိဖြတ်တောက်ထားသောကြောင့် မော်ဟန်ကျေးရွာနေပြည်သူများ အနေဖြင့် မီတာခပေးဆောင်မှသာလျှင် လျှပ်စစ်မီးပြန်ပေးမည်ဖြစ်ကြောင်းသိရသည်။

အဆိုပါ မော်ဟန်ကျေးရွာတွင် အိမ်ခြေတစ်ထောင်ကျော်နှင့် လူဦးရေ ခြောက်သောင်းကျော်မှီတင်း နေထိုင်နေကြောင်းသိရသည်။

Read Previous

အရာတော်မြို့နယ်တွင် လူနေအိမ် ၃လုံး စစ်ကောင်စီ မီးရိူ့ဖျက်ဆီး၊ အသက်ကြီးရွယ်အို ၁ဦး မီးထဲသေဆုံး

Read Next

နန့်ပုတ်ချောင်းတံတား ပျဥ်ကားဖြတ်သန်းစဥ် ကျိုးကျ၊ ကားသမားသေဆုံး