,

Breaking News :

ရေဦးတိုက်ပွဲတွင် စစ်ကောင်စီဘက်က ၁၅ ဦး ထိခိုက် သေဆုံးပြီး PDF ဘက်က ၃ ဦးကျဆုံးဟုဆို

ဖားကန့်တွင် လုပ်ကွက်ဟောင်းတွင်းထဲ ပြုတ်ကျသေဆုံးခဲ့သည့် မိသားစု ၃ ဦးအနက် အမျိုးသမီးဖြစ်သူ၏ ရုပ်အလောင်းပြန်တွေ့ရှိ

မြစ်ကြီးနားနဲ့ ဖားကန့် မြို့နေရာတွေမှာ စစ်ကောင်စီ စစ်ဆေးရေးပိုမိုတင်းကြပ်နေသည့်အတွက် သွားလာရေးအခက်တွေ့နေ

စစ်ကိုင်းနှင့် ထိစပ်သည့် KIA တပ်မဟာ ၈ ၊ ၉ ဒေသများတွင် တိုက်ပွဲ ဆက်လက်ပြင်းထန်လာနိုင်

အသည်းနှလုံးတွေကိုဖျက်စီးသွားစေတဲ့အရာ

ပြည်သူ့ စစ်စခန်းသို့ ဝင်ရောက်စီးနင်းချိန် TNLA တပ်ဖွဲ့က ဒေသခံများကို လူသားဒိုင်းအဖြစ် အသုံးပြုခဲ့

ကန့်ဘလူနယ်တွင် ကျေးရွာ ၅ခု မီးရှို့ဖျက်ဆီးခံရကာ ပြည်သူ ၈ ထောင်ကျော် ထွက်ပြေးနေရ

ရွှေကူနယ်တွင် စစ်ကောင်စီတပ် ထိုးစစ်ဆင်နေသဖြင့် တိုက်ပွဲဖြစ်ပွာလာမည်ကို ဒေသခံများစိုးရိမ်

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

အင်းတော် Silent Strike နေ့ ဖမ်းဆီးခံရသည့် အမျိုးသားလွတ်မြောက်လာခြင်းမရှိသေး

မိုးညှင်းမြို့ နှင့် မော်ဟန် ကြား ရက်ပိုင်းအတွင်း စစ်တပ်ဂိတ် ၄ ခု တိုးလာ

မိုးညှင်းမြို့နှင့် မော်ဟန်ကျေးရွာ ၂ခုကြားတွင် စစ်ကောင်စီတပ်ဖွဲ့က ဂိတ်ထပ်တိုး နေရာတစ်ချို့

ကချင်ပြည်နယ် မိုးညှင်းမြို့နှင့် မော်ဟန်ကျေးရွာကြား ကားလမ်းပိုင်း၌ ယခုရက်ပိုင်းအတွင်း စစ်ကောင်စီတပ်၏ စစ်ဆေးရေးဂိတ်အသစ် ၄ ခု ထပ်တိုးလာပြီး ခရီးသွားပြည်သူများကို စစ်ဆေးမှု ပိုများလာကြောင်း သိရသည်။

အဆိုပါ စစ်ရေးဂိတ် ၄ ခုကို ယခုလ ဧပြီလ ၅ ရက်နေ့ နောက်ပိုင်းတွင် တည်ဆောက်လာခြင်းဖြစ်သည်ဟု မော်ဟန်ကျေးရွာနေအမျိုးသားတစ်ဦး က KNG သတင်းဌာနသို့ ပြောသည်။

“မိုးညှင်းကနေ မော်ဟန်ထိကို ၄ ဂိတ်ရှိတယ်။ ဆောက်တာမကြာသေးဘူးဗျ။ လေးရက် ငါးရက် လောက်ပဲရှိဦးမယ်။ ဆိုင်ကယ်တွေကတော့ ပုံမှန်လိုပဲ အမေးအမြန်းမရှိဘူး သွားလာလို့ရပါတယ်။ အဓိကတော့ကတော့ ကားတွေပါပဲ ကားတွေကတော့ သူတို့မေးမြန်းတယ်။ ရှာစရာရှိတာတွေရှာတယ်ဗျ။” ဟု မော်ဟန်ကျေးရွာနေအမျိုးသားတစ်ဦးက ပြောသည်။

အဆိုပါ စစ်ဆေးရေးဂိတ်များကို မိုးညှင်း မော်ဟန်ကျေးရွာကြားရှိ စစ်တပ်စခန်းနှင့် နီးသည့်နေရာများတွင် အခြေချထားပြီး စစ်ကောင်စီစစ်သားများ နေရာယူကာ ဖြတ်သန်းသွားလာသော ပြည်သူများကို စစ်ဆေးမေးမြန်းမှုများ ပြုလုပ်နေခြင်း ဖြစ်သည်။

“ဂိတ်ထိုင်တယ်ဆိုကတည်းက သူတို့လိုချင်တဲ့ ဦးတည်ချက်တစ်ခုတော့ရှိမှာပဲလေ။ လတ်တလောမှာ အကောက်အခွန်ကောက်နေတာတွေတော့ မရှိသေးပါဘူး။ ခရီးသွားပြည်သူတွေရဲ့ကားတွေကို ရပ်တန့်ပြီး စစ်ဆေးတယ်။ ပစ္စည်းတွေ ရှာဖွေတာတွေတော့ လတ်တလောလုပ်နေပါတယ်” ဟု ဧပြီလ ၁၀ ရက်နေ့က မိုးညှင်း လမ်းပိုင်း ခရီးသွားသည့် ပြည်သူတစ်ဦးက ပြောသည်။

ကချင်ပြည်နယ်တွင် စစ်အာဏာသိမ်းပြီးနောက် စစ်ကောင်စီတပ်၏ စစ်ဆေးရေးဂိတ်များ မကြာခဏ တိုက်ခိုက်ခံရပြီး လွန်ခဲ့သည့် လတွင်လည်း နန့်စီးအောင်စစ်ဆေးရေးဂိတ်နှင့် မြစ်ကြီးနားမြို့ အထွက် ၂၁ မိုင် ဂိတ်တို့ တိုက်ခိုက်ခံရကာ စစ်ကောင်စီတပ်သားများ သေဆုံးမှု ရှိခဲ့သည်။

သို့သော်လည်း စစ်ကောင်စီတပ်များနှင့် ၎င်းလက်အောက်ခံ ပြည်သူ့စစ်များသည် ပြည်နယ်အတွင်း နေရာအချို့တွင် စစ်အင်အားတိုးချဲ့ကာ စစ်ဆေးရေးဂိတ်များဖြင့် တင်းကြပ်လာကြောင်း နေရာအသီးသီးမှ စုံစမ်းသိရှိရပါသည်။

Read Previous

ပူတာအိုတွင် မှို အဆိပ်သင့်၍ ကလေးငယ် ၂ ဦး သေဆုံး

Read Next

မွေးမြူရေး ကြက်ခြံ မီးလောင်သဖြင့် ကြက်အကောင်တစ်ရာကျော်နှင့် ကားတစ်စီးမီးလောင်