,

Breaking News :

မိုးတား‌လေးအနီး စစ်သင်္ဘောတိုက်ခိုက်ခံရမှုတွင် စစ်ကောင်စီတပ် မှ ဒေသခံများကို ဖမ်းဆီးစစ်ဆေးနေ

ဗန်းမော်တွင် ရဲသား ၂ ဦးပစ်ခံရပြီးနောက် ပြည်သူ ၆ ဦးဖမ်းဆီးခံရ

မူဆယ်မြို့တွင် ၁ ရက်အတွင်း ပိုင်ရှင်မဲ့အလောင်း ၂ လောင်းတွေ့ရှိ

စစ်ကောင်စီ ဖမ်းဆီးသွားသည့် ဆားလင်းကြီး PDF ရဲဘော် ၂ဦး သတ်ဖြတ်ခံရ

ဖားကန့် ပြည်သူ့လွှတ်တော်ကိုယ်စားလှယ် ဦးအောင်ဟိန်းမင်း၏ နေအိမ် ချိတ်ပိတ်ခံရ

ကသာမြို့နယ် တွင် PDF ပူးပေါင်းတပ်ဖွဲ့များ ကျပ်သိန်း ၃၀၀၀ ကျော်တန်ဖိုးရှိ မူးယစ်ဆေးဝါးများကို မီးရှို့ဖျက်ဆီး

ရဝမ် လူငယ်အသင်း ဥက္ကဋ္ဌ ဦးဖုန်ရော့ဖီနန်ကို စစ်ကောင်စီ မှ ထောင်ဒဏ် ၁၀ နှစ် ချမှတ်

ပူတာအိုတွင် အရေပြားရောဂါတစ်မျိုးကြောင့် နွား ကူးစက်သေဆုံးမှု များလာ

အဝေးပြေး ယာဥ်စီးခနှုန်းထား ကျပ် ၇၀၀၀ ထပ်မံ တိုးမြင့်ကောက်ခံမည်

ရှမ်းမြောက်တွင် ကြက်သွန်ဖြူကုန်တင်ကား တိမ်းမှောက်ပြီး ၁ ဦးသေဆုံး၊ ၁ ဦး ဒဏ်ရာရ

စစ်ကောင်စီတပ်၏ ရိက္ခာတင်စက်လှေ ၂စီးပစ်ခတ်ခံရပြီး ၂ စီးစလုံး နစ်မြုပ်

ရွှေကူမြို့နယ်၊ အုပ်ချီရွာမှ ထွက်လာသည့် စစ်ကောင်စီတပ်၏ ရိက္ခာတင် စက်လှေ ၂ စီးအားတိုက်ခိုက်ခံရပြီးနောက် အဆိုပါ စက်လှေ ၂ စီးလုံး နှစ်မြုပ်သွားကြောင်း မြို့လှ PDF တပ်ဖွဲ့မှ သိရသည်။

ယနေ့ နေ့လည် ၁၁ နာရီဝန်းကျင် စစ်ကောင်စီတပ်၏ ရိက္ခာတင်စက်လှေ ၂ စီးသည် အုပ်ချီရွာမှ ကောက်ကွေ့ချောင်းအတိုင်း မြို့လှရွာဖက်သို့ ထွက်ခွာစဥ် ချောင်းတစ်နေရာတွင် မြို့လှ PDF မှ တိုက်ခိုက်ခဲ့သောကြောင့် စက်လှေ ၂ စီးလုံး ထိုနေရာတွင် နှစ်မြုပ်သွားခဲ့‌ကြောင်း သိရသည်။

“ကျနော်တို့တပ်က နေပြီး လက်လုပ်‌ရှေ့ထွက်မိုင်းပြောင်းအကြီးကြီးနဲ့ဟာ ၅လုံးနဲ့ ရေမြုပ်မိုင်းနဲ့ပစ်ထည့်လိုက်တာ စက်လှေနှစ်စီးလုံးက ပက်လက်အနေအထားကနေ မှောက်ပြီး မြုပ်သွားတယ် ဒါကျနော်တို့တပ်ဖွဲ့တွေ မျက်မြင်ကိုယ်တွေ့ပါ” ဟု မြို့လှ PDF တပ်မှ တာဝန်ရှိသူတစ်ဦးကပြောသည်။

ယင်းပစ်ခတ်ခံရသည့် စက်လှေတစ်စီး စီတွင် စစ်အင်အား ၈ ဦးခန့် ပါဝင်ကာ ဆန်အဓိက သယ်ယူ ပို့ဆောင်နေသည့် စက်လှေဖြစ်ကြောင်း သိရသည်။ စက်လှေ နစ်မြုပ်သွားသည့်အတွက် စစ်ကောင်စီတပ်သားများလည်း ထိခိုက်သေဆုံးမူရှိနိုင်ကြောင်း ၎င်းက ဆက်ပြောသည်။

ဧပြီလ ၁ ရက်နေ့မှ စတင်ကာ ဧပြီလ ၇ရက်နေ့ထိ တစ်ပတ်အတွင်း စစ်ကောင်စီတပ်၏ ရိက္ခာတင် စက်လှေပစ်ခံရသည်မှာ သုံးကြိမ်တိုင်တိုင်ရှိပြီဖြစ်ရာ ယနေ့ပစ်ခတ်ခံရမူတွင် စစ်ကောင်စီဘက်မှ ပိုမိုအထိနာနိုင်ကြောင်း သိရသည်။

” အုပ်ချီက နေဆိုရင် လက်နက်ကြီးနဲ့က အကုန်လုံးလက်တစ်ကမ်းမှီတယ်လေ အဲတော့သူတို့က လုံခြုံရေးသီးသန့်ချစရာမလိုဘူးလို့ တွက်လိုက်ပုံရတယ် စက်လှေမထွက်ခင်တော့ အဲနားတစ်လျှောက်မှာ လက်နက်ကြီးနဲ့ပစ်တာတော့ လုပ်သေးတယ် ဒါပေမယ့် ကျနော်တို့ဘက်က အသာရလိုက်တဲ့သဘောပါ” လို့ မြို့လှ PDF တပ်ဖွဲ့မှ တာဝန်ရှိသူကပြောသည်။

ကသာ အထက်ပိုင်းတွင် ဧပြီလ ၁ ရက်နေ့ စက်လှေ ၆စီးပစ်ခံခဲ့ရပြီး၊ ဧပြီလ ၃ရက်နေ့ ၄စီးထပ်မံပစ်ခံရကာ ဧပြီလ ၇ရက်နေ့ ၂စီး ပစ်ခံခဲ့ရသည်။

ထို့ပြင် ၂၀၂၂ ခုနှစ်အတွင်း ကသာ၊ ရွှေကူ၊ ဗန်းမော် မြစ်ကြောင်းတစ်လျှောက် စစ်ကောင်စီတပ်နှင့် ပြည်သူ့ကာကွယ်ရေးတပ်ဖွဲ့ ၊ ဒေသကာကွယ်ရေးတပ်ဖွဲ့ကြား တိုက်ပွဲပေါင်း ၃၀ ကြိမ်ထက် မနည်းရှိပြီ ဖြစ်ကြောင်း သိရသည်။

Read Previous

ဖားကန့်မြို့နယ် အင်တာနက်ဖြတ်တောက်မှုကြောင့် ပညာရေး နောက်ကျမှု များစွာရှိနေ

Read Next

အင်းတော်မြို့တွင် ကားသမား ၂ဦးကို PDF ထောက်ပံ့သည်ဟုပြောဆိုကာ စစ်ကောင်စီဖမ်းသွား

Leave a Reply

Your email address will not be published.