,

Breaking News :

ရေဦးတိုက်ပွဲတွင် စစ်ကောင်စီဘက်က ၁၅ ဦး ထိခိုက် သေဆုံးပြီး PDF ဘက်က ၃ ဦးကျဆုံးဟုဆို

ဖားကန့်တွင် လုပ်ကွက်ဟောင်းတွင်းထဲ ပြုတ်ကျသေဆုံးခဲ့သည့် မိသားစု ၃ ဦးအနက် အမျိုးသမီးဖြစ်သူ၏ ရုပ်အလောင်းပြန်တွေ့ရှိ

မြစ်ကြီးနားနဲ့ ဖားကန့် မြို့နေရာတွေမှာ စစ်ကောင်စီ စစ်ဆေးရေးပိုမိုတင်းကြပ်နေသည့်အတွက် သွားလာရေးအခက်တွေ့နေ

စစ်ကိုင်းနှင့် ထိစပ်သည့် KIA တပ်မဟာ ၈ ၊ ၉ ဒေသများတွင် တိုက်ပွဲ ဆက်လက်ပြင်းထန်လာနိုင်

အသည်းနှလုံးတွေကိုဖျက်စီးသွားစေတဲ့အရာ

ပြည်သူ့ စစ်စခန်းသို့ ဝင်ရောက်စီးနင်းချိန် TNLA တပ်ဖွဲ့က ဒေသခံများကို လူသားဒိုင်းအဖြစ် အသုံးပြုခဲ့

ကန့်ဘလူနယ်တွင် ကျေးရွာ ၅ခု မီးရှို့ဖျက်ဆီးခံရကာ ပြည်သူ ၈ ထောင်ကျော် ထွက်ပြေးနေရ

ရွှေကူနယ်တွင် စစ်ကောင်စီတပ် ထိုးစစ်ဆင်နေသဖြင့် တိုက်ပွဲဖြစ်ပွာလာမည်ကို ဒေသခံများစိုးရိမ်

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

အင်းတော် Silent Strike နေ့ ဖမ်းဆီးခံရသည့် အမျိုးသားလွတ်မြောက်လာခြင်းမရှိသေး

အရာတော်မြို့နယ်တွင် လူနေအိမ် ၃လုံး စစ်ကောင်စီ မီးရိူ့ဖျက်ဆီး၊ အသက်ကြီးရွယ်အို ၁ဦး မီးထဲသေဆုံး

စစ်ကိုင်းတိုင်းဒေသကြီး အရာတော်မြို့နယ် ပါရမီးကျေးရွာတွင် လူနေအိမ် ၃လုံးကိုစစ်ကောာင်စီတပ်က မီးရိူ့ဖျက်စီးခဲ့ပြီး မီးရိူ့ဖျက်ဆီးမှုတွင် လေဖြတ်နေသည့် အသက်ကြီးရွယ်အို ၁ဦးလည်းမီးလောင်သေဆုံး သွားကြောင်း သိရသည်။
မတ်လ ၂၉ရက် ယနေ့ နံနက်ပိုင်းတွင် စစ်ကောာင်စီစစ်တပ်နှင့် ရဲများသည် အင်အားအများအပြားဖြင့် ပါရမီကျေးရွာအတွင်းသို့ဝင်ရောက်လာပြီး လူနေအိမ်များကို မီးရိူ့ဖျက်ဆီးခဲ့သည်ဟု ပါရမီကျေးရွာဒေသခံတစ်ဦးက KNG သတင်းဌာနကိုပြောဆိုခဲ့သည်။
“အဲ့ဒီစစ်ကောင်စီတပ်တွေက နောင်ကြီးအိုင်မှာတပ်စွဲထားတဲ့အဖွဲ့တွေဖြစ်တယ်။ ဒီဘက်ဝင်လာပြီး အိမ်တွေကိုမီးရိူ့သွားတာဗျ။ ပိုပြီးစိတ်မကောင်းစရာက အိမ်ထဲမှာရှိနေတဲ့ရောဂါသည်ကအဖိုးက မပြေးနိုင်ဘူး မီးထဲပါသွားတယ်”ဟုပြောဆိုသည်။
ရောဂါဝေဒနာကြောင့် မီးလောင်မှုတွင် သေဆုံးသွားသည့် သူမှာ အသက် ၆၂အရွယ်ရှိ ဦးညွှန့်တင့်ခေါ်သူဖြစ်ကြောင်းသိရသည်။
စစ်ကောင်စီက မီးရိူ့ဖျက်ဆီးသွားသော လူနေအိမ် ၃လုံးသည်တစ်ဆက်တည်းတည်ရှိနေခြင်းမဟုတ်ပဲ သီးသန့်တစ်နေရာဆီ ရှိနေခြင်းမှ တစ်အိမ်ချင်းစီ ရည်ရွယ်ချက်ရှိရှိ ဖျက်ဆီးခဲ့ကြောင်းလည်း ဆက်လက်သိရသည်။
အရာတော်မြို့နယ်တွင်လတ်တလော စစ်ကောင်စီတပ်က စစ်ကြောင်းထိုးမှုအရှိန်မြင့်တင်နေကာ လူနေအိမ်များမီးရိူ့ဖျက်ဆီးမှုနှင့် အပြစ်မဲ့အရပ်သားများအား ဖမ်းဆီး သတ်ဖြတ်မှုပိုမိုလုပ်ဆောင် လာနေပါနေကြောင်း ဒေသခံများပြောဆိုချက်မှသိရသည်။
လွန်ခဲ့သည့် ဇန်နဝါရီလတွင်လည်းဘော်ကုန်းကျေးရွာမှ အသက် ၃၀ ကျော်တစ်ဦး၊ အသက် ၂၀ ကျော်တစ်ဦးနှင့် အသက်၁၂ နှစ်အောက်၂ဦး၊ စုစုပေါင်း အမျိုးသားလေးဦးကို တစ်ချိန်တစ်နေရာတည်းတွင် သတ်ဖြတ်ခဲ့သည်။

Read Previous

မုံးပေါ်ဒေသမှာ စစ်ကောင်စီနဲ့ KIA တစ်ရက်ထဲ တိုက်ပွဲ ၂ ကြိမ်ဖြစ်ပွားခဲ့ပြီး နေအိမ်အချို့ လက်နက်ကျည် ထိမှန်

Read Next

မော်ဟန်ကျေးရွာတွင် မီတာခ​ပေးဆောင်လျှင် မီးပြန်ပေးမည်ဟု စစ်ကောင်စီပြောဆို